SSC GDৰ চূড়ান্ত ফলাফল ঘোষণাঃ এইদৰে পৰীক্ষা কৰক ফলাফল…

SSC GDৰ চূড়ান্ত ফলাফল ঘোষণা

ষ্টাফ চিলেকশ্যন কমিচন, চমুকৈ SSC- এ ঘোষণা কৰিছে SSC GD কনিষ্টবলৰ চূড়ান্ত ফলাফল। লিখিত পৰীক্ষাত উত্তীৰ্ণ হোৱাৰ পিছত শাৰীৰিক পৰীক্ষাত অৱতীৰ্ণ হোৱা প্ৰাৰ্থীসকলে SSCৰ অফিচিয়েল ৱেবছাইট www.ssc.gov.in ত নিজৰ ফলাফল পৰীক্ষা কৰিব পাৰিব। ষ্টাফ চিলেকশ্যন কমিচনে এই নিযুক্তি প্ৰক্ৰিয়াৰ জৰিয়তে কেন্দ্ৰীয় সশস্ত্ৰ আৰক্ষী বাহিনী (চি এ পি এফ), এছ এছ এফত কনিষ্টবল (জি ডি) পদ আৰু অসম ৰাইফলছৰ ৰাইফলমেন (জি ডি) কনিষ্টবল পদত যোগ্য প্ৰাৰ্থীসকলক নিযুক্তি প্ৰদান কৰে। এইবাৰ SSC- এ এই নিযুক্তি প্ৰক্ৰিয়াৰ জৰিয়তে ৪৫২৮৪টা খালী পদ পূৰ কৰিব।

এই পদসমূহৰ বাবে নিৰ্বাচিত পুৰুষ-মহিলা প্ৰাৰ্থীৰ তালিকা আনুষ্ঠানিকভাৱে প্ৰকাশ কৰা হৈছে। এই বছৰ SSC GD নিযুক্তি প্ৰক্ৰিয়াৰ জৰিয়তে ৩৯৩৭৫ জন পুৰুষ আৰু ৪৮৯১ গৰাকী মহিলা প্ৰাৰ্থীক জেনেৰেল ডিউটি ​​কনিষ্টবল পদৰ বাবে চৰ্টলিষ্ট কৰা হৈছে। লিখিত পৰীক্ষা, শাৰীৰিক দক্ষতা পৰীক্ষা (পিইটি), শাৰীৰিক মানদণ্ড পৰীক্ষা (পিএছটি), নথিপত্ৰ পৰীক্ষণ, আৰু চিকিৎসা পৰীক্ষাৰ ভিত্তিত প্ৰাৰ্থীসকলক কনিষ্টবল নিৰ্বাচিত কৰা হৈছে।

বিগত কেইবাদিনো ধৰি এই নিযুক্তি প্ৰক্ৰিয়াত অৱতীৰ্ণ হোৱা প্ৰাৰ্থীসকলে চূড়ান্ত ফলাফলৰ বাবে প্ৰতীক্ষা কৰি আছিল আৰু অৱশেষত যোৱা নিশা SSC- এ  নিজা ৱেবচাইটত এই নিযুক্তি পৰীক্ষাৰ ফলাফল পিডিএফ ফৰ্মেটত ঘোষণা কৰিছে। এই নিযুক্তি পৰীক্ষাত অৱতীৰ্ণ হোৱা প্ৰাৰ্থীসকলে তলত দিয়া প্ৰক্ৰিয়া অনুসৰণ কৰি SSC GD চূড়ান্ত ফলাফল পৰীক্ষা কৰিব পাৰিব-

ষ্টাফ চিলেকশ্যন কমিচন, চমুকৈ SSCৰ অফিচিয়েল ৱেবছাইট www.ssc.gov.in চাওক।

হোমপেজত থকা Result টেবত ক্লিক কৰক।

এতিয়া ‘Recruitment of Constable (GD) in Central Armed Police Forces (CAPFs), SSF, and Rifleman (GD) in Assam Rifles Examination, 2024 – Declaration of Final Result’ অপচনত ক্লিক কৰক।

নিৰ্বাচিত প্ৰাৰ্থীৰ ৰোল নম্বৰ থকা SSC GD Final Result 2024 PDF আপোনাৰ স্ক্ৰীণত ওলাব।

নিৰ্বাচিত প্ৰাৰ্থীৰ তালিকাত আপোনাৰ ৰোল নম্বৰ সন্ধান কৰক।

ভৱিষ্যতৰ বাবে ফলাফলৰ PDF ডাউনলোড কৰি লওক।