একেখন পৰ্দাত দেখা যাব ৩ খানক! কেতিয়া, কোনে লৈছিল চূড়ান্ত সিদ্ধান্ত?

একেখন পৰ্দাত দেখা যাব ৩ খানক

শ্বাহৰুখ, ছলমান আৰু আমিৰ খান… বলীউডৰ তিনি খানক একেখন ছবিতে চাবলৈ বহুদিনে অপেক্ষা কৰি আছে অনুৰাগীসকলে। দুজনক একেলগে বহুবাৰ দেখা গৈছে যদিও তিনিওজনকে একেলগে কোনো ছবিত দেখা পোৱা নাই। আপুনি কেতিয়াবা ভাবিছেনে যদি তিনিওজনেই একেখন ছবিতে একেলগে আহিলে কি হ’ব? বক্স অফিচত প্ৰচণ্ড ধুমুহা আহিব। অৱশ্যে এয়া বাস্তৱ হ’বলৈ সময় লাগিব, কাৰণ তিনিওজনে সঠিক চিত্ৰনাট্যৰ বাবে অপেক্ষা কৰি আছে। কিন্তু একেখন ছবিতে কাম কৰাৰ ধাৰণাটো কেতিয়া আৰু কেনেকৈ তিনিওজনৰ মনলৈ আহিল জানেনে?

৩ খান একেলগে,  কি ক’লে আমিৰে?

ইয়াৰ মাজতে ছ’চিয়েল মিডিয়াত ভাইৰেল হৈ পৰিছে আমিৰ খানৰ এটা ভিডিঅ’। য’ত তেওঁ ছলমান আৰু শ্বাহৰুখ খানৰ সৈতে একেখন ছবিত কাম কৰাৰ বিষয়ে বহু কথাই কৈছে। তেওঁ কয় – “আমি অনন্ত আম্বানীৰ বিয়াত জামনগৰত আছিলো, তাৰ পিছত মুকেশে মোক ফোন কৰিছিল যে দুয়োজনে কিবা এটা কৰি আছে, আপুনিও কৰিলে ভাল হ’ব। শেষ মুহূৰ্তত তেওঁ অনুৰোধ এটা কৰি ক’লে যে, তিনিওজনক একেলগে মঞ্চত দেখি সকলোৱে আনন্দিত হ’ব।” এনে পৰিস্থিতিত আমিৰ খানে অনুষ্ঠান পৰিৱেশন কৰিবলৈ সন্মত হয়।

৩ খানে কেনেকৈ প্ৰস্তুতি চলালে?

আমিৰ খানে কয় যে, তিনিওজনে একেলগে  অনন্ত আম্বানীৰ প্ৰি-ৱেডিং ফাংচনৰ প্ৰস্তুতি আধা ঘণ্টা আগতেই কৰিছিল। এটা স্কিট তৈয়াৰ কৰা হৈছিল। তেওঁ কয়- মই, শ্বাহৰুখ আৰু ছলমান বহিলোঁ আৰু আৰম্ভ কৰিলোঁ। কিন্তু আমি যি আৰামত ইজনে-সিজনক হয় আৰু নহয় কৈ আছিলো, এনেকুৱা লাগিছিল যে সেয়া বহুত বেয়া আইডিয়া। আমি এনেদৰে কৰিব নোৱাৰো, তেনেদৰে কৰিব নোৱাৰো। তেতিয়া মই অনুভৱ কৰিলোঁ যে আমি তিনিওজনেই আৰাম অনুভৱ কৰিছো।

আমিৰে দুয়োকে কেতিয়া ছবিৰ বাবে বিচাৰিছিল?

আমিৰ খানে কয় যে, প্ৰস্তুতি শেষ হোৱাৰ পিছত তেওঁ শ্বাহৰুখ আৰু ছলমানক কৈছিল যে, এতিয়া আমি একেলগে এখন ছবি কৰিব পাৰিম। আচলতে আমিৰ খান দুয়োজন খানৰ সৈতে এখন চিনেমা কৰাক লৈ যথেষ্ট উৎফুল্লিত। লগতে প্ৰকল্পটোৰ বিষয়ে মুকলিকৈ কথা পাতে, কিন্তু বৰ্তমান ইয়াৰ কাম সম্পূৰ্ণ হ’বলৈ বহু সময় লাগিব। দৰাচলতে অনন্ত আম্বানীৰ বিবাহ অনুষ্ঠানত তিনিওজনৰে একেলগে থকা ফটো প্ৰকাশ পোৱাৰ পাছত অনুৰাগীসকল আনন্দিত হৈ পৰে। তিনিওজনৰ লগতে মঞ্চত দেখা গ’ল ৰাম চৰণক। খবৰ অনুসৰি অনন্ত আম্বানী আৰু ৰাধিকা মাৰ্চেণ্টৰ বিবাহৰ বাবে ৫০০০ কোটি টকা ব্যয় কৰা হৈছে।