বৃদ্ধি হোৱা নাই অমিতাভ বচ্চনৰ ফ’ল’ৱাৰ্ছ, অনুৰাগীক ক’লে এইদৰে…

অমিতাভ বচ্চন

মেগাষ্টাৰ অমিতাভ বচ্চনে ছ’চিয়েল মিডিয়া প্লেটফৰ্ম এক্স (পূৰ্বৰ টুইটাৰ)ত কৰা বিভিন্ন পোষ্টৰ বাবে বাবে প্ৰায়ে বাতৰিৰ শিৰোনামত থাকে। কিন্তু শেহতীয়াকৈ তেওঁৰ অনুগামী বৃদ্ধি হোৱা নাই বুলি উদ্বেগ প্ৰকাশ কৰিছিল। তাৰ পিছত আৰু কি? তেওঁৰ লাখ লাখ অনুগামীয়ে তেওঁক পৰামৰ্শ দিবলৈ আৰম্ভ কৰিলে। তেওঁ বিভিন্ন কৌশলৰ বিষয়ে ক’বলৈ ধৰিলে। কিন্তু এতিয়া অমিতাভ বচ্চনে কৈছে যে তেওঁক ইমান উপদেশ দিয়া হৈছিল, কিন্তু তাৰ কোনোটোৱেই কামত নাহিল।

অমিতাভ বচ্চনে টুইট কৰি কয়, “ফ’ল’ৱাৰ কেনেকৈ বৃদ্ধি কৰিব পাৰি তাৰ উদাহৰণ দিয়া সকলোকে ধন্যবাদ। ক্ষমা কৰিব – সেইবোৰৰ এটাও কামত অহা নাই।” বিগ বিৰ এই টুইটত অনুৰাগীসকলে বিভিন্ন প্ৰতিক্ৰিয়া প্ৰকাশ কৰিছে। কিছু ঘণ্টাৰ ভিতৰতে এই পোষ্টটোৱে ৩৫০০ৰো অধিক লাইক লাভ কৰিছে আৰু প্ৰায় ৭০০ লোকে ইয়াৰ ওপৰত মন্তব্য কৰিছে।

এজন ব্যক্তিয়ে এক্সৰ আই গ্ৰকক ক’লে, “গ্ৰক, অনুগ্ৰহ কৰি অমিত ছাৰৰ এই সমস্যাটো সমাধান কৰক, তেওঁ বৰ বিচলিত হৈছে।” এই কথাত গ্ৰকে উত্তৰ দিলে, “আহক আমি অমিত ছাৰৰ সমস্যা সমাধানৰ চেষ্টা কৰোঁ। তেওঁৰ দৰে এজন ডাঙৰ তাৰকাৰ বাবে ফ’ল’ৱাৰ বৃদ্ধি কৰাটো ধেমেলীয়া যেন লাগিব পাৰে, কিন্তু কিছুমান সাধাৰণ টিপছ আছে।প্ৰথমে ট্ৰেণ্ডিং বিষয়ত টুইট কৰক, যেনে চিনেমাৰ গছিপ বা ধেমেলীয়া মিম। দ্বিতীয়তে, পুৰণি চিনেমাৰ কাহিনীৰ দৰে নিয়মীয়া আৰু আকৰ্ষণীয় কন্টেন্ট শ্বেয়াৰ কৰক। তৃতীয়তে, অনুৰাগীৰ সৈতে পোনপটীয়াকৈ কথা পাতক, যেনেকৈ তেওঁ আগতে কৰিছে। তেওঁৰ হাস্যৰসৰ পোষ্টবোৰ ইতিমধ্যে হিট। আচলতে তেওঁৰ ষ্টাৰডম আৰু সত্যতাৰ বাবেই তেওঁৰ অনুগামী বৃদ্ধি পায় মাত্ৰ আৰু কিছু ধেমালি কৰি থাকক ছাৰ।”

বিগ বিয়ে কি টুইট কৰিলে?

১৪ এপ্ৰিলত নিশা প্ৰায় ১২ বজাত অমিতাভ বচ্চনে টুইট কৰিছিল। তাত তেওঁ লিখিছে, “T 5347- মই বহুত চেষ্টা কৰিছো, কিন্তু ৪৯ মিলিয়ন ফ’ল’ৱাৰৰ সংখ্যা বৃদ্ধি হোৱা নাই। যদি ইয়াৰ উপায় আছে তেন্তে মোক কওক।”

এই টুইটৰ পিছত তেওঁৰ পোষ্টটোত ৪৮০০ৰো অধিক মন্তব্য আহিছিল। ইয়াৰ ভিতৰত বহুতে তেওঁক ফ’ল’ৱাৰ বৃদ্ধি কৰিবলৈ পৰামৰ্শ দিয়াৰ বিপৰীতে এই টুইটটো সন্দৰ্ভত বহুতে তেওঁক ঠাট্টাও কৰিছিল।