স্বামী, সন্তান অবিহনে কিয় ভাৰতলৈ উভতি আহিল অনুষ্কা শৰ্মা?

ভাৰতলৈ উভতি আহিল অনুষ্কা শৰ্মা!

দীৰ্ঘদিন ধৰি ছবি জগতৰ পৰা আঁতৰি আছে বলীউডৰ অভিনেত্ৰী অনুষ্কা শৰ্মা । পুত্ৰ আকায়ৰ জন্মৰ পৰাই অনুষ্কা লণ্ডনত আছিল। কিন্তু ৪ ছেপ্টেম্বৰৰ ৰাতিপুৱা তেওঁক বিমানবন্দৰত দেখা গৈছে। বহু দিনৰ পাছত অনুষ্কাক দেখি অনুৰাগীসকলৰ সুখৰ কোনো সীমা নোহোৱা হৈছিল। পাপাৰাজীয়ে তেওঁলোকক দেখাৰ লগে লগে কেমেৰাত দৃশ্য বন্দী কৰিছিল। এই সময়ছোৱাত স্বামী বিৰাট কোহলি বা সন্তান ভামিকা আৰু আকায় তেওঁৰ লগত নাছিল। ভাৰতলৈ উভতি অহাৰ পাছত অভিনেত্ৰীগৰাকীয়ে প্ৰথমবাৰৰ বাবে ইনষ্টাগ্ৰামত এটা পোষ্ট শ্বেয়াৰ কৰিছে। এই ফটোবোৰ চোৱাৰ পাছত মানুহে অনুমান কৰিছে যে অনুষ্কা কিয় ভাৰতলৈ ঘূৰি আহিছে। শিশুসকলৰ বাবে অনুষ্কা শৰ্মাৰ উভতি অহাৰ বুলি কোৱা হৈছে।

অনুষ্কা শৰ্মা ভামিকাৰ জন্মৰ পৰাই ছবি জগতৰ পৰা আঁতৰি আছে। ইয়াৰ মাজতে তেওঁৰ এখন চলচ্চিত্ৰ সাজু হৈছে। যাৰ নাম হৈছে চাকদা এক্সপ্ৰেছ, যিখন নেটফ্লিক্সত মুক্তি পোৱা কথা আছিল। কিন্তু কেতিয়া মুক্তি দিয়া হ’ব সেই বিষয়ে এতিয়ালৈ কোনো তথ্য পোৱা নাই। আনহাতে আকায়ৰ জন্মৰ পাছত অনুষ্কা শৰ্মা সন্তানৰ সৈতে লণ্ডনত আছে। তেওঁক আই পি এলৰ সময়ত দেখা গৈছিল। কিন্তু তাৰ পিছত ঘূৰি গৈছিল। একে সময়তে বিৰাট কোহলিয়ে এমাহ আগতে শ্ৰীলংকাৰ বিৰুদ্ধে এদিনীয়া শৃংখলা খেলিবলৈ গৈছিল। কিন্তু তাৰ পৰা ভাৰতলৈ উভতি অহা নাছিল। পৰিয়ালটোৰ সৈতে পোনপটীয়াকৈ লণ্ডনলৈ গৈছিল। এতিয়া অনুষ্কা শৰ্মাৰ ভাৰতৰ অহাৰ কাৰণ কি? আহক বিচাৰি উলিয়াও..

৪ ছেপ্টেম্বৰৰ ৰাতিপুৱা অনুষ্কা শৰ্মা ভাৰতত উপস্থিত হয়। এই সময়ছোৱাত অভিনেত্ৰীগৰাকীক সম্পূৰ্ণ বেলেগ ৰূপত দেখা গৈছিল। তেওঁ উভতি আহি কেমেৰাৰ সন্মুখত হাঁহি হাঁহি প’জ দিছিল।ভাৰতলৈ উভতি অহাৰ পাছত অনুষ্কা শৰ্মাই প্ৰথমবাৰৰ বাবে ইনষ্টাগ্ৰামত এটা পোষ্ট শ্বেয়াৰ কৰিছে। য’ত অনুষ্কা শৰ্মাৰ ৪খন ফটো আছে। ফটোত অনুষ্কাক নীলা চুটি টপ আৰু ৰঙা ট্ৰাউজাৰত প’জ দিয়া দেখা গৈছে। শিৰোনামত অভিনেত্ৰীগৰাকীয়ে লিখিছিল- “হেপ্পী গ’ ৰেড”। এই সময়ছোৱাত অনুষ্কা শৰ্মাই এক অনুষ্ঠানত অংশগ্ৰহণ কৰিছিল। যি শিশুৰ খাদ্য সামগ্ৰীৰ ব্ৰেণ্ড। যাক Slurrp Farm বুলি কোৱা হয়। অভিনেত্ৰীগৰাকীয়ে দীৰ্ঘদিন ধৰি ইয়াৰ প্ৰচাৰ কৰি আহিছে।

Slurrp Farm এনে এটা কোম্পানী, যাক মেঘনা নাৰায়ণ আৰু শৌৰৱী মালিক নামৰ দুগৰাকী মাতৃয়ে পৰিচালনা কৰে। য’ত শিশুৰ পৰা খাদ্য-সামগ্ৰী পোৱা যায। যাৰ ভিতৰত আছে মিলেট, ওটচ, চকলেট, বাজৰা, আৰু কলৰে বনোৱা খাদ্যৰ লগতে বিস্কুট অন্তৰ্ভুক্ত। এই পেকেটযুক্ত খাদ্য ব্ৰেণ্ডটো ২০১৬ চনত আৰম্ভ কৰা হৈছিল। যিটো অনুষ্কা শৰ্মাই প্ৰচাৰ কৰি আছে। অভিনেত্ৰীগৰাকী ২০২২ চনত ব্ৰেণ্ডটোত যোগদান কৰিছিল। অভিনেত্ৰীগৰাকীয়েও ইয়াত বিনিয়োগ কৰিছে। অনুষ্কা শৰ্মা Slurrp Farmৰ ব্ৰেণ্ড এম্বেচেডৰ। অনুষ্কাই ইয়াৰ লগতে জড়িত অনুষ্ঠান এটাৰ বাবে ভাৰতলৈ আহিছে। শেহতীয়াকৈ তেওঁ অনুষ্ঠানটোত উপস্থিত হোৱাৰ পাছত বিষয়টো স্পষ্ট হৈ পৰিছে। অভিনেত্ৰীগৰাকীৰ ভাৰতলৈ অহাৰ কাৰণ হৈছে শিশুৰ খাদ্য ব্ৰেণ্ড।

অনুষ্ঠানটোৰ সময়ত অনুষ্কা শৰ্মাৰ এটা ভিডিঅ’ ভাইৰেল হৈ পৰিছে। তাত এজনী কণমানি ছোৱালীয়ে অনুষ্কাক কৈছে যে তেওঁ অভিনেত্ৰীগৰাকীৰ ডাঙৰ অনুৰাগী। অনুষ্কা শৰ্মাৰ এটা গানতো তেওঁ প্ৰদৰ্শন কৰিছে। ইয়াৰ পাছত অনুষ্কা কণমানিজনীৰ সৈতে ছেলফি লয়। আকায়ৰ জন্মৰ পাছত বিৰাট কোহলি আৰু অনুষ্কা শৰ্মা স্থায়ীভাৱে লণ্ডনলৈ স্থানান্তৰিত হ’ব বুলি বাতৰি পোৱা গৈছিল। ইয়াৰ পাছত যেতিয়া ভাৰতলৈ ঘূৰি আহিছিল সকলোৰে ট্ৰ’লৰ সন্মুখীন হৈছিল।