Bigg Boss 18: কৰনবীৰ মেহৰালৈ ‘বিগ বছ ১৮’ৰ খিতাপ, কিমান ধন লাভ কৰিলে জানেনে?

বিগ বছ ১৮ বিজেতা

কালাৰছ টিভিৰ এটা জনপ্ৰিয় ৰিয়েলিটি শ্ব’ বিগ বছ। ১৯ জানুৱাৰীত অনুষ্ঠিত হোৱা গ্ৰেণ্ড ফিনালেত ছলমান খানে বিগ বছ ১৮ (Big boss 18)ৰ বিজয়ীৰ নাম ঘোষণা কৰে। বিগ বছ ১৮ ৰ খিতাপ দখল কৰিবলৈ সক্ষম হয় কৰনবীৰ মেহৰাই। কালি অনুষ্ঠিত হোৱা বিশেষ অনুষ্ঠানত কৰণবীৰে ছলমান খানৰ পৰা জয়ৰ ট্ৰফী গ্ৰহণ কৰে। কৰনবীৰৰ জয়ত সুখী হৈ পৰিছে তেওঁৰ অনুৰাগীসকল আৰু সকলোৱে তেওঁক জনাইছে শুভেচ্ছা। কৰনবীৰে লাভা কৰা ট্ৰফীটোত ডাবল বি(BB) ৰ ডিজাইন অংকন কৰা আছে। ইয়াৰ লগতে তেওঁ মোটা অংকৰ ধনো লাভ কৰে।

কিমান টকা লাভ কৰিলে

ছলমান খানৰ ৰিয়েলিটি শ্ব’ বিগ বছত জয়ী হোৱাৰ বাবে কৰনবীৰে ৫০ লাখ টকাৰ নগদ ধন লাভ কৰে। প্ৰথম অৱস্থাত জয়ী হোৱা প্ৰাৰ্থীৰ টকাৰ পৰিমাণ প্ৰায় ১ কোটি আছিল যদিও সময়ে সময়ে ইয়াক কমাই দিয়া হৈছে। বিগত কেইটামান বছৰৰ পৰা বিগ বছ বিজেতাক ৫০ লাখ টকাকৈ প্ৰদান কৰি অহা হৈছে। ২০০৭ চনত প্ৰথমবাৰৰ বাবে বিগ বছৰ আৰম্ভণি হৈছিল। সেই সময়ত বৰ্তমানৰ জনপ্ৰিয় অভিনেতা ৰাহুল ৰায়ে জয়ৰ খিতাপ লাভ কৰিছিল। সেই সময়ত তেওঁ ১ কোটি টকা লাভ কৰিবলৈ সক্ষম হৈছিল।

কৰনবীৰ মেহৰা ‘বিগ বছ ১৮’ৰ বিজয়ী হোৱাৰ বিপৰীতে ভিভিয়ান ড্চেনাই প্ৰথম ৰানাৰ্ছ আপ হয়। মন কৰিবলগীয়া যে, বিগ বছ ১৮ আৰম্ভ হোৱাৰ পৰাই ভিভিয়ান ড্চেনাৰ প্ৰদৰ্শন বৰ ভাল নাছিল। একাংশৰ মতে ভিভিয়ান ড্চেনাই পৰাজয় হোৱাৰ কাৰণ হ’ল তেওঁৰ অহংকাৰী মনোভাৱ। কিয়নো তেওঁ কালাৰছৰ প্ৰথম পচন্দ আছিল আৰু আৰম্ভণিৰ পৰাই ভাবি আহিছিল যে তেওঁৱে বিজয়ৰ খিতাপ দখল কৰিব। যাৰ বাবে তেওঁ কোনো টাস্ক ভালদৰে নকৰাৰ লগতে কোনো বিষয়কলৈও বিশেষ চৰ্চাত নাছিল।

মন কৰিবলগীয়া যে, বিগত কেইবাবছৰ ধৰি দৰ্শকে বিগ বছক লৈ বহু প্ৰশ্ন উত্থাপন কৰি আহিছে। জনসাধাৰণৰ মতে, যোগ্য প্ৰাৰ্থীৰ বিপৰীতে বিগ বছৰ খিতাপ কালাৰছৰ অভিনেতা-অভিনেত্ৰীক দিয়া হয়। যাৰ বাবে সমগ্ৰ ছিজন ভাল প্ৰদৰ্শন কৰি অহাৰ পাছতো যোগ্যজনে খিতাপ দখল নকৰে। এনে পৰিস্থিতিত এইবাৰ দৰ্শকৰ বিশ্বাস পুনৰ জয় কৰাৰ চেষ্টা কৰিছে বিগ বছে। যাৰ বাবে বিগ বছে কালাৰছৰ প্ৰিয় অভিনেতাজনক বিজয়ৰ খিতাপ দিয়াৰ বিপৰীতে কৰণবীৰক এই খিতাপ প্ৰদান কৰে। বিগ বছৰ লাখ লাখ দৰ্শকৰ মতে কৰনবীৰ মেহৰায়ে বিগ বছ ১৮ খিতাপৰ প্ৰকৃত যোগ্য প্ৰাৰ্থী।