মিছলীয়া মিথুন চক্ৰৱৰ্তী! মিছা প্ৰতিশ্ৰুতিৰে পাতিছিল নেকি বিয়া? প্ৰথম পত্নীয়ে কৈছিল…

মিথুন আৰু প্ৰথম পত্নী

জনপ্ৰিয় অভিনেতা মিথুন চক্ৰৱৰ্তীৰ প্ৰথম পত্নীক চিনি পাইনে? তেওঁ আছিল প্ৰয়াত বলীউড অভিনেত্ৰী হেলেনা লুক। ১৯৮৫ চনত হেলেনাই অমিতাভ বচ্চনৰ অভিনীত ‘মাৰ্ড’ ছবিত অভিনয় কৰিছিল। সেই সময়ত মিথুন চক্ৰৱৰ্তীৰ ছবিজগতত মিথুন চক্ৰৱৰ্তীৰ এক বিশেষ দপদপনি আছিল। এখনৰ পাছত আনখন ছুপাৰহিট ছবিৰে মিথুনে দৰ্শকৰ মন জয় কৰি গৈছিল। সেই সময়ত তেওঁ হেলেনাৰ প্ৰেমত পৰিছিল। প্ৰথম অৱস্থাত হেলেনাই এই সম্পৰ্কত সন্মতি প্ৰদান কৰা নাছিল যদিও পৰৱৰ্তী সময়ত মান্তি হৈছিল আৰু মিথুন চক্ৰৱৰ্তীৰ সৈতে বিয়াত বহিছিল।

কিন্তু সেই সম্পৰ্ক বেছি দিনলৈ ভালে নাথাকিল। মাত্ৰ ৪ মাহৰ পাছতেই তেওঁলোকৰ বিবাহ বিচ্ছেদ ঘটে।  হেলেনাই দাবী কৰছিল যে, তেওঁলোকৰ মাজত কেতিয়াও প্ৰেমৰ সম্পৰ্ক গঢ় লৈ নুঠিল। গতিকে বিয়াৰ পাছতে তেওঁলোকে সম্পৰ্ক বিচ্ছেদৰ সিদ্ধান্ত গ্ৰহণ কৰিছিল। এই সন্দৰ্ভত এটা সাক্ষাৎকাৰত হেলেনাই কৈছিল যে- এয়া নহ’লে ভাল আছিল। মই যাতে তেওঁক বিশ্বাস কৰো তাৰ বাবে মোক পতিয়ন নিয়াইছিল। বিশ্বাস কৰি সেই মানুহজনৰ সৈতে মই পৰিয়াল গঢ় দিব সাজু হৈছিলো। দুৰ্ভাগ্যজনকভাৱে তেওঁ সফল হৈছিল।

তেওঁ লগতে কয়, মই তেওঁৰ ওচৰলৈ আৰু কেতিয়াও ঘূৰি নাযাওঁ। তেওঁ পৃথিৱীৰ আটাইতকৈ ধনী মানুহ হ’লেও মই ঘূৰি নাযাও। মই কেতিয়াও মোৰ ভৰন পোষণৰ দাবী কৰি নাই। এই বিয়াখন মোৰ বাবে আছিল এক বেয়া সপোন, আৰু এতিয়া সেয়া শেষ হৈ গৈছে।

অৱশ্যে কেৱল এয়াই নহয়, আন এটা সাক্ষাৎকাৰত হেলেনাই কৈছিল যে,  তেওঁ এই সম্পৰ্কত সুখী নাছিল। সাংবাদিকে তেওঁক প্ৰশ্ন কৰিছিল যে মিছা প্ৰতিশ্ৰুতি দি মিথুনে বিয়া পাতিছিল নেকি? ইয়াৰ উত্তৰত হেলেনাই কৈছিল যে, তেওঁ মোৰ দেউতাক প্ৰতিশ্ৰুতি দিছিল যে তেওঁ মোক পৃথিৱীৰ নৱম আশ্চৰ্যৰ দৰে ৰক্ষা কৰিব।  কিন্তু পিছত মই বুজিব পাৰিছিলো যে তেওঁ নিজৰ বাহিৰে কাকো ভাল পাব নোৱাৰে।