প্ৰেমিক নহয়, এইবাৰ আৰক্ষীৰ ৰূপত! আহি আছে শ্বাহিদ কাপুৰৰ নতুন ছবি ‘দেৱা’

বহু অপেক্ষিত শ্বাহিদ কাপুৰৰ ছবি ‘দেৱা’ এতিয়া মুক্তিৰ পথত। ইতিমধ্যে ছবিখনৰ টিজাৰ মুক্তি লাভ কৰিছে। দীৰ্ঘদিন বিৰতিৰ পাছত শ্বাহিদ কাপুৰক এক্সন, ৰোমাঞ্চৰ সৈতে ডাঙৰ পৰ্দাত দেখিবলৈ পোৱা যাব। জি ষ্টুডিঅ’ আৰু ৰয় কাপুৰ প্ৰডাকচনৰ এই ছবিখনৰ বাবে দৰ্শক তথা শ্বাহিদ কাপুৰৰ অনুৰাগীসকলে দীৰ্ঘদিনৰ পৰা অপেক্ষা কৰি আছে। কিছুদিন পূৰ্বে মুক্তি লাভ কৰা ছবিখনৰ পোষ্টাৰে দৰ্শকৰ মন জয় কৰিবলৈ সক্ষম হৈছিল। ইয়াৰ পাছত এতিয়া এই ছবিখনৰ টিজাৰ মুক্তি লাভ কৰিছে। দেৱাৰ নিৰ্মাতাসকলে সামাজিক মাধ্যমযোগে এই টিজাৰ মুকলি কৰিছে।

শ্বাহিদৰ অনুৰাগীসকলে নতুন ছবিক লৈ যথেষ্ঠ উৎফুল্লিত হৈ আছে। দেবাৰ টিজৰ ৫২ ছেকেণ্ডৰ। ইয়াৰ আৰম্ভণিত শ্বাহিদ কাপুৰৰ সুন্দৰ প্ৰদৰ্শন দেখা গৈছে। এই ছবিখনত শ্বাহিদে এগৰাকী আৰক্ষী বিষয়াৰ চৰিত্ৰত অভিনয় কৰিব। এই ছবিখন ৩১ জানুৱাৰী, ২০২৫ ত মুক্তি লাভ কৰিব। শ্বাহিদ কাপুৰৰ লগতে এই ছবিখনত পুজা হেগড়েৰ মুখ্য চৰিত্ৰত অভিনয় কৰিব। ছবি নিৰ্মাতাসকলে এই ছবিখনত টিজাৰ মুকলি কৰি কেপশ্যনত লিখিছে যে, D day is hehe, machana chalu.

শ্বাহিদ কাপুৰৰ নতুন আহিবলগীয়া ছবি দেবাৰ টিজাৰ মুকলি হোৱাৰ পাছতেই বিভিন্নজনে ইয়াৰ প্ৰশংসা কৰে।বহুতে শ্বাহিদ কাপুৰৰ এই ছবিৰ টিজাৰ চাই কবিৰ সিং নামৰ ছবিখনলৈ মনত কৰিছে। উল্লেখ্য যে, শ্বাহিদ কাপুৰৰ আহিবলগীয়া ছবি দেৱা প্ৰথম অৱস্থাত ভেলেন্টাইন দেৰ সময়ত মুকলি লাভ কৰাৰ কথা আছিল। কিন্তু ভেলেন্টাইনে দে নহয়, তাৰ পূৰ্বে মুক্তি লাভ কৰিব শ্বাহিদৰ আহিবলগীয়া ছবি দেৱা।

মন কৰিবলগীয়া যে, বলিউডৰ এগৰাকী জনপ্ৰিয় অভিনেতা শ্বাহিদ কাপুৰ। বিগত সময়চোৱাত তেওঁৰ বহু ছবি মুক্তি লাভ কৰিছিল। বিশেষকৈ কবিৰ সিং নামৰ ছবিখনৰ পাছত শ্বাহিদৰ জনপ্ৰিয়তা যথেষ্ঠ বৃদ্ধি পাইছিল। ছবিখনত শ্বাহিদে এজন চিকিৎসকৰ চৰিত্ৰত অভিনয় কৰিছিল। ছবিখনৰ মুখ্য অভিনেত্ৰীৰ চৰিত্ৰত অভিনয় কৰিছিল কিয়াৰা আডবানীয়ে।

কবিৰ সিং নামৰ ছবিখনত কিয়াৰা আৰু শ্বাহিদৰ ৰোমাঞ্চ দৰ্শকে যথেষ্ঠ পচন্দ কৰিছিল। একপ্ৰকাৰ কবিৰ সিং এক ট্ৰেণ্ডলৈ পৰিণত হৈছিল। ২০১৯ চনত মুক্তি লাভ কৰা এই ছবিখনে যথেষ্ঠ জনপ্ৰিয়তা অৰ্জন কৰিবলৈ সক্ষম হৈছিল। গতিকে শ্বাহিদ কাপুৰৰ আহিবলগীয়া ছবি দেৱাই মানুহৰ মন জয় কৰিবলৈ সক্ষম হয় নে নহয় সেয়া আহিবলগীয়া সময়ত জানিব পৰা যাব। মাজত মাত্ৰ কেইটামান দিন, তাৰ পাছতে ছবিগৃহলৈ আহিব ‘দেৱা’।