Emergency Vs Azaad BO Collection: বৰ্তমানলৈ কিমান উপাৰ্জন কৰিলে কংগনা ৰাণাৱটৰ ‘ইমাৰ্জেন্সী’, ৰাশা-অমনৰ ‘আজাদ’য়ে? কোন আছে আগত?

২০২৫ৰ ১৭ জানুৱাৰীত ছবিগৃহত প্ৰৱেশ কৰিছিল দুখনকৈ ছবিয়ে। যিহেতু দুখনকৈ ছবি একেলগে মুক্তি দিয়া হৈছে দুয়োখনৰে মাজত নিশ্চয়কৈ সংঘৰ্ষ হ’ব। দীৰ্ঘদিন ধৰি ‘ইমাৰ্জেন্সী’ক চৰ্চাত আছিল লৈ কংগনা ৰাণাৱট । এই ছবিখনৰ মুক্তিৰ আগতে ইয়াকে লৈ বহুতো প্ৰশ্ন উত্থাপিত হৈছিল যে কংগনাই প্ৰাক্তন প্ৰধানমন্ত্ৰী ইন্দিৰা গান্ধীক ‘ইমাৰ্জেন্সী’ত কেনেদৰে দেখুৱাব?

‘ইমাৰ্জেন্সী’ ছবিখনক লৈ যথেষ্ট বিতৰ্ক হৈছিল, বহু ঠাইত ছবিখন নিষিদ্ধ কৰাৰ দাবীও উত্থাপন কৰা হৈছিল। কিন্তু ‘ইমাৰ্জেন্সী’ মুক্তিৰ পিছত সকলোৱে পছন্দ কৰিছে কংগনাৰ কাম।ইফালে ‘ইমাৰ্জেন্সী’ৰ লগতে একেদিনাই মুক্তি লাভ কৰিছে ৰবীনা টণ্ডনৰ কন্যা ৰাশা থাদানী আৰু অজয় দেৱগনৰ ভতিজা অমন দেৱগনৰ প্ৰথম ছবি ‘আজাদ’। দ্বিতীয় দিনা কংগনা ৰাণাৱটে বক্স অফিচত আধিপত্য বিস্তাৰ কৰা দেখা গৈছে।

কংগনা ৰাণাৱটৰ ছবিখনক ৰাশা থাদানী আৰু অমন দেৱগনৰ চলচ্চিত্ৰৰ সৈতে তুলনা কৰাটো সঠিক নহ’ব। কাৰণ কংগনা অভিজ্ঞতাৰ ক্ষেত্ৰত বহুত আগবাঢ়ি আছে। গতিকে তেওঁৰ অভিনয়ে নিশ্চিতভাৱে সকলোকে প্ৰভাৱিত কৰে। একে সময়তে, ৰাশা আৰু অমনৰ এইখন প্ৰথম ছবি। এইফালৰ পৰা ক’ব পাৰি যে তেওঁলোকে যথেষ্ট ভাল কাম কৰিছে। বয়সতকৈ বেছি ডাঙৰ চৰিত্ৰত অভিনয় কৰি ৰাশা আৰু অমনেও সকলোকে প্ৰভাৱিত কৰিছে। ছেকনিলকৰ প্ৰতিবেদন অনুসৰি, মুক্তিৰ দ্বিতীয় দিনা ‘ইমাৰ্জেন্সি’য়ে বক্স অফিচত ৩.৫০ কোটি টকা সংগ্ৰহ কৰিছে। প্ৰথম দিনা ছবিখনে ২.৫ কোটি উপাৰ্জন কৰিছিল। ইয়াৰ সৈতে, ‘ইমাৰ্জেন্সী’ মুঠ সংগ্ৰহ এতিয়া ৬ কোটিত উপনীত হৈছে।

 ‘আজাদ’ৰ উপাৰ্জন

দ্বিতীয় দিনা ৰাশা থাদানী আৰু অমন দেৱগনৰ ‘আজাদ’ উপাৰ্জন ঠাণ্ডা দেখা গৈছিল। এই ছবিখনৰ উপাৰ্জনহ্ৰাস বা বৃদ্ধি হোৱা নাই। মুক্তিৰ দ্বিতীয় দিনা বক্স অফিচত ‘আজাদে’ ১.৫০ কোটি উপাৰ্জন কৰিছে। প্ৰথম দিনা ছবিখনে ১.৫০ কোটি উপাৰ্জন কৰিছিল। অৰ্থাৎ দুদিনত ছবিখনৰ মুঠ সংগ্ৰহ ৩ কোটিলৈ বৃদ্ধি পাইছে। যদি কংগনাৰ চিনেমাখনৰ লগত দেখা যায়, ই ঠিক আধা।

ছবিখনৰ আঁৰৰ উদ্দেশ্য

‘আজাদ’ আৰু ‘ইমাৰ্জেন্সী’ কম উপাৰ্জনৰ আঁৰৰ এটা কাৰণ হ’ল দুয়োখন চলচ্চিত্ৰৰ টিকট ৯৯ টকাত বিক্ৰী কৰা হৈছে। অৰ্থাৎ, টিকটৰ পৰা হ’ব পৰা উপাৰ্জন ইতিমধ্যে হ্ৰাস কৰা হৈছিল। নিৰ্মাতাসকলে এনে কৰাৰ আঁৰৰ এটা মুখ্য উদ্দেশ্য হ’ল উপাৰ্জন কৰাতকৈ অধিক সংখ্যক লোকে এই ছবি দুখন চাওক। যাতে উপাৰ্জন নহ’লেও চলচ্চিত্ৰৰ কাহিনী আৰু তাৰকাসকলৰ কাম অধিক দৰ্শকৰ ওচৰলৈ যাব পাৰে।