কেৱল বলীউডেই নহয়, অনন্ত আম্বানী-ৰাধিকা মাৰ্চেণ্টৰ বিয়াত শোভা বঢ়াব এই হলিউডৰ তাৰকাসকলে

অনন্ত-ৰাধিকা মাৰ্চেণ্টৰ বিয়াত শোভা বঢ়াব এই হলিউডৰ তাৰকাই

সৰ্বত্ৰে চৰ্চা এতিয়া এখন বিবাহ। কিয়নো দেশৰ বৃহৎ উদ্যোগপতি মুকেশ আম্বানীৰ কনিষ্ঠ পুত্ৰ অনন্ত আম্বানীয়ে এতিয়া বৈবাহিক জীৱনত ভৰি দিবলৈ ওলাইছে। অনন্তই আজি অৰ্থাৎ ১২ জুলাইত ৰাধিকা মাৰ্চেণ্টৰ লগত বিবাহপাশত আবদ্ধ হ’ব। দুয়োৰে বিবাহৰ পূৰ্বৰ অনুষ্ঠান মাৰ্চ মাহৰ পৰা আৰম্ভ হৈছিল, আজিৰে পৰা বিবাহপাশত আৱদ্ধ হ’ব দুয়ো। বলীউডৰ লগতে ৰিহানাকে ধৰি আন বহু বিদেশী চলচ্চিত্ৰ তাৰকাইও কেইবামাহো ধৰি চলি থকা প্ৰি-ৱেডিং অনুষ্ঠানত অংশগ্ৰহণ কৰে। শেহতীয়াকৈ বিখ্যাত পপ গায়ক জাষ্টিন বিবাৰেও অনুষ্ঠান পৰিৱেশন কৰিবলৈ আহিছিল।

যেতিয়া প্ৰি-ৱেডিং ফাংচনটো অতি আড়ম্বৰপূৰ্ণ কৰা হৈছিল, গতিকে বিয়াখন আৰু অধিক আকৰ্ষণীয় হোৱাটো নিশ্চিত। এই বিয়াখন স্মৰণীয় কৰি তুলিবলৈ আৰম্ভ হৈছে বিদেশী অতিথিৰ আগমনৰ প্ৰক্ৰিয়া। আম্বানী পৰিয়ালত যেতিয়াই কোনো অনুষ্ঠান হয় তেতিয়াই বলীউডৰ তাৰকাসকলে নিশ্চিতভাৱে উপস্থিত থাকে। আনকি বিয়াৰ দিনাও এই তৰাবোৰে সমাৱেশত শোভা বঢ়াই থকা দেখা যাব। কিন্তু, এই সকলোবোৰৰ লগতে হলিউডৰ বহু তাৰকাইও অংশগ্ৰহণ কৰিছে। হলিউডৰ পৰা কোনে এই বিয়াত অংশগ্ৰহণ কৰিছে জানেন?

এই হলিউডৰ তাৰকাসকলে যোগদান কৰিছে

হলিউডৰ তাৰকা কিম কাৰ্দাছিয়ানেও এই বিয়াত অংশগ্ৰহণ কৰিছে। বৃহস্পতিবাৰে নিশা মুম্বাই পালেহি কিম। তেওঁৰ লগতে তেওঁৰ ভগ্নী ক্ল’ কাৰ্দাছিয়ানো এই বিয়াত অংশগ্ৰহণ কৰিবলৈ ভাৰতলৈ আহিছে। এই দুগৰাকী জনপ্ৰিয় ভগ্নীৰ উপৰিও হলিউডৰ অভিনেতা তথা মল্লযুঁজাৰু জন সেনাই অনন্ত-ৰাধিকাৰ সুখত অংশগ্ৰহণ কৰিবলৈ ওলাইছে।

তথ্যনুসৰি কানাডাৰ ৰেপাৰ তথা গায়ক কীনান ৱাৰছেমকো এই সমাৱেশত শোভা বঢ়োৱা দেখা যাব। এই বিয়াখনলৈও তেওঁক নিমন্ত্ৰণ কৰা হৈছে। ইয়াৰ উপৰিও বিদেশী চলচ্চিত্ৰ তাৰকাৰ তালিকাত গায়ক লুইছ ফন্সি, ৰেপাৰ আৰু গায়িকা ৰেমাৰ নামো অন্তৰ্ভুক্ত কৰা হৈছে। ইফালে অনন্ত-ৰাধিকাৰ বিয়াত পত্নী প্ৰিয়ংকা চোপ্ৰাৰ সৈতে ভাৰতলৈ আহিছে নিক জোনাছ।