কংগনা ৰাণাৱটৰ ‘ইমাৰ্জেন্সি’ৰ সন্মুখত নতুন বিপদ! চুবুৰীয়া দেশত ছবিখন মুক্তিত নিষেধাজ্ঞা

দীঘলীয়া অপেক্ষাৰ অন্তত মুক্তি পাবলৈ সাজু হৈছে কংগনা ৰাণাৱটৰ ছবি ‘ইমাৰ্জেন্সি’ । ছবিখন ১৭ জানুৱাৰীত ছবিগৃহত মুক্তি পাব। ছবিখনত প্ৰাক্তন প্ৰধানমন্ত্ৰী ইন্দিৰা গান্ধীৰ চৰিত্ৰত অভিনয় কৰিছে কংগনা ৰাণাৱটে। ইয়াৰ মাজতে আহিছে এটা দুঃখৰ। এখন দেশত নিষিদ্ধ কৰা হৈছে ‘ইমাৰ্জেন্সি’ ছবিখন। ‘ইমাৰ্জেন্সি’ কাহিনী ১৯৭৫ চনত ভাৰতত জৰুৰীকালীন অৱস্থাৰ ওপৰত আধাৰিত। কিন্তু ছবিখন কিয় নিষিদ্ধ কৰা হৈছে? জানো আহক..

শেহতীয়াকৈ  IANSক এক প্ৰতিবেদন প্ৰকাশ পোৱা তথ্য অনুসৰি  চুবুৰীয়া বাংলাদেশত কংগনা ৰাণাৱটৰ ‘ইমাৰ্জেন্সি’ নিষিদ্ধ কৰা হৈছে। বাংলাদেশত ছবিখনৰ প্ৰদৰ্শন বন্ধ কৰাৰ কাৰণ হৈছে ভাৰত আৰু বাংলাদেশৰ মাজত থকা শেহতীয়া সমস্যা।

কংগনা ৰাণাৱটৰ ছবি ‘ইমাৰ্জেন্সি’ ভাৰতীয় ইতিহাসৰ এটা ডাঙৰ অধ্যায় দেখুওৱা হৈছে। ছবিখনত শ্বেখ মুজিবুৰ ৰহমানৰ প্ৰতি ইন্দিৰা গান্ধীৰ চৰকাৰৰ সমৰ্থন দেখুওৱা হৈছে। মুজিবুৰ ৰহমানক বাংলাদেশৰ পিতৃ বুলি কোৱা হয়। এতিয়া ইয়াকে লৈ চৰ্চা টলিছে যে ছবিখনত দেখুওৱা এই সকলোবোৰ দৃশ্যৰ বাবে ইয়াক নিষিদ্ধ কৰা হৈছে। ছবিখন এদিন পিছত অৰ্থাৎ ১৭ জানুৱাৰীত ছবিগৃহত মুক্তি দিয়াৰ কথা আছে। এতিয়া ছবিখন মুক্তিৰ আগতে অহা এই খবৰটো কংগনা ৰাণাৱটৰ বাবে এক ডাঙৰ বিফলতা হিচাপে প্ৰমাণিত হ’ব পাৰে।

বাংলাদেশত এই ছবিখনৰ নিষেধাজ্ঞাই দেখুৱাইছে যে এই সময়ত দুয়োখন দেশৰ মাজত কেনে ধৰণৰ ৰাজনৈতিক পৰিৱেশ চলি আছে। অৱশ্যে, বাংলাদেশত এখন চলচ্চিত্ৰ মুক্তি বন্ধ ৰখা ঘটনা এয়া প্ৰথমবাৰৰ বাবে নহয়। আল্লু অৰ্জুনৰ ‘পুষ্পা ২’ আৰু কাৰ্তিক আৰিয়ানৰ ‘ভুল ভুলিয়া ৩’ও কিছু কাৰণত মুক্তি নিষিদ্ধ কৰা হৈছিল। অৱশ্যে, ‘ইমাৰ্জেন্সি’ ৰ নিষেধাজ্ঞা সন্দৰ্ভত অভিনেত্ৰীগৰাকীৰ কোনো বিবৃতি এতিয়ালৈকে প্ৰকাশ কৰা হোৱা নাই।

উল্লেখ্য যে, কংগনা ৰাণাৱটৰ উপৰিও অনুপম খেৰ, শ্ৰেয়াছ তালপাড়ে, মহিমা চৌধুৰী, মিলিন্দ সোমনকে ধৰি বহু তাৰকাক ছবিখনত দেখা গৈছে। ছবিখন কংগনা ৰাণাৱটে পৰিচালনা কৰিছে। অভিনেত্ৰীগৰাকীৰ কেৰিয়াৰ এটা অতি কঠিন পৰ্যায়ৰ মাজেৰে গৈ আছে। বহু বছৰ ধৰি এখন হিট ছবি বিচাৰি আছে অভিনেত্ৰীগৰাকীয়ে। এতিয়া এই ছবিখনৰ ট্ৰেইলাৰে যি ধৰণে সঁহাৰি লাভ কৰিছে, এনে লাগিছে যে ছবিখনে ভাল প্ৰদৰ্শন কৰিব। শেহতীয়াকৈ মুকলি কৰা হৈছে ছবিখনৰ দ্বিতীয় ট্ৰেইলাৰো। য’ত কিছু পৰিৱৰ্তন কৰা হৈছিল।