হয় মোৰ ভুল আছিল! নিজৰ কি ভুলৰ কথা স্বীকাৰ কৰিলে কংগনাই…
বলিউডৰ অভিনেত্ৰী কংগনা ৰাণাৱট তেওঁৰ বিতৰ্কিত মন্তব্যসমূহৰ বাবে প্ৰায়ে চৰ্চাত আছে। কিছুদিন পাছতেই মুক্তি লাভ কৰিব অভিনেত্ৰীগৰাকীৰ দ্বাৰা নিৰ্দেশিত ছবি ইমাৰজেন্সী।
বলিউড অভিনেত্ৰী কংগনা ৰাণাৱট তেওঁৰ বিতৰ্কিত মন্তব্যৰ বাবে প্ৰায়ে চৰ্চাত থাকে। বিগত কেইটামান দিন ধৰি অভিনেত্ৰীগৰাকী তেওঁৰ আহিবলগীয়া ইমাৰজেন্সী (Emergency) ৰ বাবে চৰ্চাত আছে। এই ছবিখনৰ প্ৰচাৰৰ কাম অভিনেত্ৰীগৰাকীয়ে পূৰ্ণগতিত কৰি আছে যদিও চেন্সৰশ্বিপ লাভ কৰাৰ সমস্যাৰ বাবে কেইবাবোৰ মুক্তিৰ দিন সলনি কৰিবলগীয়া হৈছিল। এই ছবিখনৰ নিৰ্দেশনা কৰিছে অভিনেত্ৰীগৰাকী নিজেই। ছবিখনৰ ট্ৰেইলাৰ মুক্তি লাভৰ পাছতেই যথেষ্ঠ চৰ্চাত আছে। শেহতীয়াকৈ ছবিখন সন্দৰ্ভত মত প্ৰকাশ কৰিছে অভিনেত্ৰগৰাকীয়ে। তেওঁ উল্লেখ কৰিছে যে ছবিখন নিৰ্মাণৰ বাবদ তেওঁ কিমান সমস্যাৰ সন্মুখীন হ’বলগীয়া হৈছে।
নিউজ১৮- ৰ সৈতে হোৱা এক আলোচনাত কংগনাই কয় যে, চিবিএফচিয়ে মাহৰ পিছত মাহ ধৰি ছবিখন মুক্তিৰ বাবে প্ৰমাণ পত্ৰ দিয়া নাছিল। গতিকে এটা সময়ত মই ভয় খাইছিলো যে ছবিখন মুক্তি লাভ কৰিবনে নাই। তেওঁ কয় যে, ছবিখন ছবিগৃহত মুক্তি দিয়াৰ সিদ্ধান্ত ভুল বুলি অনুভৱ কৰিছিলো। মই ছবি মুক্তিৰ বাবে অটিটি প্লেটফৰ্ম নিৰ্বাচন কৰিব লাগিছিল। কিয়নো তেতিয়া মোৰ চেঞ্চৰশ্বিপৰ সমস্যা নহ’লহেতেন। চিবিএফচিয়ে ছবিখনৰ পৰা বহু ভাল দৃশ্য আঁতৰাই পেলাইছে। কিন্তু তেওঁলোকৰ কথা মানি ল’ব লাগিব, তেতিয়াহে ছবিখন ছবিগৃহত মুক্তি পাব পাৰিব।
কংগনা ৰানাৱটে কয় যে তেওঁ ছবিখন নিৰ্মাণৰ সময়ত বহু ভুল সিদ্ধান্ত গ্ৰহণ কৰিছিল। কংগনাই কয় যে, মোৰ লাগিছিল যে বহু কেইটা ক্ষেত্ৰত মই ভুল কৰিছো। প্ৰথমে এই ছবিখন নিৰ্দেশনা কৰাৰ ইচ্ছা। মই মানি লৈছিলো ছবিখন মুক্তিত বহু সমস্যা হ’ব। ছবি নিৰ্মাণৰ সন্দৰ্ভত তেওঁ কয় যে, ‘কিচ্ছা কুৰ্ছী’ নামৰ এখন ছবি আছিল, সেই ছবিখন হয়তো আজিলৈ কোনোৱে দেখা নাই কিয়নো তাৰ সকলো প্ৰিন্ট জ্বলাই দিয়া হৈছিল। ইয়াৰোপৰি কোনোৱে শ্ৰীমতি গান্ধীৰ ওপৰত ছবি নিৰ্মাণ কৰা নাই। ইমাৰজেন্সী চাই আজিৰ প্ৰজন্মই আচৰিত হ’ব যে এয়া কেনেকৈ হ’ল। তেওঁ ৩ বাৰ প্ৰধানমন্ত্ৰী হৈছিল আৰু কি কি কৰিছিল সকলো আজিৰ প্ৰজন্মই ছবিত দেখিব । এই সকলো দিশ চালি জাৰি চাই মই ছবি নিৰ্মাণ সিদ্ধান্ত গ্ৰহণ কৰিছিলো।
উল্লেখ্য যে, কংগনা ৰাণাৱটৰ ছবি ইমাৰজেন্সী ১৭ জানুৱাৰীত ছবিগৃহত মুক্তি লাভ কৰিব। এই ছবিখনত কংগনাই প্ৰধানমন্ত্ৰী ইন্দিৰা গান্ধীৰ চৰিত্ৰত অভিনয় কৰিছে। ইযাৰোপৰি ছবিখনত অনুপম খেৰ, শ্ৰেয়ছ তলপড়ে, অশোক চাব্ৰা, মহিমা চৌধাৰী, মিলিন্দ চোমন, বিশাক নায়ৰ, সতীশ কৌশিক আদি বহু অভিনেতা অভিনেত্ৰীয়ে অভিনয় কৰিছে।
