Kapil Sharma Birthday: একেলগে ৪৭ গৰাকী কমেডিয়ানৰ অভিনয়, গিনিজ বুকত স্থান লাভ কপিল শৰ্মাৰ এইখন ছবিৰ
দেশৰ শ্ৰেষ্ঠ কমেডিয়ান হিচাপে পৰিচিত কপিল শৰ্মা। ২ এপ্ৰিলত তেওঁৰ ৪৪ সংখ্যক জন্মদিন উদযাপন কৰিছে কমেডিয়ানগৰাকীয়ে। কিন্তু এই সময়ছোৱাত যদি আমি তেওঁৰ যাত্ৰাৰ দিশে তেন্তে যদিও এখন ছবি দুৰ্যোগ হিচাপে প্ৰমাণিত হৈছিল, তথাপিও গিনিজ বুক অৱ ৱৰ্ল্ড ৰেকৰ্ডত অন্তৰ্ভুক্ত হৈছে ছবিখনৰ নাম।
এনে বহু তাৰকা আছে যিয়ে চলচ্চিত্ৰ জগতত প্ৰৱেশ কৰি শ্ৰেষ্ঠ কমেডিয়ানৰ খিতাপ অৰ্জন কৰিবলৈ অশেষ চেষ্টা কৰিছিল। কিন্তু তাৰে কিছুমানৰ নামহে ৰাইজৰ মাজত উন্মোচিত হ’ল। কিন্তু এজন কমেডিয়ান আছে যিয়ে কমেডী জগতত নিজৰ নাম উজলাই তোলাৰ লগতে এতিয়া তেওঁ ছবি জগততো আলোড়নৰ সৃষ্টি কৰিবলৈ চেষ্টা কৰিছে। আমি যিজন ব্যক্তিৰ কথা কৈছো তেওঁ হ’ল কপিল শৰ্মা।
কপিল শৰ্মাই কমেডী শ্ব’ৰ জৰিয়তে নিজৰ কেৰিয়াৰ আৰম্ভ কৰিছিল যদিও পিছলৈ তেওঁ কঠোৰ পৰিশ্ৰমৰ জৰিয়তে নিজাকৈ শ্ব’ কৰিবলৈ লয়। এতিয়াৰ কথা ক’বলৈ গ’লে অ’টিটি প্লেটফৰ্মতো তেওঁৰ আধিপত্য আছে। অৱশ্যে খুব কম সংখ্যকেহে জানে যে কপিলে কেৰিয়াৰৰ আৰম্ভণিৰ দিনত এখন ছবিত কাম কৰিছিল। যদিও এই ছবিখন বেয়াকৈ ফ্লপ হৈছিল, তথাপিও এই ছবিখনে গিনিজ বুক অৱ ৱৰ্ল্ড ৰেকৰ্ডত নিজৰ নাম পঞ্জীয়ন কৰিছিল।
এক কোটি টকাৰ বাজেটত নিৰ্মাণ কৰা এই ছবিখন
প্ৰকৃততে ২০১০ চনত এখন কমেডী ছবি মুক্তি পাইছিল, যাৰ শিৰোনাম আছিল ‘ভৱনাও ক্যে সমঝো’। এই ছবিখনত কপিল শৰ্মা মুখ্য চৰিত্ৰত নাছিল যদিও তেওঁ এটা সৰু চৰিত্ৰত অভিনয় কৰিছিল। এই ছবিখন পৰিচালনা কৰিছিল বিখ্যাত কমেডিয়ান সুনীল পালে। তথ্য অনুসৰি এই ছবিখন ১ কোটি টকাৰ বাজেটত নিৰ্মাণ কৰা হৈছিল যদিও এই ছবিখনে বাজেটৰ আধা ধনো উপাৰ্জন কৰিব পৰা নাছিল। সমালোচকৰ পৰাও এই ছবিখনে নেতিবাচক সমালোচনা লাভ কৰিছিল।
গিনিজ বুক অৱ ৱৰ্ল্ড ৰেকৰ্ডত নাম
‘ভৱনাও ক্যে সমঝো’ কেৱল ফ্লপ নহয় দুৰ্যোগ হিচাপে প্ৰমাণিত হ’ল। ছবিখনৰ অভিলেখৰ কথা ক’বলৈ গ’লে এই কমেডী ছবিখনত ৪৭ গৰাকী পেছাদাৰী ষ্টেণ্ড আপ কমেডিয়ান জড়িত আছিল, য’ত জনী লিভাৰ, ৰাজু শ্ৰীবাস্তৱ, গুৰপ্ৰীত ঘুগী, এহছান কুৰেশী, সুদেশ লাহিৰী আদি বহু নাম অন্তৰ্ভুক্ত আছিল। ইমানবোৰ কমেডিয়ান একেলগে এখন ছবিত জড়িত হোৱাৰ বাবে এই ছবিখনক গিনিজ বুক অৱ ৱৰ্ল্ড ৰেকৰ্ডত অন্তৰ্ভুক্ত কৰা হৈছিল।
