কাপুৰ পৰিয়ালৰ সাক্ষাৎ প্ৰধানমন্ত্ৰী মোদীক, কৰিণাৰ সন্তানে পালে প্ৰধানমন্ত্ৰীৰ বিশেষ উপহাৰ

কাপুৰ পৰিয়ালৰ সাক্ষাৎ প্ৰধানমন্ত্ৰী মোদীক

বলীউডৰ প্ৰসিদ্ধ অভিনেতা ৰাজ কাপুৰৰ জন্ম জয়ন্তীলৈ কিছুদিন বাকী। এই বিশেষ অনুষ্ঠানৰ বাবে কাপুৰ পৰিয়ালে বহু পৰিকল্পনা কৰিছে। অহা ১৪ ডিচেম্বৰত চলচ্চিত্ৰ মহোৎসৱৰো আয়োজন কৰিছে। এই অনুষ্ঠানৰ পূৰ্বে শেহতীয়াকৈ সমগ্ৰ কাপুৰ পৰিয়ালে প্ৰধানমন্ত্ৰী নৰেন্দ্ৰ মোদীক সাক্ষাৎ কৰিবলৈ দিল্লীত উপস্থিত হৈছিল। প্ৰধানমন্ত্ৰীক সাক্ষাৎ কৰাৰ পিছত কৰিণা কাপুৰে ইনষ্টাগ্ৰামত কিছু ফটো শ্বেয়াৰ কৰে। এই ফটোৰ মাজতে দেখা গ’ল কৰিণাৰ সন্তানক প্ৰধানমন্ত্ৰীয়ে বিশেষ উপহাৰ দিয়া।

আচলতে কাপুৰ পৰিয়ালৰ কোনো শিশুকে প্ৰধানমন্ত্ৰী নৰেন্দ্ৰ মোদীক লগ কৰিবলৈ লৈ যোৱা হোৱা নাছিল। কাপুৰ পৰিয়ালৰ সদস্যসকলৰ ভিতৰত কৰিণা কাপুৰ, নীতু কাপুৰ, আলিয়া ভাট, ৰণবীৰ কাপুৰ, কৰিশ্মা কাপুৰ, ছেইফ আলী খানকে ধৰি বহু কেইজন লোক গৈছিল। কিন্তু প্ৰধানমন্ত্ৰীয়ে জেহ-টাইমুৰক যি উপহাৰ দিছে তাৰে ছবি ভাইৰেল হৈ পৰিছে।

প্ৰধানমন্ত্ৰীয়ে জেহ-টাইমুৰক কি উপহাৰ দিলে?

কৰিণা কাপুৰ খানে এই বিশেষ সভাৰ পিছত ইনষ্টাগ্ৰামত কিছুমান ফটো শ্বেয়াৰ কৰিছে। এই সময়ছোৱাত প্ৰধানমন্ত্ৰী মোদীয়েয়ে এখন কাগজত স্বাক্ষৰ কৰা দেখা গৈছে। একে সময়তে সন্মুখত দেখা গৈছে কৰীণা কাপুৰক। প্ৰকৃততে, কৰিণা কাপুৰ আৰু ছেইফ আলী খান দুয়োজন পুত্ৰৰ নাম এই কাগজত লিখা হৈছে আৰু প্ৰধানমন্ত্ৰীয়ে তেওঁলোক দুয়োৰে নামৰ ঠিক তলত তেওঁৰ স্বাক্ষৰ কৰিছে। কৰিণা কাপুৰ খানে তেওঁৰ পুত্ৰসকলৰ বাবে এই বিশেষ উপহাৰটো বিচাৰিছিল।

এই ছবিসমূহ শ্বেয়াৰ কৰাৰ সময়ত কৰিণাই লিখিছে – প্ৰধানমন্ত্ৰী নৰেন্দ্ৰ মোদীয়ে ৰাজ কাপুৰৰ ১০০ বছৰীয়া জন্ম জয়ন্তীৰ পূৰ্বে আমাক নিমন্ত্ৰণ জনাইছিল। তেওঁক লগ যথেষ্ঠ ভাল লাগে। এই বিশেষ সময়খিনিৰ বাবে ধন্যবাদ।

ৰণবীৰ কাপুৰৰ ভগ্নীৰ সপোন পূৰণ

এই দিনটোত ৰণবীৰ কাপুৰৰ ভগ্নী ৰিদ্ধিমা সাহনীও প্ৰধানমন্ত্ৰী মোদীক সাক্ষাৎ কৰে। সামাজিক মাধ্যমত ফটো শ্বেয়াৰ কৰি লিখিছে যে, যি ভাবিছিলোঁ সেয়া হৈছে। ২০১৪ চনত প্ৰথমবাৰৰ বাবে প্ৰধানমন্ত্ৰী হোৱাৰ শপত লোৱাৰ পৰাই সাক্ষাৎ কৰাৰ হেঁপাহ আছিল, যিটো এতিয়া পূৰণ হৈছে।