মুক্তিৰ প্ৰথম দিনাই Bhool Bhulaiyaa 3য়ে গঢ়িলে ৫টা ডাঙৰ অভিলেখ!
Bhool Bhulaiyaa 3 Records: মুক্তিৰ পূৰ্বৰে পৰাই চৰ্চাত আছে কাৰ্তিক আৰিয়ানৰ ছবি 'Bhool Bhulaiyaa 3'। মুকলিৰ দিনাই ছবিখন বক্স অফিচত সংগ্ৰহ কৰিছে ৩৫ কোটি । ইয়াৰ লগতে ছবিখনে গঢ়িছে পাঁচটা ডাঙৰ অভিলেখ ।
মুক্তিৰ প্ৰথম দিনাই Bhool Bhulaiyaa 3য়ে গঢ়িলে ৫টা ডাঙৰ অভিলেখ!
Bhool Bhulaiyaa 3 Records: ২০২২ চনত ‘Bhool Bhulaiyaa 2’ৰ ৰুহ বাবাৰ চৰিত্ৰত অভিনয় কৰে দৰ্শকৰ মন জয় কৰা কাৰ্তিক আৰিয়ান আকৌ এবাৰ একেটা চৰিত্ৰলৈ উভতি আহিছে। ১ নৱেম্বৰত ছবিগৃহত মুক্তি লাভ কৰিছে Bhool Bhulaiyaa 3 ছবিখনে। মুক্তিৰ দিনাই ছবিখনে বক্স অফিচত খলকনি তুলিছে।
অজয় দেৱগনৰ ‘সিংঘম এগেইন’ৰ দৰে এখন ডাঙৰ ছবিৰ সৈতে প্ৰতিযোগিতা কৰিও ‘Bhool Bhulaiyaa 3’য়ে প্ৰথম দিনাই বক্স অফিচত ৩৫.৫০ কোটি টকা সংগ্ৰহ কৰিছে। ইয়াৰ লগতে মুকলি দিনাই ছবিখনে গঢ়িছে পাঁচটা ডাঙৰ অভিলেখ । এই ৫টা ৰেকৰ্ডৰ বিষয়ে জানো আহক।
কাৰ্তিক আৰিয়ানৰ আটাইতকৈ ডাঙৰ ছবি
বিগত ১৩ বছৰ ধৰি ছবি জগতত সক্ৰিয় হৈ আছে কাৰ্তিক আৰিয়ানৰ। অৱশ্যে, এতিয়ালৈকে কাৰ্তিকৰ কোনো ছবিয়ে প্ৰথম দিনা ৩৫ কোটিৰ ব্যৱসায় কৰা নাছিল। প্ৰথম দিনটোত ইমানখিনি উপাৰ্জন কৰা ‘Bhool Bhulaiyaa 3’ কাৰ্তিকৰ বাবে আটাইতকৈ ডাঙৰ ছবি হৈ পৰিছে। আৰু কেৱল কাৰ্তিকে নহয়, বিদ্যা বালন, মাধুৰী দীক্ষিত আৰু পৰিচালক আনিস বাজমীৰো আটাইতকৈ ডাঙৰ অপেনাৰ হৈ পৰিছে।
তৃপ্তি ডিমৰীৰ দ্বিতীয় বৃহৎ ছবি
ছবিখনত ত্ৰিপতি ডিমৰীক কাৰ্তিকৰ বিপৰীত চৰিত্ৰত অভিনয় কৰা দেখা গৈছে। ‘এনিমেল’ৰ পিছত এইখন তৃপ্তি ডিমৰীৰ দ্বিতীয় সৰ্ববৃহৎ অপেনাৰ ছবি। ২০২৩ চনত মুক্তি প্ৰাপ্ত এনিমেলৰ প্ৰথম দিনটোত হিন্দীত ৫৪.৭৫ কোটি আৰু সকলো ভাৰতীয় ভাষাকে ধৰি ৬৩.৮ কোটি টকাৰ উপাৰ্জন হৈছিল।
বছৰটোত বলীউডৰ তৃতীয় বৃহৎ অপেনাৰ
শ্ৰদ্ধা কাপুৰৰ ‘স্ত্ৰী ২’ আৰু অজয় দেৱগনৰ ‘সিংঘম এগেইন’ৰ পিছত, ‘Bhool Bhulaiyaa 3’ ২০২৪ বৰ্ষৰ তৃতীয় সৰ্ববৃহৎ অপেনাৰ ছবি হৈ পৰিছে। স্ত্ৰী ২’য়ে প্ৰথম দিনাই ৫৫.৪০ কোটি সংগ্ৰহ কৰিছিল। একে সময়তে, ‘সিংঘম এগেইন’য়ে উদ্বোধনী দিনা ৪৩.৫ কোটি উপাৰ্জন কৰিছে।
হৰৰ কমেডি
হৰৰ কমেডি শাখাৰ দ্বিতীয় সৰ্ববৃহৎ অপেনাৰ চলচ্চিত্ৰ হৈ পৰিছে ‘Bhool Bhulaiyaa 3’। ইয়াৰ শীৰ্ষত আছে ‘স্ত্ৰী ২’ । এতিয়ালৈকে হৰৰ কমেডি শাখাৰ আন কোনো ছবিয়ে প্ৰথম দিনা এই দুখনতকৈ অধিক উপাৰ্জন কৰা নাই।
‘ভুল ভুলাইয়া’ ফ্ৰেঞ্চাইজিৰ আটাইতকৈ ডাঙৰ ছবি
আনকি প্ৰথম দিনা উপাৰ্জনৰ ক্ষেত্ৰতো, ‘ভুল ভুলাইয়া 3’ ইয়াৰ ফ্ৰেঞ্চাইজিৰ আটাইতকৈ ডাঙৰ ছবি হৈ পৰিছে। ‘ভুল ভুলাইয়া’ ফ্ৰেঞ্চাইজি ২০০৭ চনত আৰম্ভ হৈছিল। প্ৰথম অংশটোৱে প্ৰথম দিনটোত ৩.৮৮ কোটি উপাৰ্জন কৰিছিল। একে সময়তে ২০২২ চনত মুক্তি প্ৰাপ্ত ‘ভুল ভুলাইয়া ২’য়ে উদ্বোধনী দিনা ১৪.১১ কোটি টকাৰ ব্যৱসায় কৰিছিল।