‘পুষ্পা ২’ৰ ঢৌ! Book My Show আৰু Paytmৰ জৰিয়তে দৰ্শকৰ সঁহাৰি, জানক কেতিয়া বুকিং কৰিব পাৰিব টিকট
Pushpa 2 Ticket Booking: আল্লু অৰ্জুন আৰু ৰশ্মিকা মণ্ডান্নাৰ ‘পুষ্পা: দ্য ৰুল’ মুক্তিৰ পূৰ্বেই সকলোতে চৰ্চা লাভ কৰিছে। এই ছবিখনে টিকট বুকিং ৱেবছাইট Book My Show আৰু Paytm ত অনুৰাগীৰ পৰা যথেষ্ঠ সঁহাৰি লাভ কৰিছে।
আল্লু অৰ্জুন, ৰশ্মিকা মণ্ডান্না আৰু ফহাধ ফচিলৰ ছবি ‘পুষ্পা ২’ বক্স অফিচত আলোড়ণৰ সৃষ্টি কৰিবলৈ গৈ আছে। ছবিখন ৫ ডিচেম্বৰত মুক্তি পাব ছবিখন ইয়াৰ উন্মাদনাই ইতিমধ্যে মানুহক পাগল কৰি তুলিছে। ‘পুষ্পা: দ্য ৰুল’ মুক্তিৰ পূৰ্বেও নিজৰ নামত কেইবাটাও ৰেকৰ্ড বনাবলৈ সক্ষম হৈছে। এতিয়া ছবিখনে Book My Show আৰু Paytm ত ফ্লেগ কৰিছে। ছবিখনে যি ধৰণৰ সঁহাৰি পাইছে, সেয়া স্পষ্ট যে এই বছৰৰ আটাইতকৈ ডাঙৰ ছবি হোৱাৰ পৰা কোনেও বাধা দিব নোৱাৰে।
‘পুষ্পা: দ্য ৰুল’ৰ অফিচিয়েল ইনষ্টাগ্ৰাম হেণ্ডেলত কোৱা হৈছে যে, ছবিখনে টিকট বুকিং ৱেবছাইট বুক মাই শ্ব’ আৰু পেটিএমৰ লোকৰ পৰা যথেষ্ঠ সঁহাৰি লাভ কৰিছে। ‘পুষ্পা: দ্য ৰুল’ৰ আগতীয়া বুকিং এতিয়াও আৰম্ভ হোৱা নাই যদিও ইতিমধ্যে ইয়াক চাবলৈ উৎসুক হৈ পৰিছে ৰাইজ। অহা ২৯ নৱেম্বৰৰ পৰা দেশত ছবিখনৰ আগতীয়া বুকিং আৰম্ভ হ’ব।
পুষ্পালৈ সঁহাৰি
ছ’চিয়েল মিডিয়াত নিৰ্মাতাসকলে লিখিছে, ‘ভাৰতীয় আটাইতকৈ ডাঙৰ ছবিখনেই দৰ্শকৰ মাজত আটাইতকৈ প্ৰত্যাশিত ছবি। ‘পুষ্পা: দ্য ৰুলে’ বুক মাই শ্ব’ত ১০ লাখতকৈ অধিক আগ্ৰহ আৰু পেটিএমত ১৩ লাখতকৈ অধিক সঁহাৰি লাভ কৰিছে।”
View this post on Instagram
কোচিত গ্ৰেণ্ড ইভেণ্ট
আজি কেৰালাৰ কোচিত পুষ্পা ২ ৰ এক বৃহৎ অনুষ্ঠান। ছবিখনৰ তাৰকা আৰু নিৰ্মাতাসকলেও এই অনুষ্ঠানত উপস্থিত হ’বলৈ ওলাইছে। ইয়াৰ পূৰ্বে নিৰ্মাতাসকলে বিহাৰৰ ৰাজধানী পাটনাত ছবিখনৰ ট্ৰেইলাৰ মুকলি অনুষ্ঠানৰ আয়োজন কৰিছিল। পাটনাত অনুষ্ঠিত হোৱা ট্ৰেইলাৰ মুকলি অনুষ্ঠানত দুই লাখৰো অধিক লোকে অংশগ্ৰহণ কৰিছিল। শেহতীয়াকৈ চেন্নাইতো ছবিখনৰ সন্দৰ্ভত এক অনুষ্ঠানৰ আয়োজন কৰা হৈছিল, য’ত ইয়াৰ আইটেম নম্বৰ ‘কিছিক’ মুক্তি পাইছিল। পুষ্পাৰ পৰিচালনা কৰিছে সুকুমাৰে। প্ৰায় ৫০০ কোটি টকাৰ বাজেটেৰে নিৰ্মাণ কৰা হৈছে ছবিখন।
