গেংষ্টাৰ লৰেন্স বিষ্ণইৰ বিৰুদ্ধে কঠোৰ NIA: ভাতৃ আনমোল বিষ্ণইৰ সন্ধান দিওঁতালৈ ১০ লাখ টকাৰ পুৰস্কাৰ ঘোষণা

কুখ্যাত লৰেন্স বিষ্ণইৰ দলক দমন কৰিবলৈ কঠোৰ হৈছে ৰাষ্ট্ৰীয় অনুসন্ধান সংস্থা (NIA) । তদন্তকাৰী সংস্থাটোৱে লৰেন্সৰ ভাতৃ আৰু গেংষ্টাৰ আনমোল বিষ্ণইৰ সন্ধানকাৰীলৈ ১০ লাখ টকাৰ পুৰস্কাৰ ঘোষণা কৰিছে। কেইবাটাও গোচৰত অভিযুক্ত আনমোল । আনমোলৰ সন্দৰ্ভত কোৱা হয় যে তেওঁ কানাডা আৰু আমেৰিকাৰ পৰা বিষ্ণই লৰেন্স দলটো চলাই আছে।

অনুসন্ধানকাৰী সংস্থাৰ ম’ষ্ট ৱাণ্টেডৰ তালিকাত অন্তৰ্ভুক্ত কৰা হৈছে আনমোল বিষ্ণইক । এয়াও দাবী কৰা হৈছে যে তেওঁ আমেৰিকা যুক্তৰাষ্ট্ৰ আৰু কানাডাত পৰা লৰেন্স বিষ্ণইৰ দলটো চলাই আছে।
শেহতীয়াকৈ, মুম্বাইত প্ৰখ্যাত ৰাজনীতিবিদ আৰু চলমান খানৰ অতি ঘনিষ্ঠ সহযোগী বাবা ছিদ্দিকীৰ হত্যাৰ গোচৰতো আনমোল বিষ্ণইৰ নাম ওলাইছিল। কোৱা হৈছিল যে তেওঁ নিৰন্তৰভাৱে শ্বুটাৰৰ সংস্পৰ্শত আছিল। মুম্বাই আৰক্ষীয়ে আনমোলৰ বিৰুদ্ধে লুক আউট চাৰ্কুলাৰ (LOC) জাৰি কৰিছে।

সিদ্ধু মুছেৱালাৰ হত্যাকাণ্ডত অভিযুক্ত

আনমোল ওৰফে ভানু বিষ্ণু গেংষ্টাৰ লৰেন্স বিষ্ণোইৰ ভাতৃ। আনমোল পাঞ্জাৱৰ কণ্ঠশিল্পী, ৰাজনীতিবিদ সিদ্ধু মুছেৱালাৰ হত্যাৰ গোচৰতো অভিযুক্ত। বিগত বছৰত আনমোলৰ বিৰুদ্ধে অভিযোগনামা দাখিল কৰিছিল তদন্তকাৰী সংস্থাটোৱে। সিদ্ধু মুছেৱালাৰ হত্যাকাণ্ডৰ গোচৰত আনমোল বিষ্ণইৰ নামো আহিছিল।

লগতে দাবী কৰা হৈছে যে আনমোল সঘনাই নিজৰ অৱস্থান সলনি কৰে। তেওঁৰ বিৰুদ্ধে প্ৰায় ১৮টা গোচৰ ৰুজু কৰা হৈছে। ৰাজস্থানৰ যোধপুৰতো কিছুদিনৰ বাবে বন্দী কৰি ৰখা হৈছে। প্ৰায় ৩ বছৰ পূৰ্বে ৭ অক্টোবৰ ২০২১ত আনমোলৰ জামিন মঞ্জুৰ কৰিছিল।

চলমানক গুলীচালনাৰ গোচৰত অভিযুক্ত

সিদ্ধু মুছেৱালা হত্যাকাণ্ডৰ ঘটনাৰ পাছত চলিত বৰ্ষৰ ১৪ এপ্ৰিলত মুম্বাইত চলমান খানৰ ঘৰৰ বাহিৰত সংঘটিত গুলীচালনাৰ ঘটনাত জড়িত থকাৰ অভিযোগত আনমোল বিষ্ণইৰ নাম প্ৰকাশ পাইছিল। আনমোলে নিজেই চলমানৰ বাসগৃহ গ্যালাক্সি এপাৰ্টমেণ্টৰ বাহিৰত হোৱা গুলীচালনাৰ দায়িত্ব লৈছিল।

সামাজিক মাধ্যমৰ জৰিয়তে আনমোল বিষ্ণই গুলীচালনাৰ দায়িত্ব স্বীকাৰ কৰিছিল । লগতে তেওঁ চলমানৰ নামত এটা দীঘলীয়া বাৰ্তা লিখিছিল। য’ত তেওঁ কৈছিল যে এয়া চলমানৰ বাবে শেষ সতৰ্কবাণী।

ইয়াৰ উপৰিও, আনমোল পাঞ্জাৱৰ কণ্ঠশিল্পী সিদ্ধু মুছেৱালাৰ কংগ্ৰেছ নেতা সিদ্ধু মুজৱালা হত্যাকাণ্ডৰ মুখ্য অভিযুক্ত। যোৱা বছৰ, NIAয়ে তেওঁৰ বিৰুদ্ধে অভিযোগপত্ৰ দাখিল কৰিছিল। অৱশ্যে এই সময়ছোৱাত তেওঁ ভুৱা পাছপোৰ্টৰ সহায়ত দেশৰ পৰা পলাই যাবলৈ সক্ষম হৈছিল। তেওঁ নিজৰ অৱস্থান সলনি কৰাত পাৰ্গত। বিগত বছৰত তেওঁক কেনিয়াত দেখা গৈছিল।