Happy Birthday Prabhas: আজি দাক্ষিণাত্যৰ চুপাৰষ্টাৰ প্ৰভাসৰ জন্মদিন, আপুনি জানেনে প্ৰভাসৰ প্ৰকৃত নাম কি?

আজি প্ৰভাসৰ জন্মদিন

আজি দাক্ষিণাত্যৰ চুপাৰষ্টাৰ প্ৰভাসৰ জন্মদিন। দাক্ষিণাত্যৰ জনপ্ৰিয় অভিনেতাসকলৰ ভিতৰত অন্যতম প্ৰভাস। কেৱল দাক্ষিণাত্যৰেই নহয়, বলীউডতো যথেষ্ঠ জনপ্ৰিয় হৈ পৰিছে অভিনেতাগৰাকী। সামাজিক মাধ্যমত অভিনেতাগৰাকীৰ আছে বহু হাজাৰ  অনুসৰণকাৰী। কিন্তু আপুনি জানেনে আপোনাৰ প্ৰিয় অভিনেতা প্ৰভাসৰ সম্পূৰ্ণ নাম কি?

প্ৰভাসৰ পিতৃ আছিল চলচ্চিত্ৰ প্ৰযোজক ইউ সূৰ্যনাৰায়ণ ৰাজু আৰু মাতৃ শিৱ কুমাৰী। তিনিটা সন্তানৰ ভিতৰত প্ৰভাসৰ আছিল কনিষ্ঠ, প্ৰভাসৰ ভায়েকৰ নাম প্ৰবোধ আৰু ভগ্নীৰ নাম প্ৰগতি। তেওঁ তেলেগু চলচ্চিত্ৰৰ অভিনেতা কৃষ্ণম ৰাজুৰ ভতিজা। তেওঁৰ পৰিয়ালটো অন্ধ্ৰ প্ৰদেশৰ পশ্চিম গোদাৱৰী জিলাৰ ভীমাভাৰামৰ ওচৰৰ মোগালথুৰৰ বাসিন্দা। প্ৰভাসে হায়দৰাবাদৰ নালন্দা মহাবিদ্যালয়ৰ পৰা মাধ্যমিক শিক্ষা সম্পূৰ্ণ কৰিছিল। তেওঁ বিশাখাপত্তনামৰ সত্যানন্দ চলচ্চিত্ৰ প্ৰতিষ্ঠানৰ প্ৰাক্তন ছাত্ৰ।

প্ৰভাসৰ জন্ম ২৩ অক্টোবৰ ১৯৭৯ চনত হয়। অভিনেতাজনৰ প্ৰকৃত নাম ভেংকট সত্যনাৰায়ণ প্ৰভাস ৰাজু উপ্পলপতি (Venkata Satyanarayana Prabhas Raju Uppalapati), চমুকৈ প্ৰভাস নামেৰে পৰিচিত। প্ৰভাসে তেলেগু, হিন্দী আৰু তামিল ভাষাৰ চলচ্চিত্ৰত অভিনয় কৰে।

প্ৰভাসে ২০০২ চনৰ তেলেগু এক্সন ড্ৰামা ফিল্ম ‘ঈশ্বৰ’খনৰ দ্বাৰা চলচ্চিত্ৰ জগতত আত্মপ্ৰকাশ কৰে। তেওঁ ‘মিৰ্চি’ চলচ্চিত্ৰখনত অভিনয় কৰাৰ ফলত শ্ৰেষ্ঠ অভিনেতাৰ নন্দী বঁটা লাভ কৰিবলৈ সক্ষম হয়। ২০১৪ চনত প্ৰভুদেৱা পৰিচালিত হিন্দী চলচ্চিত্ৰ ‘এক্সন জেক্সন’ত তেওঁ গেষ্ট এপিয়াৰেঞ্চ হিচাপে থাকে। ‘মাডামে টুচ্চাউদৰ ৱেক্স মিউজিয়াম’ত মমৰ ভাস্কৰ্য ৰখা প্ৰভাস দক্ষিণ ভাৰতৰ প্ৰথম অভিনেতা।

তেওঁৰ কৰ্মৰাজীসমূহৰ ভিতৰত ভাৰশাম (২০০৪), চত্ৰপাতি (২০০৫), চক্ৰম (২০০৫), বিল্লা (২০০৯), ডাৰ্লিং (২০১০), মিঃ পাৰফেক্ট (২০১১), আৰু মিৰ্চি (২০১৩)। এছ এছ ৰাজামৌলীৰ ইপিক এক্সন ছবি ‘বাহুবলি: দ্য বিগনিং’ (২০১৫)-ত প্ৰভাসে বাহুবলিৰ মুখ্য ভূমিকাত অভিনয় কৰে, যিখন আছিল সেই সময়ৰ চতুৰ্থ সৰ্বাধিক আয় কৰা ভাৰতীয় চলচ্চিত্ৰ। তেওঁ অভিনীত ‘বাহুবলী: দ্য কনক্লুশ্চন’ (২০১৭) ছবিখন আছিল গ্লবেল ভাৰতীয় চলচ্চিত্ৰৰ সৰ্বকালৰ সৰ্বোচ্চ তথা ভাৰতৰ সৰ্বোচ্চ ব্যৱসায়িক সফল ছবি। যিখনে কেৱল দশ দিনতে সকলো ভাষাত ₹1000 কৌটি ডলাৰ (১৫৫ মিলিয়ন মাৰ্কিন ডলাৰ) উপাৰ্জন কৰিবলৈ সক্ষম হয়।

জন্মদিনৰ লগত সংগতি ৰাখি আজি অভিনেতাজনে শ্বেয়াৰ কৰিছে নতুন ছবি RajaSaab ৰ দ্বিতীয় পোষ্টাৰ। এই ফটো শ্বেয়াৰ কৰি লিখিছে- It’s time for some chills and thrills. See you in cinemas on April 10, 2025!

ছবিখনক লৈ অনুৰাগীসকলৰ মাজত ব্যাপক উৎসাহ দেখা গৈছে । ইফালে অনুৰাগীৰ উত্তেজনা দুগুণ কৰিবলৈ প্ৰভাসে ছবিখনৰ নতুন পোষ্টাৰ মুকলি কৰিছে ।

TheRajaSaabৰ পোষ্টাৰ মুকলি

ছবিখনৰ পোষ্টাৰখন অতি আকৰ্ষণীয় দেখা গৈছে। মুহূৰ্তৰ ভিতৰতে #TheRajaSaab এই পোষ্টাৰখন ছ’চিয়েল মিডিয়াত সম্প্ৰতি ভাইৰেল হৈ পৰিছে । অনুৰাগীয়ে তেওঁৰ এই ৰূপৰ প্ৰশংসা কৰিছে । অহা ১০ এপ্ৰিল ২০২৫ত ছবিগৃহত ছবিখন মুক্তি পাব ।