প্ৰভাসৰ পৰা ৰজনীকান্তলৈ…. ছবিগৃহত ৰণডংকা বজাবলৈ আহি আছে দক্ষিণৰ ৬ খনকৈ ছবি!

২০২৪ বৰ্ষটো হিন্দী চিনেমাৰ লগতে দক্ষিণ চলচ্চিত্ৰৰ বাবেও ভালে আছিল। অৱশ্যে, ২০২৩ চনৰ তুলনাত ২০২৪ চনত চলচ্চিত্ৰসমূহে সিমান উপাৰ্জন কৰা নাছিল। একে সময়তে, দক্ষিণৰ ‘পুষ্পা 2’ৰ ধুমুহাৰ সন্মুখত ভংগ হৈছিল সকলো ডাঙৰ ৰেকৰ্ড । এতিয়া যেতিয়া নতুন বছৰৰ আৰম্ভণি হৈছে, কিছুমান নতুন চলচ্চিত্ৰৰ বিষয়ে জানো আহক।

২০২৫ত দক্ষিণৰ ৬খনকৈ ডাঙৰ চলচ্চিত্ৰই মুক্তি লাভ কৰিব। বলীউডৰ চলচ্চিত্ৰৰ সৈতে প্ৰতিযোগিতা কৰিবলৈ কঁকাল টঙালি বান্ধিছে দক্ষিণেও। দৰ্শকসকলে প্ৰভাসৰ পৰা ৰজনীকান্তলৈকে ডাঙৰ ছবিসমূহক ছবিগৃহত স্বাগতম জনোৱাৰ বাবে অপেক্ষা কৰি আছে। এই বছৰ দক্ষিণৰ কোন ৬খন চলচ্চিত্ৰ দৰ্শকৰ মাজলৈ আহিব জানক।

‘গেম চেঞ্জাৰ’ – দক্ষিণৰ তাৰকা ৰাম চৰণে বছৰৰ আৰম্ভণিতে ‘গেম চেঞ্জাৰ’ৰ সৈতে থিয়েটাৰত প্ৰৱেশ কৰিবলৈ সাজু হৈছে। আৰআৰআৰ ব্লকবাষ্টাৰ হোৱাৰ পিছত, ‘গেম চেঞ্জাৰ’ক লৈও অনুৰাগীৰ যথেষ্ট প্ৰত্যাশা আছে। ৰাম চৰণৰ ছবিখন ১০ জানুৱাৰীত মুক্তি লাভ কৰিব। ছবিখনত মুখ্য চৰিত্ৰত অভিনয় কৰিছে কিয়াৰা আদৱানীয়ে।

‘দ্য ৰাজা চাৱ’ -‘কল্কি ২৮৯৮ এডি’য়ে ১০০০ কোটি উপাৰ্জন কৰাৰ পিছত অনুৰাগীসকলে প্ৰভাসৰ পৰৱৰ্তী চলচ্চিত্ৰৰ বাবে আগ্ৰহেৰে অপেক্ষা কৰি আছে। প্ৰভাসৰ ওচৰত আছে আহিবলগীয়া চলচ্চিত্ৰসমূহৰ এক দীঘলীয়া শাৰী । এই বছৰ অভিনেতাগৰাকীৰ প্ৰথম ছবি ‘দ্য ৰাজা চাৱ’ মুক্তি লাভ কৰিবলৈ সাজু হৈছে । ই এখন ভৌতিক চলচ্চিত্ৰ হ’ব। যিখন ১০ এপ্ৰিল ২০২৫ তাৰিখে ছবিগৃহত মুক্তি পাব।

‘কুলি’ – ইফালে সকলোৱে মেগাষ্টাৰ ৰজনীকান্তৰ ছবিৰ বাবে অপেক্ষা কৰি আছে। ২০২৫ চনত, ৰজনীকান্তক ‘কুলি’ত দেখা যাব। ৰজনীকান্তৰ উপৰিও শ্ৰুতি হাছান, সত্যৰাজ আৰু নাগাৰ্জুনকো এই ছবিখনত গুৰুত্বপূৰ্ণ চৰিত্ৰত অভিনয় কৰা দেখা যাব। ছবিখন ১ মে’ত মুক্তি পাব।

‘ঠগ লাইফ’ – গেংষ্টাৰ ড্ৰামা ‘ঠগ লাইফ’ হৈছে কমল হাছানৰ ছবি। বিগত বছৰটো কমল হাছানৰ বাবে তেনে বিশেষ নাছিল। এনে পৰিস্থিতিত, তেওঁ এতিয়া এই বছৰ পৰিচালক মণি ৰত্নমৰ সৈতে ‘ঠগ লাইফ’ লৈ দৰ্শকৰ মাজলৈ আহিব। ছবিখন ৫ জুনত মুক্তিৰ বাবে সাজু হৈছে।

‘কান্তাৰা ২’ – ২০২২ চনত ঋষভ চেট্টীয়ে ব্লকবাষ্টাৰ ছবি ‘কান্তাৰা’ মুক্তি দিছিল। ছবিখনে বক্স অফিচত ভাল প্ৰদৰ্শন কৰিছিল। প্ৰথম অংশৰ পিছত দৰ্শকে ছবিখনৰ দ্বিতীয় অংশৰ বাবে অপেক্ষা কৰি আছে। এতিয়া এই অপেক্ষাৰ অন্ত পেলাই কান্তাৰা ২’ অৰ্থাৎ ‘কান্তাৰা: চেপ্তাৰ ১’ এই বছৰ ছবিগৃহত মুক্তি পাবলৈ সাজু হৈছে। ঋষভ চেট্টীৰ ছবিখন এই বছৰৰ ২ অক্টোবৰত মুক্তি পাব।

‘থালাপাথি 69’– থালাপতি বিজয়ে এই বছৰ তেওঁৰ অন্তিমখন ছবি মুক্তি দিবলৈ গৈ আছে। বৰ্তমান, এই চলচ্চিত্ৰখনৰ নাম হৈছে ‘থালাপতি 69’। ছবিখনত পূজা হেগড়ে আৰু ববি দেউলেও গুৰুত্বপূৰ্ণ চৰিত্ৰত অভিনয় কৰিছে। ছবিখন এই বছৰৰ অক্টোবৰত মুক্তি পাব। কিন্তু ইয়াৰ নিশ্চিত তাৰিখ এতিয়াও ঘোষণা কৰা হোৱা নাই।