আল্লু অৰ্জুনৰ সম্পত্তিৰ পৰিমাণ জানেনে? শুনিলে আচৰিত হ’ব আপুনি…

আল্লু অৰ্জুনৰ সম্পত্তি

মনোৰঞ্জন ক্ষেত্ৰখনত বৰ্তমান সময়ত বিশেষ চৰ্চাত আছে অভিননেতা আল্লু অৰ্জুন।’পুষ্পা-২ দ্যা ৰুল’ নামৰ ছবিখনে মুক্তি লাভ কৰাৰ পূৰ্বৰে পৰা এইগৰাকী অভিনেতাগৰাকী অনুৰাগীৰ আলোচনাৰ কেন্দ্ৰবিন্দু হৈ আহিছে। আল্লু অৰ্জুনৰ অভিনীত ছবি পুষ্পা-২ য়ে বহু ৰেকৰ্ড ভংগ কৰিবলৈ সক্ষম হয়।  বহু জনপ্ৰিয় অভিনেতাৰ ছবিক পিছ পেলাই এই ছবিখনে বৰ্তমানলৈ ১০০০ কোটিৰো অধিক টকা উপাৰ্জন কৰিবলৈ সক্ষম হৈছে।  এই ছবিখনৰ বাবদ আল্লুয়ে প্ৰায় ৩০০ কোটি টকা লৈছে বুলি অনুমান কৰা হয়। কিন্তু আপুনি জানেনে আল্লু অৰ্জুনৰ সম্পত্তিৰ পৰিমাণ কিমান? এইগৰাকী অভিনেতাৰ সম্পত্তিৰ পৰিমাণ জানিলে আচৰিত হব আপুনি।

চৰ্চাত আল্লু

শেহতীয়াকৈ আন এটা কাৰণত চৰ্চাত আছে আল্লু অৰ্জুন। পুষ্পা-২ ছবিখন চলি থকাৰ মাজতে এটা গোচৰত আল্লু অৰ্জুন গ্ৰেপ্তাৰ হোৱাৰ পাছতেই তেওঁক লৈ যথেষ্ঠ আলোচনা হোৱা দেখিবলৈ পোৱা গৈছে। সন্ধ্যা থিয়েটাৰৰ ছবিৰ ষ্ক্ৰিনিঙৰ সময়ত হোৱা ভিৰৰ সময়ত এগৰাকী মহিলাৰ মৃত্যু  হোৱা ঘটনাক লৈ আল্লু অৰ্জুনৰ বিৰুদ্ধে গোচৰ ৰুজু কৰা হৈছিল। এই গোচৰ সন্দৰ্ভতে ১৩ ডিচেম্বৰত আল্লুক গ্ৰেপ্তাৰ কৰিছিল আৰক্ষীয়ে। গোটেই নিশা কাৰাগাৰত কটোৱাৰ পাছত শনিবাৰে আল্লুক মুকলি কৰি দিয়া হৈছিল। মুক্তি লাভৰ পাছতেই আল্লুয়ে পত্নীৰ লগ কৰাৰ লগতে বহু অনুৰাগীয়ে তেওঁক লগ কৰিবলৈ বাসগৃহত উপস্থিত হৈছিল।

সম্পত্তি

তথ্য অনুসৰি আল্লু অৰ্জুনৰ মুঠ সম্পত্তিৰ পৰিমাণ প্ৰায় ৪৬০ কোটি। বাংগালুৰত আল্লুৰ এটা বিলাসী অট্টালিকা আছে আৰু তাতেই তেওঁৰ পৰিয়ালে বাস কৰে। ইয়াৰ লগতে হায়দৰাবাদৰ জুবলী হিলছত তেওঁৰ আন এটা বাংলো আছে, এই বাংলোটোৰ মূল্য কোটি টকাৰ অধিক। ছবিৰ উপৰিও ৰেষ্টুৰেন্ট, বিজ্ঞাপন আদিৰ পৰাও উপাৰ্জন কৰে আল্লু অৰ্জুনে। জনপ্ৰিয় আমেৰিকান স্পোৰ্টচ বাৰ এণ্ড ৰেষ্টুৰেন্টৰ মালিক আল্লু অৰ্জুন। হাইদৰাবাদৰ বিভিন্ন স্থানত এই ৰেষ্টুৰেন্ট আছে।

কেৱল ইমানেই নহয়, ছ’চিয়েল মিডিয়াৰ পৰাও টকা উপাৰ্জন কৰে আল্লু অৰ্জুনে। ইনষ্টাগ্ৰামত আল্লুৰ প্ৰায় ২৬.৮ মিলিয়ন ফলোৱাৰ আছে আৰু সামাজিক মাধ্যমত বিজ্ঞাপন পোষ্ট কৰাৰ নামত তেওঁ বিশাল ধন ৰাশি লাভ কৰে।  ইয়াৰোপৰি অভিনেতাগৰাকীৰ আৰু বহু ব্যক্তিগত সম্পত্তি, কেইবাখনো বিলাসী বাহন আৰু ব্যক্তিগত জেট আছে। আল্লুয়ে এখন ছবিৰ বাবে কোটি কোটি টকা লয়। পুষ্পা -২ৰ বাবে তেওঁ লৈছে প্ৰায় ৩০০ কোটি।

উল্লেখ্য যে, বৰ্তমান সময়ৰ এগৰাকী জনপ্ৰিয় অভিনেতা আল্লু অৰ্জুন। কেৱল পুষ্পা-২য়ে নহয়, আল্লু অভিনীত কেইবাখনো ছবিয়ে দৰ্শকৰ মন জয় কৰিবলৈ সক্ষম হৈছিল। ২০২৫ বৰ্ষত আল্লু অৰ্জুন অভনীত আন এখন ছবি দৰ্শকৰ মাজলৈ অহাৰ সম্ভাৱনা আছে। এএ-২১ নামৰ ছবিখনৰ কাহিনী কেনেধৰণ হ’ব এতিয়ালৈতে নিৰ্দেশকে প্ৰকাশ কৰা নাই।