Pushpa 2 Box Office Collection Day 16: ভংগৰ দিশে ‘বাহুবলী ২’ৰ ৰেকৰ্ড, ভাৰতত ১০০০ কোটিৰ ঘৰত ‘পুষ্পা 2’!

যেতিয়াই নিৰ্মাতাসকলে এখন ছবি  নিৰ্মাণ কৰে, তেওঁলোকৰ একমাত্ৰ আশা হৈছে যে এই ছবিখনে এনে কাম কৰি দেখাব যিটো সদায় মনত থাকিব। আল্লু অৰ্জুন আৰু ৰশ্মিকা মান্দনাৰ ‘পুষ্পা ২’য়েও এতিয়া এনেই কৃতিত্ব গঢ়িছে। ছবিখনৰ কাহিনীৰ পৰা ‘পুষ্পা 2’ৰ উপাৰ্জনলৈকে, সকলোকে জোকাৰি গৈছে। ১৬ দিনৰ ভিতৰত, ‘পুষ্পা 2’য়ে ভাৰতত অতিক্ৰম কৰিলে ১০০০ কোটিৰ সীমা । আজি ‘পুষ্পা ২’ৰ মুক্তিৰ ১৭তম দিন। ইতিমধ্যে আল্লু অৰ্জুনৰ ছবিখনৰ ১৬তম দিনৰ উপাৰ্জনৰ পৰিসংখ্যা প্ৰকাশ পাইছে।

ঠিক আশা কৰাৰ দৰেই ঘটিছে সকলোবোৰ। মুক্তিৰ ১৬তম দিনটোত ‘পুষ্পা 2’য়ে ভাৰতত ১০০০ কোটিৰো অধিক উপাৰ্জন কৰিছে। ইয়াৰ লগে লগে আল্লু অৰ্জুনৰ ছবিখন ভাৰতত ১০০০ কোটি উপাৰ্জন কৰা দ্বিতীয়খন ছবি হৈ পৰিছে। প্ৰথমে ছবিখনৰ উপাৰ্জনৰ বিষয়ে জানো আহক।

ছেকনিলকৰ শেহতীয়া প্ৰতিবেদন অনুসৰি, মুক্তিৰ ১৬তম দিনা ভাৰতৰ বক্স অফিচত ‘পুষ্পা ২’য়ে ১৩.৭৫ কোটি টকা সংগ্ৰহ কৰিছে। যদিও এই উপাৰ্জনৰ পৰিমাণ বিগত দিনবোৰতকৈ। কিন্তু এইটো সুখৰ বিষয় যে ভাৰতত এতিয়ালৈকে ছবিখনৰ মুঠ সংগ্ৰহ ১০০৪.৩৫ কোটিত উপনীত হৈছে।

এতিয়ালৈকে ‘পুষ্পা ২’ উপাৰ্জন

বৰ্তমানলৈ ১৬তম দিনটোলৈ ‘পুষ্পা ২’য়ে তেলেগুত ২.৪ কোটি, হিন্দীত ১১ কোটি, তামিলত ০.৩ কোটি, কানাড়াত ০.০৩ কোটি আৰু  মালায়ালমত ০.০২ কোটি উপাৰ্জন কৰিছে। এতিয়ালৈকে সকলো ভাষাৰ মুঠ সংগ্ৰহৰ বিষয়ে ক’বলৈ গ’লে, ‘পুষ্পা 2’য়ে তেলেগুত ২৯৭.৮ কোটি, হিন্দীত ৬৩২.৬ কোটি, তামিলত ৫২.৮ কোটি, কানাড়াত ৭.১৬ কোটি আৰু মালায়ালমত ১৩.৯৯ কোটি উপাৰ্জন কৰিছে।

‘বাহুবলী ২’ ৰেকৰ্ড ভংগ হ’ব নেকি?

‘পুষ্পা ২’ৰ উপাৰ্জনৰ ধুমুহাৰ আগত শ্বাহৰুখ খান, প্ৰভাস আৰু ৰাম চৰণৰ দৰে ডাঙৰ তাৰকাৰ অভিলেখ ইতিমধ্যে তচনচ হৈছে। ১০০০-১০০০ কোটি উপাৰ্জন কৰা সকলো ছবি ‘পুষ্পা ২’তকৈ যথেষ্ট পিছ পৰি আছে। এতিয়া বিশ্বজুৰি ১৫০০ কোটি উপাৰ্জনৰ দিশে আগবাঢ়িছে ‘পুষ্পা ২’ । কিন্তু ‘পুষ্পা ২’য়ে এতিয়া ‘বাহুবলী ২’ৰ অভিলেখ ভংগ কৰিব পাৰিব নে? প্ৰভাসৰ ‘বাহুবলী ২’ হৈছে ভাৰতৰ সৰ্বাধিক উপাৰ্জনকাৰী হিন্দী ছবি । ছবিখনে ভাৰতত ১০৩০.৪২ কোটি উপাৰ্জন কৰিছে।

পুষ্পা ২’য়ে দুদিনৰ ভিতৰত সৃষ্টি কৰিবনে ইতিহাস?

‘পুষ্পা ২’য়ে উপাৰ্জন যি গতিত আগবাঢ়িছে তাৰ প্ৰতি লক্ষ্য কৰিলে অনুমান কৰিব পাৰি যে, অহা ২ দিনৰ ভিতৰত ‘বাহুবলী ২’ৰ ৰেকৰ্ড ভাগি পৰিব বুলি কোৱাটো ভুল নহ’ব। ইয়াৰ এটা মুখ্য কাৰণ হ’ল পৰৱৰ্তী দুদিন বন্ধৰ দিন। পুষ্পা ২’য়ে শনিবাৰে আৰু দেওবাৰৰ বন্ধৰ সুবিধা লাভ কৰিব পাৰে। যদি ‘পুষ্পা 2’য়ে পৰৱৰ্তী দুদিনত ১৫ কোটি উপাৰ্জন কৰিব পাৰে, তেন্তে ‘বাহুবলী 2’ৰ অভিলেখ ভংগ হ’ব।