Pushpa 2: মুক্তিৰ পূৰ্বে ভাইৰেল ‘পুষ্পা- ২’ৰ ক্লাইমেক্স, কি হ’ব চিনেমাখনৰ শেষত?

দক্ষিণৰ ছুপাৰষ্টাৰ আল্লু অৰ্জুনৰ ছবি ‘পুষ্পা ২: দ্য ৰুল’(pushpa 2 the rule)  ৰ বাবে বাট চাই আছে অনুৰাগীসকলে। এই ছবিখনৰ প্ৰথম খণ্ডটোয়ে  বহু ৰেকৰ্ড ভংগ কৰিছিল। ৰাইজৰ মাজত যথেষ্ঠ জনপ্ৰিয়তা বুটলিবলৈ সক্ষম হোৱা পুষ্পাৰ ডায়লগ, গীত আদি সকলোফালে ৰজনজনাই আছিল। তাৰ পাছৰে পৰাই অনুৰাগীসকলে অধীৰ আগ্ৰহেৰে বাট চাই ‘পুষ্পা ২: দ্য ৰুল’ৰ বাবে।  কিন্তু ৬ ডিচেম্বৰত এই সকলো অপেক্ষাৰ অন্ত পৰিব। প্ৰথম অৱস্থাত এই ছবিখন আগষ্টত মুকলি হোৱাৰ কথা আছিল যদিও শ্বুটিং পলম হোৱা বাবে মুক্তিৰ দিন পিছুৱাই দিয়া হল।

বৰ্তমান পুষ্পা- ২ ৰ প্ৰডাকচনৰ কাম চলি আছে, তাৰ পিছত ছবিখনৰ পোষ্ট প্ৰডাকচনৰ কাম আৰম্ভ কৰা হ’ব। কিন্তু এই সকলোবোৰৰ মাজতেই ছবিখনৰ অভিনেতা আৰু নিৰ্মাতাসকলৰ বাবে এক বেয়া খবৰ আহিছে। কিয়নো পুষ্পা ২ৰ শ্বুটিঙৰ সময়ৰ এটা ভিডিঅ’ ছ’চিয়েল মিডিয়াত ভাইৰেল হৈ পৰিছে। একাংশৰ অভিযোগ অনুসৰি এই ভিডিঅ’টো আল্লু অৰ্জুনৰ ছবি পুষ্পা ২ৰ ক্লাইমেক্স।  এতিয়া সমগ্ৰ ছ’চিয়েল মিডিয়াত এই ভিডিঅ’ ভাইৰেল হৈ পৰিছে। অৱশ্যে এয়া এটা ফাইটিঙৰ দৃশ্য। কিন্তু এই দৃশ্যত কি আছে, সেয়া অনুমান লগোৱাতো কঠিন।

অৱশ্যে এই খবৰ কিমান দূৰ সঁচা এতিয়াও জানিব পৰা হোৱা নাই। ভাইৰেল হোৱা ক্লিপটো আল্লু অৰ্জুনৰ পুষ্পা-২ ৰ হয় নে নহয় সেয়াও স্পষ্ট নহয়। ৩ ছেকেণ্ডৰ এই ভিডিঅটো এতিয়া সকলোফালে ভাইৰেল হৈ পৰিছে। এই ভিডিঅটোক লৈ বিভিন্নজনে বহু মত প্ৰকাশ কৰিছে। কোনোৱে যদি ভাল পাইছে আন কোনোৱে ভিডিঅটো ডিলিট কৰিবলৈ কৈছে। কিয়নো ইয়াৰ ফলত অভিনেতা- অভিনেত্ৰী আৰু ছবি নিৰ্মাতাসকলৰ লোকচান হয়।

#Pushpa2 Climax Fight Scene 😉

Enjoy pandagowww 💥🥵😎@alluarjun #Pushpa2TheRule pic.twitter.com/EyGDhWtvzu

— Jaisai Nimmala (Allu Arjun Die Hard Fan) (@NimmalaJaisai23) July 30, 2024

তথ্য অনুসৰি জানিব পৰা মতে ৫০০ কোটি টকাৰ ব্যয় সাপেক্ষে নিৰ্মাণ কৰা হৈছে পুষ্পা- ২।  ছবিখনৰ সন্দৰ্ভত প্ৰতিদিনে বিভিন্ন ধৰণৰ খবৰ ওলাই থাকে। ছবি নিৰ্মাতা আৰু অভিনেতা- অভিনেত্ৰীৰ মাজত বিবাদ হোৱাৰ খবৰো পোহৰলৈ আহিছে। অৱশ্যে বৰ্তমান এই ছবিখনৰ শ্বুটিং প্ৰায় শেষ হোৱাৰ দিশে।বৰ্তমান ছবিখনৰ ক্লাইমেক্স আৰু গুৰুত্বপূৰ্ণ দৃশ্যৰ শ্বুটিঙৰ কাম চলি আছে । জানিব পৰা মতে ছবিখনৰ ভিএফএক্স সলনি কৰি কিছু দৃশ্যৰ পুনৰ শ্বুটিং কৰা হৈছে।

আল্লু অৰ্জুনৰ উপৰিও পুষ্প ২ ত মুখ্য চৰিত্ৰত দেখা যাব ৰশ্মিকা মণ্ডন্না, ফাহাধ ফাচিল, শ্ৰীটেজ, বিজয় সেঠুপতি আৰু অনসুয়া ভৰদ্বাজক। ছবিখনৰ প্ৰথম খণ্ডতো মুখ্য চৰিত্ৰত অভিনয় কৰিছিল অভিনেত্ৰীগৰাকীয়ে। আল্লু অৰ্জন আৰু ৰশ্মিকাৰ যুটিটোক দৰ্শকে যথেষ্ট ভাল পাইছিল। গতিকে ছবিখনৰ দ্বিতীয় খণ্ডই ১০০০ কোটিৰ ক্লাব স্পৰ্শ কৰিব বুলি আশা কৰা হৈছে।