ৰণবীৰ ‘ৰাম’, চানী দেউল ‘হনুমান’! অক্ষয় কুমাৰ, মহেশ বাবুয়ে কোন ভগৱানৰ চৰিত্ৰত কৰিব অভিনয়…

সম্ভৱতঃ বহু কম সংখ্যক লোক আছে যিয়ে ৰামায়ণ ধাৰাবাহিক উপভোগ কৰা নাই। পিছে এতিয়া সৰু পৰ্দাত নহয়, ডাঙৰ পৰ্দাত ৰামায়ণ দেখিবলৈ পোৱা যাব। বিগত সময়চোৱাত ভাৰতীয় চিনেমাত পৌৰাণিক কাহিনীয়ে যথেষ্ঠ জনপ্ৰিয়তা লাভ কৰিছে। বিগত সময়ৰ দৰে আগন্তুক ২ বছৰতো কেইবাখনো পৌৰাণিক কাহিনীৰ ছবি ৰাইজৰ মাজলৈ আহিব । গতিকে আহিবলগীয়া সময়ত দৰ্শকে বহু জনপ্ৰিয় অভিনেতা- অভিনেত্ৰীক ভগৱানৰ ৰূপত দেখিবলৈ পোৱাৰ সম্ভাৱনা আছে।

এই তালিকাখনত ৰণবীৰ কাপুৰৰ ৰামায়ণ প্ৰথম নম্বৰত আছে। ৰণবীৰৰ লগতে চানী দেউল, অক্ষয় কুমাৰ, বিকি কৌশল আদিকো ভগৱানৰ ৰূপত দেখিবলৈ পোৱা যাব। গতিকে কোনসকল অভিনেতাই কাৰ চৰিত্ৰত অভিনয় কৰিব তলত উল্লেখ কৰা হ’ল-

1. ৰণবীৰ কাপুৰঃ নীতেশ তিৱাৰীৰ ৰামায়ণ ছবিখনত ৰণবীৰে ৰামৰ চৰিত্ৰত অভিনয় কৰিব। এই ছবিখন দুটা খণ্ডত ৰাইজৰ মাজত মুকলি কৰি দিয়া হ’ব। প্ৰথম খণ্ড ২০২৬ চনৰ দেৱালীৰ সময়ত মুক্তি লাভ কৰাৰ লগতে দ্বিতীয় খণ্ড ২০২৭ চনৰ দেৱালীত মুক্তি লাভ কৰিব। এই ছবিখনৰ বাবে ৰণবীৰ কাপুৰৰ লুক পোহৰলৈ আহিছে। ভগৱান ৰামৰ লগতে পৰশুৰামৰ চৰিত্ৰতো তেওঁ অভিনয় কৰিব। ইয়াৰোপৰি সাই পল্লবীয়ে সীতা মাৰ চৰিত্ৰত অভিনয় কৰিব।
2. চানী দেউলঃ ৰামায়ণ ছবিখনত চানী দেউলে হনুমানৰ চৰিত্ৰত অভিনয় কৰিব। অভিনেতাগৰাকীৰ অনুৰাগীসকলে এই খবৰ লাভ কৰাৰ পাছতেই যথেষ্ঠ আনন্দ প্ৰকাশ কৰে । অৱশ্যে বৰ্তমান পৰ্যন্ত চানী দেউলৰ কোনো লুক পোহৰলৈ অহা নাই।
3. বিকি কৌশলঃ শেহতীয়াকৈ বিকি কৌশলৰ ‘মহাৱতাৰ’ৰ পোষ্টাৰ মুকলি হৈছিল। এই ছবিখনত তেওঁ চিৰঞ্জীৱি পৰশুৰামৰ চৰিত্ৰত অভিনয় কৰিব। এই ছবিখন ২০২৬ চনৰ বৰদিনৰ সময়ত মুক্তি লাভ কৰিব। ছবিখনত বিকি কৌশলৰ লুকে বহুতকে আকৰ্ষিত কৰিছে আৰু অনুৰাগীয়ে যথেষ্ঠ প্ৰশংসা কৰিছে।
4. ঋষভ চেট্টীঃ তেজা সজ্জা আৰু প্ৰশান্ত বৰ্মাৰ ছবি হনুমান য়ে ৰাইজৰ মাজত যথেষ্ঠ জনপ্ৰিয়তা লাভ কৰিবলৈ সক্ষম হৈছিল। এই ছবিখনৰ এতিয়া দ্বিতীয় খণ্ড মুক্তি লাভ কৰিব। ছবিখনৰ নাম হ’ব- জয় হনুমান। ছবিখনৰ তেজা সজ্জা আৰু ঋষভ চেট্টীৰ প্ৰথম লুক পোহৰলৈ আহিছে। দ্বিতীয় খণ্ডত ঋষভে হনুমানৰ চৰিত্ৰত অভিনয় কৰিব।
5. অক্ষয় কুমাৰঃ অক্ষয় কুমাৰে তেলেগু ছবি কনপ্পাত কেমিঅ কৰিব। এই ছবিখনৰ টিজাৰ মুক্তি লাভ কৰিছে। টিজাৰত অক্ষয় কুমাৰক দেখিবলৈ পোৱা যায়। অৱশ্যে তেওঁৰ সম্পূৰ্ণ লুকটো এতিয়াও পোহৰলৈ অহা নাই। এই ছবিখনত অক্ষয় কুমাৰে ভগৱান শিৱৰ চৰিত্ৰত অভিনয় কৰিব।
6. মহেশ বাবুঃ এছ এছ ৰাজামৌলী আৰু মহেশ বাবুয়ে SSMB29 ত কাম কৰি আছে। এই ছবিখনত লৈ বৰ্তমান সময়লৈকে কোনো তথ্য পোহৰলৈ অহা নাই যদিও একাংশৰ মতে ভগৱান হনুমানৰ পৰা প্ৰেৰিত হৈ এই ছবিখনত নিৰ্মাণ কৰা হ’ব। ইয়াৰোপৰি মহেশ বাবুয়ে ছবিত কোনো ভগৱানৰ চৰিত্ৰত অভিনয় কৰিব পাৰে।