Sikandar: চিকন্দৰৰ শ্বুটিং স্থলীৰ পৰা ফটো ভাইৰেল, ভাবুকিৰ মাজতে ৰশ্মিকা মণ্ডান্নাৰ সৈতে শ্বুটিঙত ব্যস্ত চলমান খান
এফালে চলমান খানে তেওঁৰ পৰৱৰ্তী ছবি চিকন্দৰৰ শ্বুটিঙত ব্যস্ত, আনফালে পুনৰবাৰ মৃত্যুৰ ভাবুকি লাভ কৰিছে চলমান খানে। অৱশ্যে এই সকলোবোৰৰ মাজতে চলমান হায়দৰাবাদত আছে আৰু তেওঁ তাজ ফলকনুমা পেলেচত ৰশ্মিকা মণ্ডান্নাৰ সৈতে চিকন্দৰৰ এটা গুৰুত্বপূৰ্ণ অংশৰ শ্বুটিং কৰি আছে।
শেহতীয়াকৈ চিকন্দৰৰ শ্বুটিঙৰ বাবে হায়দৰাবাদলৈ গৈছে চলমান খান। তাতে তেওঁ হায়দৰাবাদৰ ফলকনুমা পেলেচত ৰশ্মিকা মণ্ডান্নাৰ সৈতে ছবিখনৰ শ্বুটিঙত ব্যস্ত আছে। এফালে চলমানে ছবিখনৰ শ্বুটিং কৰি থকাৰ বিপৰীতে আনফালে আকৌ এবাৰ লৰেঞ্চ বিষ্ণোই গেঙৰ ভাবুকি লাভ কৰিছে।
মুম্বাই ট্ৰেফিক কণ্ট্ৰল চেললৈ প্ৰেৰণ কৰা হৈছে ভাবুকি বাৰ্তা। এই বাৰ্তাত দাবী কৰা হৈছে যে এই ভাবুকি প্ৰেৰণ কৰিছে লৰেঞ্চ বিষ্ণোয় গেঙে। বাৰ্তাটোত কোৱা হৈছে যে, চলমান খানে নিজে তেওঁলোকৰ মন্দিৰলৈ গৈ ক্ষমা খুজিব লাগে নহয় ৫ কোটি টকা দিব লাগে। তেনে নকৰিলে হত্যাৰ ভাবুকি দিয়া হৈছে চলমানক।
শ্বুটিঙৰ ভিডিঅ’ ভাইৰেল
ভাবুকিৰ মাজতে তাজ ফলকনুমা পেলেচত চিকন্দৰৰ বাবে শ্বুটিং কৰি আছে চলমান খানে। এনে পৰিস্থিতিত তাত নিৰাপত্তা অতি কটকটীয়া। ইয়াৰ পিছতো অনুৰাগীয়ে ভিতৰত ফটো আৰু ভিডিঅ’ তুলিবলৈ সক্ষম হৈছে, ছ’চিয়েল মিডিয়াতো ভাইৰেল হৈ পৰিছে এই ভিডিঅ’। কোৱা হৈছে যে চলমান খানৰ অনুৰাগীসকল ৰাজপ্ৰসাদৰ বাহিৰতো গোট খাইছে আৰু তেওঁৰ এবাৰ চাবৰ বাবে অপেক্ষা কৰি আছে।
#Sikandar shoot in Hyderabad Falaknuma palace 🎬🔥🔥
Royal celebration scenes getting filmed here 📽️🏯👑 #SalmanKhan #EID2025 pic.twitter.com/ZbsTzo7ZEm
— Mohammed Sohail ♐ (@ItsSohailM) November 4, 2024
এটা ভিডিঅ’ ওলাইছে, যিটো চিকন্দৰৰ শ্বুটিং স্থলীৰ। ইয়াত ক্ৰু মেম্বাৰ দেখা যায়, লগতে তাত এটা মনিটৰিঙো ৰখা হৈছে, য’ত ৰশ্মিকা মণ্ডান্নাক দেখা গৈছে। অৱশ্যে ইয়াৰ মাজত ক’তো চলমান খান দেখা পোৱা যোৱা নাই। কিন্তু কোৱা হৈছে যে চলমানেও তাত শ্বুটিং কৰি আছে। তথ্যনুসৰি চলমান আৰু ৰশ্মিকাই তাত চিকন্দৰৰ এটা গুৰুত্বপূৰ্ণ দৃশ্যৰ শ্বুটিং কৰি আছে।
Exclusive video from the set of #Sikandar #SalmanKhan @BeingSalmanKhan @iamRashmika @MsKajalAggarwal
— 𝐁𝐄𝐈𝐍𝐆 𝐓𝐈𝐆𝐄𝐑…🐅!!! (@Only4Salman27) November 4, 2024
এতিয়া চলমানকলৈ সকলো সতৰ্ক হৈ পৰিছে। কিছুদিনৰ পৰা অহৰহ চলমান খানলৈ ভাবুকি ভৰা বাৰ্তা আহি আছে। ইয়াৰ মাজতে চলমান খানৰ ঘৰত গুলীচালনাৰ ঘটনাও সংঘটিত হৈছিল। পূৰ্বতকৈ অধিক নিৰাপত্তা দিয়া হৈছে চলমান খানক। দীৰ্ঘদিন ধৰি লৰেঞ্চ বিষ্ণোইৰ টাৰ্গেটত আছে চলমান খান। ক’লা হৰিণৰ চিকাৰৰ বিবাদক লৈ লৰেঞ্চে ভাবুকি দি আহিছে। শেহতীয়াকৈ বাবা ছিদ্দিকীৰ হত্যাকাণ্ডৰ পিছত পৰিয়ালৰ লগতে অনুৰাগীসকলো চলমানৰ সুৰক্ষাক লৈ চিন্তিত হৈ পৰিছে। ‘চিকান্দৰ’ৰ প্ৰডাকচন টিমে ছবিখনৰ শ্বুটিং স্থলীত কটকটীয়া নিৰাপত্তা ৰাখিছে যদিও কেনেকৈ ফটো ভাইৰেল হৈছে তাক লৈ প্ৰশ্ন উঠিছে।
Maharashtra Assembly Election Result 2024 : কোন হ’ব মহাৰাষ্ট্ৰৰ পৰৱৰ্তী মুখ্য়মন্ত্ৰী ? কি ক’লে বিজেপিৰ নেতা দেৱেন্দ্ৰ ফাড়নাবিছে ?
উপ- নিৰ্বাচনঃ অসমৰ ৫ সমষ্টিত NDA প্ৰাৰ্থীৰ বৃহৎ জয়, চাওক কোনে,ক’ত কৰিলে জয়লাভ…
উৎকণ্ঠাৰ অন্ত! জানক ১৩খন ৰাজ্যৰ ৪৬খন আসনৰ উপ-নিৰ্বাচনত কোনে উৰুৱাইছে বিজয়ধ্বজা
Assembly Election Results 2024: ব্যৰ্থ বিজেপিৰ অনুপ্ৰৱেশকাৰীৰ বিষয়, হেমন্ত ছ’ৰেনৰ ওপৰতে আস্থা দেখুৱাইছে ঝাৰখণ্ডে…!
