জাহিৰ ইকবালৰ সৈতে বিবাহৰ পিছত কিয় ধৰ্ম সলনি নকৰিলে সোনাক্ষী সিনহাই? অভিনেত্ৰীগৰাকীয়ে প্ৰকাশ কৰিলে আঁৰৰ কাৰণ…

বিবাহৰ পিছত কিয় ধৰ্ম সলনি নকৰিলে সোনাক্ষী সিনহাই?

বলীউডৰ প্ৰায় সকলো দম্পতীয়েই বাতৰিৰ শিৰোনাম দখল কৰে। বিকি-কেটৰিনা আৰু অনুষ্কা-বিৰাট কোহলীৰ উপৰিও সোণাক্ষী সিনহা আৰু জাহিৰ ইকবালৰ যুটিও জনপ্ৰিয়। সোনাক্ষী-জাহিৰৰ বিবাহৰ এবছৰ সম্পূৰ্ণ হ’ল। ২০২৪ চনৰ ২৩ জুনত দুয়োৰে বিবাহ হৈছিল। অৱশ্যে বিবাহৰ পিছৰে পৰা অভিনেত্ৰীগৰাকীক ধাৰাবাহিকভাৱে এটাই প্ৰশ্ন সোধা হৈছে। তেওঁ ধৰ্ম সলনি কৰিছেনে? শেহতীয়াকৈ বিবাহৰ এবছৰ পিছত তেওঁৰ ধৰ্ম সলনি আৰু জাহিৰ ইকবালৰ সন্দৰ্ভত কিছু গোপন কথা প্ৰকাশ কৰিছে অভিনেত্ৰীগৰাকীয়ে ।

সোনাক্ষী সিনহা আৰু জাহিৰ ইকবালৰ ধেমেলীয়া ভিডিঅ’ প্ৰায়ে ভাইৰেল হয়। পত্নীৰ লগত তেওঁ ভাল সময় উদযাপন কৰে আৰু তেওঁৰ হাস্যৰসৰ ধৰণো বহুত ভাল। ইয়াৰ বাবে মানুহে জাহিৰক যথেষ্ট প্ৰশংসা কৰে। কিন্তু বিয়াৰ সময়ত সোণাক্ষীৰ ভাতৃ এই বিবাহক লৈ সুখী নাছিল, সেয়েহে ভনীয়েকৰ বিয়া অনুষ্ঠানত উপস্থিত নাছিল বুলিও খবৰ ওলাইছিল। এতিয়া ধৰ্ম সলনি কৰাৰ কথা প্ৰকাশ কৰিছে অভিনেত্ৰীগৰাকীয়ে।

সোনাক্ষী সিনহাই কিয় ধৰ্ম সলনি কৰা নাই?

শেহতীয়াকৈ সোণাক্ষী সিনহাই হটাৰফ্লাইৰ সৈতে বাৰ্তালাপ কৰিছিল। ইয়াৰ মাজতে অভিনেত্ৰীগৰাকীয়ে জহিৰৰ সৈতে তেওঁৰ সম্পৰ্কৰ কথা কয়। তেওঁ কয়- “আমি ধৰ্মৰ ফালে চোৱা নাছিলোঁ। আমি দুজন প্ৰেমত পৰি বিয়া হ’ব বিচাৰিছিলো আৰু সেইটোৱেই কৰা হ’ল। তেওঁ মোৰ ওপৰত নিজৰ ধৰ্ম জাপি দিয়া নাই। নতুবা মই মোৰ ধৰ্ম তেওঁৰ ওপৰত জাপি নিদিওঁ। আমি কেতিয়াও ধৰ্মৰ আলোচনাও কৰা নাছিলো।  একেলগে বহিলে এই বিষয়ে কথাও নাপাতো। সদায় ইজনে সিজনৰ সংস্কৃতিৰ শলাগ লওক। সেইবোৰ বুজি পাও।”

সোনাক্ষীয়ে আৰু কয়, “তেওঁ নিজৰ ঘৰত কিছুমান পৰম্পৰা মানি চলে। মই নিজৰ লগতে তেওঁলোকৰ সংস্কৃতিকো সন্মান কৰো। এনেকুৱাই হ’ব লাগে। এইটো কেতিয়াও আলোচনাৰ বিষয় নাছিল। আমি ইজনে সিজনক ভাল পাওঁ আৰু সেয়াই বহুত।”

ভাতৃ কিয় বিয়ালৈ নাহিল?

সোনাক্ষী সিনহা আৰু জাহিৰ ইকবালে ৭ বছৰ ডেটিং কৰি বিয়া হোৱাৰ সিদ্ধান্ত লৈছিল। অৱশ্যে এটা শ্ব’ত সমগ্ৰ পৰিয়ালটোও একত্ৰিত হৈছে। কিন্তু সোনাক্ষী সিনহাৰ ভাতৃ কিয় বিয়ালৈ নাহিল? এই প্ৰশ্নৰ উত্তৰ এতিয়াও দিয়া নাই অভিনেত্ৰীগৰাকীয়ে।