Sushant Singh Rajput Death Case: উচ্চতম ন্যায়ালয়ৰ পৰা ৰিয়া চক্ৰৱৰ্তীক ডাঙৰ সকাহ, জানক সম্পূৰ্ণ খবৰ

উচ্চতম ন্যায়ালয়ৰ পৰা ৰিয়া চক্ৰৱৰ্তীক ডাঙৰ সকাহ

উচ্চতম ন্যায়ালয়ৰ পৰা বৃহৎ সকাহ লাভ কৰিছে বলীউডৰ অভিনেত্ৰী ৰিয়া চক্ৰৱৰ্তীয়ে। চিবিআইয়ে জাৰি কৰা লুক আউট চাৰ্কুলাৰ বাতিল হৈ থাকিব। বম্বে উচ্চ ন্যায়ালয়ৰ সিদ্ধান্তক সমৰ্থন কৰি মহাৰাষ্ট্ৰ চৰকাৰৰ আবেদন নাকচ কৰিলে উচ্চতম ন্যায়ালয়ে।

ৰিয়া চক্ৰৱৰ্তীৰ লগতে পিতৃ আৰু ভাতৃয়েও সকাহ পাইছে। দৰাচলতে ৰিয়াৰ আবেদনৰ ভিত্তিত ফেব্ৰুৱাৰী মাহত বোম্বাই উচ্চ ন্যায়ালয়ে চিবিআইৰ লুক আউট চাৰ্কুলাৰ বাতিল কৰিছিল। উচ্চ ন্যায়ালয়ৰ এই সিদ্ধান্তক প্ৰত্যাহ্বান জনাইছিল উচ্চতম ন্যায়ালয়ত। এতিয়া উচ্চতম ন্যায়ালয়ে উচ্চ ন্যায়ালয়ৰ সিদ্ধান্তক বাহাল ৰাখিছে।

উচ্চতম ন্যায়ালয়ৰ পৰা সকাহ পালে ৰিয়া চক্ৰৱৰ্তীয়ে

২০২০ চনত চিবিআইয়ে সুশান্ত সিং ৰাজপুতৰ মৃত্যুৰ গোচৰত তেওঁৰ ভাতৃ আৰু পিতৃ ৰিয়া চক্ৰৱৰ্তীক লৈ এক লুক আউট চাৰ্কুলাৰ জাৰি কৰিছিল। ইয়াক জাৰি কৰাৰ আঁৰত কোনো নিৰ্দিষ্ট কাৰণ নাই বুলি বম্বে উচ্চ ন্যায়ালয়ে বাতিল কৰে। লগতে অভিনেত্ৰীগৰাকী আৰু তেওঁৰ পৰিয়ালে তদন্তকাৰী সংস্থাসমূহৰ সৈতে সম্পূৰ্ণ সহযোগিতা আগবঢ়োৱা বুলিও কোৱা হয়।

২০২০ চনৰ ১৪ জুনত সুশান্ত সিং ৰাজপুতক তেওঁৰ বান্দ্ৰা এপাৰ্টমেণ্টত মৃত অৱস্থাত উদ্ধাৰ কৰা হৈছিল। মুম্বাইত প্ৰতিবেদন পঞ্জীয়ন কৰাৰ পিছতে তদন্ত আৰম্ভ কৰা হয়। কিন্তু সুশান্ত সিং ৰাজপুতৰ পিতৃয়ে বিহাৰত এজাহাৰ দাখিল কৰিছিল, তাৰ পিছতে ৰিয়া চক্ৰৱৰ্তী আৰু তেওঁৰ পৰিয়ালৰ বিৰুদ্ধে বহু অভিযোগ উত্থাপন হৈছিল। এই গোচৰটো পিছত চিবিআইলৈ হস্তান্তৰ কৰা হয়। ২০২০ চনতেই চিবিআইয়ে ৰিয়া চক্ৰৱৰ্তীৰ বিৰুদ্ধে লুক আউট চাৰ্কুলাৰ জাৰি কৰিছিল। ইয়াৰ পিছত অভিনেত্ৰীগৰাকীয়ে বম্বে উচ্চ ন্যায়ালয়ত আবেদন দাখিল কৰে, য’ত চিবিআইৰ লুক আউট চাৰ্কুলাৰ বাতিল কৰা হয়। এতিয়া উচ্চতম ন্যায়ালয়ে নাকচ কৰিলে মহাৰাষ্ট্ৰৰ আবেদন।

সুশান্ত সিং ৰাজপুতৰ মৃত্যুৰ পিছত ৰিয়া চক্ৰৱৰ্তীয়ে বহু অসুবিধাৰ সন্মুখীন হ’বলগীয়া হৈছিল। ছবিত কাম পোৱাটোও বন্ধ হৈ গৈছিল। অৱশ্যে এতিয়া তেওঁৰ কেৰিয়াৰ পুনৰ শুদ্ধ পথত আগবাঢ়িছে। বৰ্তমান তেওঁক দেখা গৈছে ৰিয়েলিটি শ্ব’ Roadiesত।