আৰ অশ্বিনৰ ওপৰতো নিৰ্মাণ হ’ব নেকি ছবি? সত্যতা পোহৰলৈ…

আৰ অশ্বিনৰ ওপৰতো নিৰ্মাণ হ'ব নেকি ছবি?

ভাৰতীয় চলচ্চিত্ৰ উদ্যোগত বহুতো বায়’পিক ছবি নিৰ্মাণ কৰা হৈছে। এই ক্ষেত্ৰত বহুতো ছবিয়ে সফলতা লাভ কৰিছে । আৰু বহুতো বায়’পিক ছবি আছে যিবোৰ সফল হোৱা নাই। বায়’পিক ছবিৰ প্ৰৱণতা কেতিয়াও অফবিট নহয়। শেহতীয়াকৈ, আন এটা নাম পোহৰলৈ আহিছিল যাক লৈ এতিয়া চৰ্চা বৃদ্ধি পাইছে। বাতৰি প্ৰকাশ পাইছিল যে টীম ইণ্ডিয়াৰ কিংবদন্তি ক্ৰিকেটাৰ ৰবিচন্দ্ৰন অশ্বিনৰ ওপৰত এখন বায়’পিক নিৰ্মাণ কৰা হ’ব পাৰে। আৰু ছবিখনৰ  অভিনেতা হিচাপে অশোক চেলভানৰ নাম পোহৰলৈ আহিছিল। এতিয়া এই সন্দৰ্ভত অভিনেতাজনে প্ৰতিক্ৰিয়া প্ৰকাশ কৰিছে।

শেহতীয়াকৈ, ক্ৰিকেটাৰ ৰবিচন্দ্ৰন অশ্বিনে আন্তঃৰাষ্ট্ৰীয় ক্ৰিকেটৰ পৰা অৱসৰ ঘোষণা কৰে। তাৰ পিছত তেওঁৰ জীৱনীমূলক ছবিৰ বাতৰি আকৌ এবাৰ চৰ্চালৈ আহিছে। পূৰ্বে এই বিষয়টো ২০২১ চনত উত্থাপন কৰা হৈছিল। শচীন তেণ্ডুলকাৰ, এম এছ ধোনী, মুত্তিয়া মুৰলীধৰণৰ দৰে বহুতো ক্ৰিকেটাৰৰ জীৱনীমূলক ছবি নিৰ্মাণ কৰা হৈছে। সেয়েহে অশ্বিনৰ ওপৰতো এখন ছবি নিৰ্মাণৰ কথা চৰ্চা হৈছিল।

অশোক চেলভানৰ ভাইৰেল ফটো

ইয়াৰ মাজতে ভাৰতীয় জাৰ্চী পিন্ধা অশোক চেলভানৰ ফটো ছ’চিয়েল মিডিয়াত ভাইৰেল হৈ পৰে। তাৰ পিছত অভিনেতাজনে অশ্বিনৰ চৰিত্ৰত অভিনয় কৰিব পাৰে বুলি ওলোৱা বাতৰিটোৱে অধিক চৰ্চিত হৈছিল। অৱশ্যে, এতিয়া অভিনেতাজনে এই কথা স্পষ্টভাৱে অস্বীকাৰ কৰিছে। তেওঁ কৈছে যে, এই খবৰৰ কোনো সত্যতা নাই আৰু তেওঁ অশ্বিনৰ বায়’পিক কৰা নাই।

ক্ৰিকেট অনুৰাগীৰ প্ৰিয় অশ্বিন

অশ্বিনে প্ৰায় ১৪ বছৰ ধৰি ভাৰতীয় ক্ৰিকেট দলক সেৱা আগবঢ়াই আহিছে। টীম ইণ্ডিয়াৰ হৈ ১০৬খন টেষ্ট মেচ খেলা অশ্বিনে মুঠ ২০০টা ইনিংছত বলিং কৰিছিল। ক্ৰিকেট অনুৰাগীৰ প্ৰিয় খেলুৱৈ অশ্বিন। সেয়েহে তেওঁৰ বায়’পিকৰ বিষয়টোক লৈ চৰ্চা হোৱাটো স্বাভাৱিক।  অৱশ্যে এই মুহূৰ্তত এনে ধৰণৰ বায়’পিকৰ বিষয়ে কোনো ধৰণৰ চৰ্চা চলা নাই।