Game Changer Trailer: মুক্তি পালে ‘গেম চেঞ্জাৰ’ৰ ট্ৰেইলাৰ, এক্সন ৰূপত দেখা গ’ল ৰাম চৰণক

ৰাম চৰণৰ অনুৰাগীয়ে ছবিখনৰ বাবে অপেক্ষা কৰি আছিল। তেওঁৰ বহু প্ৰত্যাশিত ছবি ‘গেম চেঞ্জাৰ’ৰ ট্ৰেইলাৰ মুকলি কৰা হৈছে। বৃহস্পতিবাৰে মেকাৰসকলে ছবিখনৰ ট্ৰেইলাৰ মুকলি কৰিছে,য’ত ৰাম চৰণক এক্সন অৱতাৰত দেখা গৈছে। ইয়াৰ পূৰ্বে এই ছবিখনৰ টিজাৰ মুকলি কৰা হৈছিল, য’ত ৰাম চৰণৰ একেধৰণৰ ৰূপ দেখুওৱা হৈছিল।

এছ. শংকৰে এই ছবিখন পৰিচালনা কৰিছে আৰু ইয়াৰ প্ৰযোজক হৈছে দিল ৰাজু। ইয়াৰ পূৰ্বে নিৰ্মাতাসকলে এই ছবিখন ২০২৪ চনৰ ডিচেম্বৰ মাহতহে মুক্তি দিবলৈ বিচাৰিছিল, কিন্তু তাৰ পিছত পিছুৱাই দিয়া হ’ল। অহা ১০ জানুৱাৰীত ছবিগৃহত মুক্তি পাব ‘গেম চেঞ্জাৰ’। ইয়াৰ পূৰ্বে মেকাৰসকলে অনুৰাগীক ট্ৰেইলাৰটো উপহাৰ দিছে।

ৰাম চৰণৰ ‘গেম চেঞ্জাৰ’ৰ ট্ৰেইলাৰ

এই ট্ৰেইলাৰত ৰাম চৰণক দুটা চৰিত্ৰত দেখা গৈছে। তেওঁৰ এটা ভূমিকা নেতাৰ আৰু আনটো আই এ এছ বিষয়াৰ। বৰ্তমান ট্ৰেইলাৰটো মুকলি কৰা হৈছে কেৱল তেলেগু ভাষাত। হিন্দী সংস্কৰণৰ ট্ৰেইলাৰ এতিয়াও মুক্তি পোৱা নাই। ৰাম চৰণৰ এক্সন দেখি আনন্দিত হৈছে অনুৰাগী। কিয়াৰা আদবানীকো এই ট্ৰেইলাৰত দেখা গৈছে। অৱশ্যে তেওঁ কেনেধৰণৰ ভূমিকা পালন কৰিব সেয়া ট্ৰেইলাৰৰ পৰা স্পষ্ট হোৱা নাই।

৩ বছৰৰ পিছত ছবিলৈ উভতিছে ৰাম চৰণ

৩ বছৰৰ মূৰত ৰামচৰণে ছবি লৈ আহিছে। তেওঁৰ শেষৰখন ছবি হৈছে ২০২২ চনত মুক্তি পোৱা আৰ আৰ আৰ। ইয়াৰ পিছত সেই বছৰতে তেওঁক ‘আচাৰ্য’ নামৰ এখন চিনেমাত দেখা গৈছিল। অৱশ্যে এই ছবিখনত তেওঁৰ পিতৃ চিৰঞ্জীৱীয়ে মুখ্য চৰিত্ৰত অভিনয় কৰিছিল। এতিয়া চাব লাগিব যে তিনি বছৰৰ পিছত পৰ্দালৈ ঘূৰি অহা ৰাম চৰণে ‘গেম চেঞ্জাৰ’ৰ জৰিয়তে মানুহৰ ওপৰত কেনেধৰণৰ যাদু কৰে।

ইফালে কিয়াৰা আদৱানীক শেষবাৰৰ বাবে দেখা গৈছিল ‘সত্যপ্ৰেম কি কথা’ত। এই ছবিখন ২০২৩ চনত মুক্তি পাইছিল। কাৰ্তিক আৰিয়ানক ছবিখনত নায়ক হিচাপে দেখাৰ লগতে কিয়াৰাক তেওঁৰ বিপৰীতে দেখা গৈছিল। বহুদিনৰ মূৰত কিয়াৰাই দক্ষিণৰ এখন ছবিত কাম কৰিবলৈ গৈ আছে।