অমিত শ্বাহক ‘দেশৰ হনুমান’ আখ্যা বৰুণ ধাৱনৰ, কিয় এনেকৈ ক’লে অভিনেতাগৰাকীয়ে

বলিউডৰ অভিনেতা বৰুণ ধাৱন বিগত কেইটামান দিন ধৰি তেওঁৰ আহিবলগীয়া ছবি ‘বেবী জন’ৰ বাবে বিশেষ চৰ্চাত আছে। অনুমান কৰা হৈছে যে তেওঁৰ কেৰিয়াৰৰ আটাইতকৈ পৃথক ছবি হ’ব বেবী জন। বৰ্তমান সময়ত অভিনেতাগৰাকী ছবি প্ৰচাৰৰ কামত ব্যস্ত হৈ আছে। ইয়াৰ মাজতে তেওঁ সাক্ষাৎ কৰে কেন্দ্ৰীয় গৃহমন্ত্ৰী অমিত শ্বাহক। কেন্দ্ৰীয় গৃহমন্ত্ৰীগৰাকীক লগ পোৱাৰ সময়তে তেওঁৰ প্ৰশংসাত পঞ্চমুখ হৈ পৰে বৰুণ ধাৱন। শ্বাহক বৰুণ ধাৱনে ‘দেশৰ হনুমান’ আখ্যা দিয়ে।

আজ টকৰ এটা অনুষ্ঠানত বৰুণ ধাৱনে গৃহমন্ত্ৰীক সাক্ষাৎ কৰে। এই অনুষ্ঠানৰ মাজতে তেওঁ কয় যে, , “এটা কথা ক’ব বিচাৰিছো ছাৰ, কাৰণ আজি আপোনাক লাইভত দেখিছোঁ, নহ’লে কেৱল টিভিতহে দেখা পাওঁ ।আপোনাক সকলোৱে দেশৰ ৰাজনীতিৰ চাণক্য বুলি কয়। কিন্তু মই ক’ব বিচাৰো যে আপুনি আমাৰ দেশৰ হনুমান। যিয়ে স্বাৰ্থভাৱে দেশৰ সেৱা কৰি গৈছে।”

এই সময়ত অমিত শ্বাহেও বৰুণ ধাৱনক প্ৰশংসা কৰে। তেওঁ কয় যে  বৰুণ ধাৱনে ছবিত বহুত ভাল প্ৰদৰ্শন কৰিছে। পৰৱৰ্তী সময়ত বৰুণে শ্বাহক এটা প্ৰশ্ন কৰে।  বৰুনে কয় যে, আপোনাৰ কথাৰ পৰা মই বহুত প্ৰভাৱিত হও, গতিকে এটা প্ৰশ্ন সুধিব বিচাৰিছো যে, “ভগৱান ৰাম আৰু ৰাৱণৰ মাজত আটাইতকৈ ডাঙৰ পাৰ্থক্য কি আছিল?” এই প্ৰশ্নৰ উত্তৰত অমিত শ্বাহে কয়, “ৰামে ধৰ্মৰ ব্যাখ্যা অনুসৰি জীৱন কটাইছিল আৰু ৰাৱণে নিজৰ ব্যাখ্যা অনুসৰি ধৰ্ম সলনি কৰিবলৈ চেষ্টা কৰিছিল।” বৰ্তমান সময়ত বৰুণ ধাৱন আৰু অমিত শ্বাহৰ এই কথোপকথন সামাজিক মাধ্যমত ভাইৰেল হৈ পৰিছে।

উল্লেখ্য যে, বৰদিন উপলক্ষে অহা ২৫ ডিচেম্বৰত মুক্তি পাব বৰুণ ধাৱনৰ ছবি ‘বেবী জন’ । অৰ্থাৎ এতিয়া এই ছবিখন ছবিগৃহত মুক্তি পাবলৈ মাজত মাত্ৰ কেইটামান দিন বাকী আছে। কালিছৰ পৰিচালনাত নিৰ্মিত এই ছবিখনত বৰুণৰ সৈতে কীৰ্তি সুৰেশ আৰু বামিকা গাব্বিকো দেখা যাব। এই ছবিখনত জেকী শ্ৰফে গুৰুত্বপূৰ্ণ ভূমিকা পালন কৰিছে । বেবী জন নামৰ ছবিখনত মূল খলনায়কৰ অভিনয়ত অভিনয় কৰিব জেকী শ্ৰফে।

শ্বাহৰুখ খানৰ কেৰিয়াৰৰ সৰ্ববৃহৎ ছবি ‘জৱান’ পৰিচালনা কৰা এটলীয়ে প্ৰযোজনা কৰিছে ‘বেবী জন’। এই ছবিখনৰ এটা বিশেষ কথা হ’ল যে ইয়াত ছলমান খানকো দেখিবলৈ পোৱা যাব। ছবিখনত ছলমান খানৰ কেমিঅ আছে।  গতিকে ছবিখনে ৰাইজৰ মন জয় কৰিব পাৰেনে নাই সেয়া সময়ত গম পোৱা যাব।