২০ বছৰীয়া অভিনয় যাত্ৰাক বিদায় জনালে বিক্ৰান্ত মেছীয়ে, অভিনয় জগতক বিদায় জনোৱাৰ আঁৰৰ কাৰণ কি?
‘দ্য সাবৰমতী ৰিপ’ৰ্ট, ‘12th Fail’, ‘ছেক্টৰ ৩৬’ৰ দৰে ডাঙৰ ডাঙৰ ছবি দৰ্শকক দৰ্শকক উপহাৰ দিছে অভিনেতা বিক্ৰান্ত মেছীয়ে। অভিনেতা বিক্ৰান্তে শেহতীয়াকৈ ছ’চিয়েল মিডিয়াত অভিনয় জগতক বিদায় জনোৱাৰ বিষয়ে পোষ্ট দিছিল। এই ঘোষণাই এতিয়া সকলোকে আচৰিত কৰি তুলিছে।
বিক্ৰান্ত মেছীৰ নাম বলীউডৰ শ্ৰেষ্ঠ অভিনেতাসকলৰ ভিতৰত অন্যতম। শেহতীয়াকৈ তেওঁৰ ছবি ‘দ্য সাবৰমতী ৰিপ’ৰ্ট’ মুক্তি পাইছিল, যাৰ বাবে অভিনেতাজনে পুনৰ বাতৰিৰ শিৰোনাম দখল কৰিছিল। কিন্তু শেহতীয়াকৈ তেওঁৰ নাম পুনৰবাৰ ছ’চিয়েল মিডিয়াত ভাইৰেল হ’বলৈ আৰম্ভ কৰিছে আৰু ইয়াৰ কাৰণ হ’ল তেওঁৰ শেহতীয়া সামাজিক মাধ্যমৰ পোষ্ট। অভিনেতাগৰাকীয়ে ১ ডিচেম্বৰত নিজৰ অফিচিয়েল ছ’চিয়েল মিডিয়া একাউণ্টত পোষ্ট কৰিছিল যিটোৱে সকলোকে আচৰিত কৰি তুলিছে। এই পোষ্টত অভিনেতাজনে অভিনয় জগতৰ পৰা বিৰতি লোৱাৰ কথা ঘোষণা কৰিছে।
অভিনয় জগতৰ পৰা বিদায় ঘোষণা কৰি অনুৰাগীক আচৰিত কৰি তুলিছে বিক্ৰান্ত মেছীয়ে। ২০০৪ চনত টেলিভিছন শ্ব’ৰ জৰিয়তে অভিনয় জীৱন আৰম্ভ কৰে। অভিনেতাগৰাকীয়ে নিজৰ পোষ্টত লিখিছে, ‘’যোৱা কেইবছৰমান অতি সুন্দৰকৈ অতিবাহিত হৈছে। আপোনালোকৰ সহায়ৰ বাবে বহুত বহুত ধন্যবাদ। কিন্তু, আগবাঢ়ি যোৱাৰ লগে লগে মই উপলব্ধি কৰিছোঁ যে এজন স্বামী, পিতৃ, পুত্ৰ হিচাপে আৰু অভিনেতা হিচাপে পুনৰ ঘৰলৈ উভতি যোৱাৰ সময় আহি পৰিছে। ২০২৫ চনত শেষবাৰৰ বাবে লগ পাম, যেতিয়ালৈ সঠিক সময় নাহে। শেষৰ দুখন ছবি আৰু অগণন স্মৃতিৰ বাবে সকলোকে ধন্যবাদ। মই সদায় কৃতজ্ঞ হৈ থাকিম।”
এই পোষ্টটোৱে অনুৰাগীসকলক আচৰিত কৰি তুলিছে
বিক্ৰান্ত মেছীৰ এই আৱেগিক পোষ্টৰ পিছত অনুৰাগীৰ এটাই প্ৰশ্ন হঠাতে কিয় ল’লে এই সীদ্ধান্ত, কেৰিয়াৰৰ উত্থানৰ সময়ত তেওঁ কিয় এনে ঘোষণা কৰিছে সেয়া সকলোৱে জানিব বিচাৰিছে। বিগত বছৰটোতে বিক্ৰান্ত মেছীৰ ‘12th Fail’ মুক্তি পাইছিল, যিখন ছবি ৰাইজে অতি ভাল পাইছিল। ইয়াৰ লগতে অভিনেতাগৰাকীকো প্ৰশংসা কৰা হয়। শেহতীয়া ছবি ‘দ্য সাবৰমতী ৰিপ’ৰ্ট’ৰ বাবে ভাৰতীয় আন্তঃৰাষ্ট্ৰীয় চলচ্চিত্ৰ মহোৎসৱ ২০২৪ত তেওঁক ‘Personality of the Year’ৰ খিতাপ দিয়া হৈছিল।
View this post on Instagram
শিশুৰ নামত ভাবুকি লাভ
‘দ্য সাবৰমতী ৰিপ’ৰ্ট’ৰ প্ৰচাৰৰ সময়ত অভিনেতাগৰাকীয়ে এক সাক্ষাৎকাৰত প্ৰকাশ কৰিছিল যে, ছবিখনত চলি থকা বিতৰ্কৰ বাবেই তেওঁক বিভিন্ন ছ’চিয়েল মিডিয়া প্লেটফৰ্মৰ জৰিয়তে ভাবুকি দিয়া হৈছে। এই সকলোবোৰ ভাবুকিত তেওঁৰ সন্তানক টাৰ্গেট কৰা হৈছে বুলি অভিনেতাজনে জনায়। অভিনয় যাত্ৰাৰ কথা ক’বলৈ গ’লে বিক্ৰান্তে ২০১৩ চনত ‘লুটেৰা’ৰ জৰিয়তে পাতনি মেলিছিল। ২০ বছৰীয়া চলচ্চিত্ৰ জীৱনৰ এই যাত্ৰাত অভিনেতা গৰাকীয়ে দৰ্শকৰ সন্মুখত বহুতো ডাঙৰ ডাঙৰ ছবি সুন্দৰকৈ উপস্থাপন কৰিছে।
