‘Vada Pav’ ই সলনি কৰিলে ভাগ্য, ভাইৰেল চন্দ্ৰিকা গেৰা দীক্ষিতক দেখিব Bigg Boss OTT 3ত

‘Vada Pav Girl’ নামেৰে পৰিচিত চন্দ্ৰিকা গেৰা দীক্ষিত ইণ্টাৰনেটৰ চেন্সেশনত পৰিণত হৈছে। তেওঁ মুম্বাইৰ Vada Pavক দিল্লীত বিখ্যাত কৰি তুলিছিল। সৰু দোকানৰ পৰা অহা এই Vada Pav এ চন্দ্ৰিকাক পোনপটীয়াকৈ বিগ বছৰ দৰে ৰাষ্ট্ৰীয় অনুষ্ঠানত প্ৰৱেশ কৰাই দিলে। চন্দ্ৰিকাৰ Vada Pavকৈও বেছি কথা-বতৰাৰ শৈলীয়ে মানুহক তেওঁৰ ফালে আকৰ্ষণ কৰিছিল। পৌৰ নিগমৰ বাৰে বাৰে কৰা কাৰ্যত বিৰক্ত হৈ চন্দ্ৰিকাই এতিয়া নিজৰ ব্যৱসায় গাড়ীৰ পৰা দিল্লীৰ এটা ষ্টললৈ স্থানান্তৰিত কৰিছে।

চন্দ্ৰিকা মধ্য প্ৰদেশৰ বাসিন্দা। বিয়াৰ পিছত তেওঁ দিল্লীলৈ স্থানান্তৰিত হয়। Vada Pav ৰ ষ্টল আৰম্ভ কৰাৰ আগতে চন্দ্ৰিকাই দিল্লীৰ বিখ্যাত মিঠাইৰ দোকান হালদিৰামত কাম কৰিছিল। কিন্তু পুত্ৰৰ অসুস্থতাৰ বাবে চন্দ্ৰিকাই চাকৰি এৰিব লগা হৈছিল। চাকৰি এৰি চন্দ্ৰিকাই গিৰিয়েক আৰু শাহুৱেকৰ সৈতে Vada Pav বিক্ৰী কৰি ঘৰখন চলাবলৈ আৰম্ভ কৰিলে।

First promo of contestants is out.

Vada Pav girl controversial , Chandrika Dixit to enter in #BiggBossOTT3 pic.twitter.com/LyLp8VxVzP

— #BiggBoss_Tak👁 (@BiggBoss_Tak) June 18, 2024

তেহেলকাই জীৱন সলনি কৰিলে

চন্দ্ৰিকাৰ প্ৰথমটো ভিডিঅ’ ভাইৰেল হৈ পৰে যেতিয়া তেওঁ দিল্লী পৌৰ নিগমৰ বিষয়াসকলে তেওঁৰ গাড়ীৰ বাবে অতিৰিক্ত ধন দাবী কৰাৰ অভিযোগ উত্থাপন কৰে। ৩৫ হাজাৰ টকা দিয়াৰ পিছতো তেওঁৰ পৰা অধিক ধন দাবী কৰিছিল বুলিও কয়। এই ভিডিঅ’টোৰ পিছত তেওঁৰ লগত ফুড ব্লগাৰসকলে কথা পাতিবলৈ আৰম্ভ কৰিলে। কেতিয়াবা কোনো গ্ৰাহকক চিঞৰি, কেতিয়াবা সহযোগী Vada Pav বিক্ৰেতাক ঠাট্টা কৰি চন্দ্ৰিকাৰ ভিডিঅবোৰ ছ’চিয়েল মিডিয়াত ভাইৰেল হ’বলৈ ধৰিলে। এই ভাইৰেল ভিডিঅ’বোৰৰ বাবেই চন্দ্ৰিকাই লগ পাইছিল ‘BIG BOSS 17’ ৰ প্ৰতিযোগী ‘তেহেলকা‘ক। ইয়াৰ পিছতে আৰম্ভ হ’ল তেওঁৰ Bigg Boss Ott season 3 ৰ যাত্ৰা।

আৰম্ভ হৈছে এক নতুন যাত্ৰা

যদিও চন্দ্ৰিকাই গাড়ীত Vada Pav বিক্ৰী কৰি যাত্ৰা আৰম্ভ কৰিছিল। কিন্তু ভাইৰেল হোৱাৰ পিছত তেওঁ নিজৰ জনপ্ৰিয়তাৰ সম্পূৰ্ণ সুবিধা লৈছিল। এতিয়া অনিল কাপুৰৰ শ্ব’ত এই ‘Vada Pav Girl’ নামেৰে পৰিচিত চন্দ্ৰিকা চাবলৈ পাব।