হঠাৎ অভিনয় জগতৰ পৰা বিদায় লোৱা বিক্ৰান্ত মেছীৰ কিমান আছে ধন-সম্পত্তি? জানো আহক সবিশেষ

বিক্ৰান্ত মেছীৰ কিমান আছে ধন-সম্পত্তি?

বলীউডৰ অভিনেতা বিক্ৰান্ত মেছীয়ে অভিনয়ৰ পৰা অৱসৰ লোৱাৰ কথা ঘোষণা কৰি অনুৰাগীক আচৰিত কৰি তুলিছে। শেহতীয়া ছবি ‘দ্য সাবৰমতী ৰিপ’ৰ্ট’ লৈ শিৰোনাম দখল কৰিছে যদিও ছবিৰ পৰা অৱসৰ লোৱাৰ খবৰ পোৱাৰ পিছত সকলোৱে আচৰিত হৈছে। 12th Fail আৰু মিৰ্জাপুৰৰ দৰে ছবি আৰু ৱেব ছিৰিজৰ জৰিয়তে জিলিকি উঠা বিক্ৰান্ত মেছীয়ে নিজৰ বাবে চলচ্চিত্ৰ জগতত এক অনন্য স্থান সৃষ্টি কৰিছে। কিন্তু কালি তেওঁৰ এটা ইনষ্টাগ্ৰাম পোষ্টৰ জৰিয়তে তেওঁ সকলোকে আচৰিত কৰি অৱসৰৰ কথা ঘোষণা কৰে। বলিষ্ঠ অভিনয়েৰে শিৰোনাম দখল কৰা মেছীয়ে ছবিৰ জৰিয়তে বহু উপাৰ্জন কৰিছে। তেওঁৰ মুঠ নেট ৱৰ্থ কিমান জানো আহক।

Vikrant Massey মুঠ সম্পত্তি

বিক্ৰান্ত মেছিৰ মুঠ সম্পত্তি ২০-২৬ কোটি টকাৰ ভিতৰত বুলি কোৱা হৈছে। য’ত ছবিৰ পৰা পোৱা উপাৰ্জনৰ লগতে ব্ৰেণ্ড এণ্ডাৰছমেণ্ট, গাড়ী আৰু বাকী সম্পত্তিও অন্তৰ্ভুক্ত কৰা হৈছে। ফাইনেন্সিয়েল এক্সপ্ৰেছৰ তথ্য অনুসৰি, ২০২৩ চনৰ পৰা তেওঁ এখন ছবিৰ বাবে প্ৰায় ১.৫ কোটি টকা লয়। লগতে তেওঁৰ মুম্বাইত এটা বিলাসী এপাৰ্টমেণ্ট আছে যাৰ মূল্য কোটি টকাত হ’ব। ইয়াৰ উপৰিও তেওঁৰ হাতত আছে ৬০.৪ লাখ টকাৰ ভলভো এছ ৯০, ৮.৪ লাখ টকাৰ মাৰুতি চুজুকি ডেজেয়াৰ আৰু ১২ লাখতকৈ অধিক মূল্যৰ ডুকাটি মনষ্টাৰৰ দৰে বিলাসী গাড়ী।

আৰম্ভণি যাত্ৰা কেনেকুৱা আছিল?

বিক্ৰান্ত মেছী টিভি শ্ব’ ‘বালিকা বধু’ আৰু ‘কুবুল হে’ৰ জৰিয়তে নিজৰ কেৰিয়াৰ আৰম্ভ কৰিছিল। ইয়াৰ পিছত তেওঁ অ’টিটি প্লেটফৰ্মত ক্ৰিমিনেল জাষ্টিচৰ দৰে থ্ৰিলাৰত অভিনয় কৰিছিল আৰু তাৰ পিছতহে বলীউডত প্ৰৱেশ কৰিছিল। টিভি ধাৰাবাহিকৰ সময়ত বিক্ৰান্তৰ মাহিলী দৰমহা আছিল ৩৫ লাখ টকা, কিন্তু ভাগ্যই তেওঁক টিভিৰ জগতখনৰ পৰা কিছু নিলগত লৈ গৈছিল।

অন্য ব্যক্তিৰ অবিহনে বলীউডত নিজৰ নাম উজলাইছিল

কোনো গডফাদাৰ নোহোৱাকৈয়ে বিক্ৰান্তে বলীউডত নিজৰ নাম উজলাইছিল। তেওঁৰ এই সিদ্ধান্ত আৰু এই কাৰ্যই কোটি কোটি দৰ্শকক নিৰাশ কৰিছে। বিক্ৰান্তে নিজৰ পোষ্টটোত কয় যে, তেওঁ এতিয়া নিজকে স্বামী, পিতৃ আৰু অভিনেতা হিচাপে পুনৰ থাকিব বিচাৰিছে আৰু তেওঁৰ আগন্তুক ছবি ‘ৰিষ্টাৰ্ট ফ্ৰম জিৰ’ক দৰ্শকৰ সৈতে শেষ সাক্ষাৎকাৰ বুলি গণ্য কৰে।

‘২০২৫ চনত শেষবাৰৰ বাবে লগ হ’ম’

ইনষ্টাগ্ৰাম পোষ্টত মেছীয়ে লিখিছে, ‘২০২৫ চনত আমি শেষবাৰৰ বাবে লগ পাম। যেতিয়ালৈকে সঠিক সময় অনুভৱ নকৰো। যোৱা ২ খন ছবি আৰু বহু বছৰৰ স্মৃতি। আকৌ এবাৰ ধন্যবাদ। ইয়াৰ মাজত প্ৰতিটো সময়ত ঘটা সকলো কথাৰ বাবে। আপোনালোকৰ সন্মুখত সদায় ঋণী হৈ থাকিম।’