ASSAMESE UPCOMING MOVIE: আহি আছে ‘ভাইমন দা’… কেতিয়া মুক্তি পাব এই নতুন ছবিখন?
অসমীয়া চলচ্চিত্ৰ জগতৰ এক উজ্জ্বল নক্ষত্ৰ, মুনিন বৰুৱা, যাক সকলোৱে মৰমতে সম্বোধন কৰিছিল ‘ভাইমন দা’ বুলি । তেওঁ প্ৰায় ১৪ খন চিনেমা নিৰ্মাণ কৰি অসমীয়া ছবি জগতলৈ অনবদ্য অৱদান আগবঢ়াই থৈ গৈছে ।
উভতি আহিছে অসমীয়া চিনেমাৰ সুদিন। অসমীয়া চিনেমাই ৯০ বছৰ অতিক্ৰম কৰিলে। এই বিশেষ বছৰটোত ছবিগৃহত মুক্তি পাব নতুন অসমীয়া ছবি ‘ভাইমন দা’। মঙলবাৰে এখন সংবাদমেলযোগে ছবিখনৰ মুক্তিৰ তাৰিখ জানিবলৈ দিয়ে নিৰ্মাতাগোষ্ঠীয়ে।
‘জিল ক্ৰিয়েচন’ৰ বেনাৰত প্ৰয়াত মুনিন বৰুৱাদেৱৰ জীৱনৰ আধাৰত নিৰ্মাণ ছবিখন। ছবিখন পৰিচালনা কৰিছে শংশাক সমীৰে আৰু প্ৰযোজনা কৰিছে শ্যামন্তক গৌতমে। ছবিখনৰ কাহিনী, চিত্ৰনাট্য সংলাপ আৰু পৰিচালনা শশাংক সমীৰৰ। এতিয়া মুক্তিৰ বাবে সাজু ‘ভাইমন দা’৷ অসমীয়া চলচ্চিত্র জগতৰ স্বনামধন্য ব্যক্তি, যশস্বী পৰিচালক প্ৰয়াত মুনীন বৰুৱাৰ জীৱনৰ আধাৰত নিৰ্মাণ কৰা ছবিখন ২৩ মে’ত মুক্তি লাভ কৰিব। পূৰ্বে ৭ ফেব্ৰুৱাৰীত মুক্তি পোৱাৰ কথা আছিল ছবিখন, কিন্তু পিছত তাৰিখ সলনি হয়।
View this post on Instagram
ছবিখনৰ ছাউণ্ড ডিজাইনাৰ হিচাপে অমৃত প্ৰীতম আৰু দেৱজিৎ চাংমায়ে কাম কৰিছে আৰু প্ৰীতম খাউণ্ডে সম্পাদনা কৰিছে ।
ছবিখনৰ মুখ্য চৰিত্ৰত অভিনয় কৰিছে বনদীপ শৰ্মাই । আনহাতে অন্যান্য চৰিত্ৰসমূহত আছে, য়শস্বী ভূঞা, বৈভৱী গোস্বামী, গীতাৰ্থ শৰ্মা, দ্বীপজ্যোতি কেওঁট, গুণাকৰ দেৱ গোস্বামী, পাকিজা বেগম, অনুৰাগ বৰা, সমূদ্ৰগুপ্ত দত্ত, অৰ্ঘদীপ বৰুৱা, কৌশিক ভৰদ্বাজ, হৰপল শইকীয়া আৰু শিল্পী শিখা বৰাকে ধৰি বহু ন-পুৰণি শিল্পীয়ে।
‘ভাইমন দা’ কোন?
অসমীয়া চলচ্চিত্ৰ জগতৰ এক উজ্জ্বল নক্ষত্ৰ, মুনিন বৰুৱা, যাক সকলোৱে মৰমতে সম্বোধন কৰিছিল ‘ভাইমন দা’ বুলি । তেওঁ প্ৰায় ১৪ খন চিনেমা নিৰ্মাণ কৰি অসমীয়া ছবি জগতলৈ অনবদ্য অৱদান আগবঢ়াই থৈ গৈছে । মুনিন বৰুৱা (Munin Barua) এগৰাকী জনপ্ৰিয় অসমীয়া চলচ্চিত্ৰ পৰিচালক হিচাবে অসমীয়া সাংস্কৃতিক জগতত এক পৰিচিত নাম। প্ৰভাতী পখীৰ গান, হিয়া দিয়া নিয়া, নায়ক, দাগ আদি চলচ্চিত্ৰৰে দৰ্শকৰ মন জয় কৰা পৰিচালক।
পোনপ্ৰথমে এগৰাকী চিত্ৰনাট্যকাৰ হিচাবে কথাছবি জগতত ভৰি দিয়া মুনিন বৰুৱাই বোৱাৰী, ঘৰ সংসাৰ, সোণ মইনা আদি কথাছবি সমূহৰ চিত্ৰনাট্যকাৰ হিচাবে চলচ্চিত্ৰ কেৰিয়াৰ আৰম্ভ কৰে। ১৯৮৭ চনত অভিনেতা নিপন গোস্বামীৰ সৈতে যুটীয়া ভাবে প্ৰতিমা কথাছবিখন পৰিচালনা কৰি পৰিচালক হিচাবে আত্মপ্ৰকাশ কৰে।
অসমৰ মৃতপ্ৰায় কথাছবি জগতখনক পুনৰ ঠন ধৰি উঠাত মুনিন বৰুৱাৰ অৱদান অপৰিসীম। ২০০০ চনত তেওঁৰ হিয়া দিয়া নিয়া কথাছবি খনৰ যোগেদি অসমীয়া চলচ্চিত্ৰ জগতখন পুনৰায় ঠন ধৰি উঠিছিল। এই চলচ্চিত্ৰখন অসমীয়া কথাছবি জগতৰ সৰ্বকালৰ এখন জনপ্ৰিয় কথাছবি হিচাবে পৰিচিত। তাৰ পাছতে দাগ, নায়ক, কন্যাদান, বিধাতা, বাৰুদ, ৰং, দীনবন্ধু, ৰামধেনু আদি কথাছবিৰে জনপ্ৰিয়তা অৰ্জন কৰে।
দীনবন্ধু কথাছবিখন ২০০৫ চনৰ আঞ্চলিক ভাষাৰ শ্ৰেষ্ঠ কথাছবিৰ সন্মান অৰ্জা বোলছবি। তেওঁ সকলোৱে ভাইমন দা নামেৰেহে চিনি পাইছিল। দুটা দশকত তেওঁ প্ৰায় ৯০খন জনপ্ৰিয় নাটক ৰচনা কৰিছে। তেওঁ অসমীয়া চি ডি ছবিৰ আটাইতকৈ নিৰ্ভৰযোগ্য চিত্ৰনাট্য লেখক।
