ছলমান খানৰ সবাতোকৈ ‘ভাল বন্ধু’ কোন? ভাইজানে ক’লে বিশেষ ৫ গৰাকী ব্যক্তিৰ নাম…

বলিউডৰ অভিনেতা ছলমান খান প্ৰায়ে কিবা নহয় কিবা কাৰণত চৰ্চাত থাকে।  তেওঁৰ ঘনিষ্ঠসকলৰ মতে ছলমান খান অতি দয়ালু। ছলমান খানক সকলোৱে বন্ধু হিচাপে পাব বিচাৰে কিন্তু ছলমান খানে সকলোকে নিজৰ বন্ধুৰ তালিকাত নাৰাখে। ছলমান খানে কয় যে তেওঁ সকলোৰে সৈতে ভালদৰে কথা পাতে, সকলোকে ভালদৰে লগ পাই কিন্তু সকলোৰে পৰা তেওঁ নিজৰ নিজৰ অনুভৱখিনি নাপায়। এক সাক্ষাৎকাৰৰ সময়ত ছলমানে নিজৰ ৫ জন বিশেষ বন্ধুৰ নাম উল্লেখ কৰিছে যি তেওঁৰ অতিকে আপোন আৰু পৰিয়ালৰ লগতো তেওঁলোকৰ ভাল সম্পৰ্ক আছে।

ছলমানৰ বিশেষ ৫ বন্ধু

বলিউড বাবল নামৰ ৱেব পোৰ্টেলত দিয়া এক সাক্ষাৎকাৰত ছলমান খানক সোধা হৈছিল আপোনাৰ বেষ্ট ফ্ৰেইণ্ড (সবাতোকৈ ভাল বন্ধু) কোন? এই প্ৰশ্নৰ উত্তৰত ছলমানে কৈছিল যে মই সকলোৰে সৈতে কথা পাতো, কিন্তু প্ৰকৃততে মোৰ বহুত কম বন্ধু আছে। মোৰ ঘনিষ্ঠ বন্ধুসকল মই পৰিয়ালৰ সদস্য বুলি ভাৱো। যিসকল বন্ধুক মই পৰিয়ালৰ দৰে ভাবো বা মোৰ পৰিয়াৰ সদস্যৰ দৰে, তেওঁলোক হ’ল- সাজিদ নাদিয়াৱালা, মোহনীশ বাহল, আমিৰ খান, শ্বাহৰুখ খান,অনিল কাপুৰ। এই কেইজন মোৰ বহুত ভাল বন্ধু।

উল্লেখ্য যে, আমিৰ খান আৰু শ্বাহৰুখ খানৰ সৈতে ভাল বন্ধুত্বৰ কথা ইয়াৰ পূৰ্বেও ছলমান খানে বহুবাৰ উল্লেখ কৰিছে। ইয়াৰোপৰি অক্ষয় কুমাৰ, অজয় দেৱগন আদিও ছলমান খানৰ ভাল বন্ধু।

কেৰিয়াৰ

কেৰিয়াৰ ছলমান খানে ১৯৮৮ চনত ‘বিৱি হো তো এইছি’ নামৰ ছবিখনৰ জৰিয়তে কেৰিয়াৰৰ আৰম্ভ কৰিছিল। তেওঁৰ প্ৰথম ব্লক বাষ্টাৰ ছবি আছিল ‘মেইনে প্যাৰ কিয়া ‘(১৯৮৯)। ইয়াৰ পাছত তেওঁ সাজন, কৰন অৰ্জুন, হম আপকে হে কৌন, হম সাথ সাথ হে,দুলহান হম লে জায়েংগে তেৰে নাম’ আদি বহুকেইটা চিনেমাত অভিনয় কৰে। ৱান্টেড ,দবাং, ৰেডি,বডিগাৰ্ড, বজৰংগী ভাইজান, কিক, চুলতান আদি তেওঁৰ চুপাৰহিট ছবি। প্ৰায় প্ৰতিবছৰে ছলমান খানৰ ছবি মুক্তি লাভ কৰে।

আহিবলগীয়া ছবি

২০২৩ চনত ছলমান খানৰ ছবি ‘টাইগাৰ ৩’ য়ে বক্স অফিচত খলকনি তুলিছিল। ২০২৪ চনত তেওঁ ছিংঘাম এগেইন আৰু বেবী জনত কেমিঅ’ কৰিছিল। ইয়াৰোপৰি চলিত বৰ্ষৰ ঈদত মুক্তি লাভ কৰিব ছলমান খানৰ নতুন ছবি ছিকন্দকৰ। এই ছবিত ছলমান খানৰ লগতে ৰশ্মিকা মণ্ডনাক দেখা যাব। বৰ্তমান সময়ত ছলমান খান ছবিখনৰ শ্বুটিঙৰ কামত ব্যস্ত আছে।

অন্য খবৰ পঢ়কঃ ছবি মুক্তি লাভৰ পূৰ্বে সামাজিক মাধ্যমত ভাইৰেল ছলমান খানৰ এটা বিশেষ ভিডিঅ’…