বিশ্বৰ প্ৰথমগৰাকী ‘মিছ ৱৰ্ল্ড’ কিকি হাকানছনৰ দেহাৱসান, ৯৫ বছৰ বয়সত জনালে শেষ বিদায়

প্ৰথমগৰাকী 'মিছ ৱৰ্ল্ড' কিকি হাকানছনৰ দেহাৱসান

বিশ্বৰ প্ৰথমগৰাকী মিছ ৱৰ্ল্ড কিকি হাকানছনৰ মৃত্যু। কিকিয়ে ৯৫ বছৰ বয়সত এই পৃথিৱীক বিদায় জনায়। কেলিফৰ্ণিয়াত বাসগৃহত মৃত্যু হয় হাকানছনৰ। কিকিৰ পৰিয়াল আৰু সন্তানৰ মতে, সেই সময়ত তেওঁৰ নিজৰ ঘৰত নিজৰ মানুহৰ মাজত আছিল আৰু টোপনি গৈ থাকোতে তেওঁৰ মৃত্যু হয় । তেওঁ এটা সুখী জীৱন যাপন কৰিছিল আৰু তাৰ পিছত আৰামদায়ক টোপনিৰ মাজেৰে পৃথিৱীখনক বিদায় জনাইছিল। কিকিৰ সন্তানৰ মতে, মৃত্যুৰ সময়ত কিকি নিজৰ মানুহৰ মাজত আছিল আৰু আনন্দেৰে এই পৃথিৱীৰ পৰা আঁতৰি গৈছে।

৭৩ বছৰ পূৰ্বে কিকিয়ে মিছ ৱৰ্ল্ড খিতাপ জিকিছিল। এই কৃতিত্ব অৰ্জন কৰা বিশ্বৰ প্ৰথমগৰাকী মহিলা আছিল কিকি। অফিচিয়েল মিছ ৱৰ্ল্ড ইনষ্টাগ্ৰাম একাউণ্টৰ জৰিয়তে তেওঁৰ মৃত্যুক লৈ ঘোষণা কৰা হৈছে। চুইডেনত জন্মগ্ৰহণ কৰা কিকি হাকানছনে ১৯৫১ চনত লণ্ডনত অনুষ্ঠিত মিছ ৱৰ্ল্ড প্ৰতিযোগিতাত মিছ ৱৰ্ল্ডৰ মুকুট পিন্ধি ইতিহাস ৰচনা কৰিছিল।

১৯৫১ চনৰ ২৯ জুলাইত লাইচিয়াম বলৰুমত মিছ ৱৰ্ল্ড প্ৰতিযোগিতা আৰম্ভ হৈছিল। ১৯৫১ চনৰ ২৯ জুলাইত লাইচিয়াম বলৰুমত মিছ ৱৰ্ল্ড প্ৰতিযোগিতা আৰম্ভ হৈছিল। পোষ্টটোত লিখা হৈছে, “আমি কিকিৰ পৰিয়ালৰ সকলো সদস্যৰ প্ৰতি গভীৰ সমবেদনা জ্ঞাপন কৰিছোঁ। এই কঠিন সময়ত আমাৰ মৰম আৰু প্ৰাৰ্থনা প্ৰেৰণ কৰিছোঁ।”

সহজ নাছিল সেই যাত্ৰা

কিকি প্ৰতিগৰাকী মহিলাৰ বাবে এক উদাহৰণ হৈ পৰিছিল যাৰ সপোন আছিল তেওঁৰ সৌন্দৰ্য আৰু বুদ্ধিমত্তাৰ দ্বাৰা এই পৃথিৱীখনক প্ৰভাৱিত কৰা। কিকিয়ে বহুতো ছোৱালীৰ বাবে এটা পথ মুকলি কৰিছিল, য’ত ভাৰতৰ জীয়ৰীয়ে খোজ পেলাই আগবাঢ়ি গৈছিল। কিকিৰ প্ৰস্থানৰ লগে লগে, সৌন্দৰ্য প্ৰতিযোগিতাৰ ইতিহাসৰ এক যুগৰ সমাপ্তি ঘটিছে। এয়া স্পষ্ট যে এই যাত্ৰা কিকিৰ বাবে সহজ নাছিল, কিন্তু তথাপিও তেওঁ খিতাপ জয় কৰিছিল আৰু সকলো অসুবিধাৰ সন্মুখীন হৈ ইতিহাস সৃষ্টি কৰিছিল।