মনমোহন সিঙৰ মৃত্যুত দেশজুৰি শোকৰ লহৰঃ ৭ দিনৰ ৰাষ্ট্ৰীয় শোক ঘোষণা কেন্দ্ৰৰ
প্ৰাক্তন প্ৰধানমন্ত্ৰী মনমোহন সিঙৰ মৃত্যুত সমগ্ৰ দেশ শোকবিহ্বল হৈ পৰিছে। ইফালে তেওঁৰ মৃত্যুৰ পিছতে কেন্দ্ৰীয় চৰকাৰে ৭ দিনৰ ৰাষ্ট্ৰীয় শোক ঘোষণা কৰিছে। শুকুৰবাৰে ১১ বজাত মনমোহন সিঙলৈ শ্ৰদ্ধাঞ্জলি জনোৱাৰ বাবে কেবিনেট বৈঠক অনুষ্ঠিত হ’ব বুলি জানিব পৰা গৈছে।
আজি চিৰদিনৰ বাবে চকু মুদিলে দেশৰ প্ৰাক্তন প্ৰধানমন্ত্ৰী মনমোহন সিঙে। স্বাস্থ্যৰ অৱনতি ঘটাৰ পিছত তেওঁক লগে লগে দিল্লীৰ এইমছলৈ লৈ যোৱা হৈছিল আৰু চিকিৎসকৰ যথেষ্ট চেষ্টাৰ পিছতো তেখেতৰ দেহাৱসান ঘটে। মনমোহন সিঙৰ মৃত্যুত সমগ্ৰ দেশ শোকবিহ্বল হৈ পৰিছে। ইফালে তেওঁৰ মৃত্যুৰ পিছতে কেন্দ্ৰীয় চৰকাৰে ৭ দিনৰ ৰাষ্ট্ৰীয় শোক ঘোষণা কৰিছে। শুকুৰবাৰে ১১ বজাত মনমোহন সিঙলৈ শ্ৰদ্ধাঞ্জলি জনোৱাৰ বাবে কেবিনেট বৈঠক অনুষ্ঠিত হ’ব বুলি জানিব পৰা গৈছে।
ইফালে শুকুৰবাৰে সকলো চৰকাৰী কাৰ্যসূচীও বাতিল কৰিছে কেন্দ্ৰীয় চৰকাৰে। চৰকাৰৰ লগতে বিৰোধী দল কংগ্ৰেছেও সকলো দলীয় কাৰ্যসূচী বাতিল কৰিছে। বৃ্হস্পতিবাৰে কৰ্ণাটকৰ বেলগাৱীত কংগ্ৰেছ ৱৰ্কিং কমিটিৰ বৈঠক অনুষ্ঠিত হৈছিল। কিন্তু মনমোহন সিঙৰ মৃত্যুৰ খবৰ লাভৰ পিছতে দলৰসকলো কাৰ্যসূচী বাতিল কৰা হয় আৰু কংগ্ৰেছৰ মুৰব্বী মল্লিকাৰ্জুন খৰ্গে, ৰাহুল গান্ধীয়ে বেলগাৱীৰ পৰা দিল্লীলৈ ৰাওনা হয়।
ৰাষ্ট্ৰপতি দ্ৰৌপদী মুৰ্মুৱে মনমোহন সিঙৰ মৃত্যুত শোক প্ৰকাশ কৰি তেওঁৰ মৃত্যু সকলোৰে বাবে এক বৃ্হৎ ক্ষতি বুলি উল্লেখ কৰিছে। শিক্ষা আৰু প্ৰশাসনৰ ক্ষেত্ৰখনত সমানভাৱে কাম কৰা ৰাজনৈতিক নেতাসকলৰ ভিতৰত মনমোহন সিং অন্যতম আছিল বুলি উল্লেখ কৰি ৰাষ্ট্ৰপতি দ্ৰৌপদী মুৰ্মুৱে লগতে মনমোহন সিঙে ভাৰতীয় অৰ্থনীতি উন্নত কৰাৰ ক্ষেত্ৰত গুৰুত্বপূৰ্ণ অৱদান আগবঢ়াইছিল বুলিও কয়।
“দেশৰ প্ৰতি তেওঁৰ সেৱা, তেওঁৰ অনবদ্য ৰাজনৈতিক কেৰিয়াৰ আৰু তেওঁৰ নম্ৰতাৰ বাবে সদায় স্মৰণীয় হৈ থাকিব। তেওঁৰ মৃত্যু আমাৰ সকলোৰে বাবে এক ডাঙৰ ক্ষতি।”- মনমোহন সিঙৰ মৃত্যুত এইদৰে কয় ৰাষ্ট্ৰপতিগৰাকীয়ে।
Former Prime Minister Dr Manmohan Singh Ji was one of those rare politicians who also straddled the worlds of academia and administration with equal ease. In his various roles in public offices, he made critical contributions to reforming Indian economy. He will always be…
— President of India (@rashtrapatibhvn) December 26, 2024
