মহিলা-বৃদ্ধ ভোটাৰক আঁচনিৰ প্ৰতিশ্ৰুতি দি বিজেপিক আক্ৰমণ কেজৰিৱালৰ…

দিল্লীৰ বিধানসভা নিৰ্বাচনৰ পূৰ্বে বিজেপিৰ বিৰুদ্ধে গুৰুতৰ অভিযোগ উত্থাপন কৰিছে আপৰ মুৰব্বী অৰবিন্দ কেজৰিৱালে । শনিবাৰে সংবাদমেল সম্বোধন কৰি অৰবিন্দ কেজৰিৱালে বিজেপিক তীব্ৰ সমালোচনা কৰে। কেজৰিৱালে কয় যে, ‘কিছুদিন পূৰ্বে আমি ঘোষণা কৰিছিলোঁ যে মহিলা সন্মান যোজনাৰ অধীনত প্ৰতিমাহে ২১০০ টকা দিম। ইতিমধ্যে এই আঁচনিৰ অধীনত কেবিনেটে ১০০০ টকাৰ দিয়াৰ বাবে সিদ্ধান্ত গ্ৰহণ কৰিছে ।

তেওঁ কয় যে, নিৰ্বাচনত জয়ী হ’লে এই আঁচনিৰ ধন ২১০০ টকালৈ বৃদ্ধি কৰাৰ কথা ঘোষণা কৰা হৈছিল । লগতে সঞ্জীৱনী যোজনাৰ অধীনত দ্বিতীয় পৰিকল্পনা আছিল বৃদ্ধসকলক বিনামূলীয়া চিকিৎসা প্ৰদান কৰাৰ। কেজৰিৱালে অভিযোগ উত্থাপন কৰে যে,  ‘এই দুয়োখন আঁচনিয়ে বিজেপিক টোপনি নোহোৱা কৰি দিলে আৰু তেওঁলোকে অনুভৱ কৰিলে যে তেওঁলোকে নিৰ্বাচনত পৰাস্ত হৈছে।’

‘মহিলা সন্মান যোজনা’ৰ অধীনত মহিলাক ২১০০ টকা প্ৰদানৰ ঘোষণাত বিজেপিয়ে আতংকিত হৈ পৰিছে আৰু আগন্তুক নিৰ্বাচনত পৰাজয়ৰ আশংকাত বিজেপিয়ে এই আঁচনিখন বন্ধ কৰিবলৈ চেষ্টা চলাইছে বুলি আপৰ মুৰব্বী অৰবিন্দ কেজৰিৱালে অভিযোগ উত্থাপন কৰিছে । তেওঁ আৰু কয়, ‘আজি বিজেপিয়ে এটা ইংগিত দিছে যে তেওঁলোকে জয়ী হ’লে সকলো আঁচনি বন্ধ কৰি দিব । মই দিল্লীৰ ৰাইজক ক’ব বিচাৰো যে বিজেপিক ভোট দিলে দিল্লীত থকাৰ পৰিৱেশ নাথাকিব।’

महिला सम्मान योजना, संजीवनी योजना, फ़्री बिजली, फ़्री पानी, फ़्री बस यात्रा, फ़्री तीर्थ यात्रा। दिल्ली में BJP ये सभी योजनाएं रोकना चाहती है।

मैं दिल्ली के 2 करोड़ लोगों से अपील करता हूँ, इकट्ठे हो जाओ .. इस चुनाव में हमें मिलकर BJP की गंदी राजनीति को हराना है। pic.twitter.com/odDaJr4vZ8

— Arvind Kejriwal (@ArvindKejriwal) December 28, 2024

‘আমি এই আঁচনিখনত একো কৰা নাই আৰু বিজেপিৰ ৰাইজে মুকলিকৈ টকা বিতৰণ কৰিছে । তেওঁলোকে বিনামূলীয়া বিদ্যুৎ, পানী, বাছ সেৱা বন্ধ কৰিব বিচাৰিছিল, কিন্তু মই বন্ধ কৰা নাছিলো। যদি আপোনাৰ কেজৰিৱালৰ ওপৰত বিশ্বাস আছে তেন্তে মই এই দুয়োখন আঁচনিও কাৰ্যকৰী কৰিম।’ এইদৰে কয় কেজৰিৱালে ।

তদুপৰি কেজৰিৱালে কয় যে, ‘বিজেপি আৰু কংগ্ৰেছে মিলি আমাক পৰাস্ত কৰিব বিচাৰিছে। দেশখনেই তেওঁলোকৰ উত্তৰাধিকাৰ নেকি? মুকলিকৈ টকা বিতৰণ কৰা সকলক কিয় বাধা দিয়া নাই বুলি প্ৰশ্ন কৰে আপৰ মুৰব্বী গৰাকীয়ে ।