Railways: টিকটৰ সৈতে বিনামূলীয়া বীমা, লেট কৰিলে পাব ক্ষতিপূৰণ! এই ৰে’লত উঠিলে বিমানত উঠিবলৈ নাযাব মন
Railways: নিতৌ লাখ লাখ যাত্ৰীয়ে ৰে’লযোগে যাত্ৰা কৰে। যদিও এই ৰে’লপথ চৰকাৰী মালিকানাধীন, কিন্তু বৰ্তমান বেচৰকাৰী মালিকানাধীনটো চলে ৰে’ল। আপুনি জানেনে দেশত কৰ্পৰেট ৰে'লো চলে?
ভাৰতীয় ৰে’লৱেই বিশ্বৰ ভিতৰতে অন্যতম বৃহৎ ৰে’ল নেটৱৰ্ক। দীৰ্ঘ দূৰত্বৰ আৰু স্থানীয় ৰে’লত প্ৰতিদিনে লাখ লাখ যাত্ৰীয়ে যাত্ৰা কৰে। যদিও এই ৰে’লপথ চৰকাৰী মালিকানাধীন, বৰ্তমান বেচৰকাৰী মালিকানাধীনো ৰে’ল চলে। আপুনি জানেনে যে দেশত কৰ্পৰেট ৰে’লো চলে?
বৰ্তমান ভাৰতীয় ৰে’লৱেই ৰাজহুৱা-ব্যক্তিগত অংশীদাৰিত্ব আৰ্হিৰ অধীনত একাধিক ৰে’ল চলায়। কিন্তু প্ৰথম কৰ্পোৰেট ৰে’ল আছিল তেজস এক্সপ্ৰেছ। ব্যক্তিগত মালিকানাধীন এই ৰে’লখনে ২০১৯ চনৰ পৰা লক্ষ্ণৌ-নতুন দিল্লী পথত চলাচল আৰম্ভ কৰিছিল। বিপুল সঁহাৰিৰ অন্তত দ্বিতীয়খন তেজস এক্সপ্ৰেছ মুম্বাই-আহমেদাবাদ পথত মুকলি কৰা হয়।
তেজস এক্সপ্ৰেছৰ টিকট আই আৰ চি টি চিৰ পৰা ক্ৰয় কৰিব পাৰি। আই আৰ চি টি চিয়ে ইয়াৰ কেটাৰিং সেৱাৰ বাবেও দায়বদ্ধ। অৱশ্যে সেৱাৰ ক্ষেত্ৰত তেজস আন এক্সপ্ৰেছ তুলনাত বহুত বেলেগ। বিমানত উঠাৰ লগে লগে যাত্ৰীসকলে যেনেকৈ অন-বৰ্ডিং কিট লাভ কৰে, তেনেদৰে তেজছ এক্সপ্ৰেছৰ যাত্ৰীসকলকো একে সুবিধা প্ৰদান কৰা হয়। ইয়াৰ উপৰিও টিকটৰ সৈতে ভ্ৰমণ বীমাৰ ব্যৱস্থা আছে। আনকি ৰে’লখন দেৰি হ’লে ক্ষতিপূৰণ দিয়ে।
এই ৰে’লখনত অত্যাধুনিক সকলো সেৱা আছে। ইয়াত আধুনিক বহাৰ ব্যৱস্থা আৰু এল চি ডি ইনফোটেনমেন্ট স্ক্ৰীণ আছে। এই ৰে’লখন সকলো সময়তে চিচিটিভিৰ নিৰীক্ষণত থাকে। তেজস এক্সপ্ৰেছত অ’টমেটিক দুৱাৰ আৰু বায়’-ভেকুয়াম শৌচাগাৰো আছে। লক্ষ্ণৌ-দিল্লী পথৰ এই প্ৰিমিয়াম ৰে’লখনৰ আছে মাত্ৰ দুটা ষ্টপেজ কানপুৰ আৰু গাজিয়াবাদ।
