হাতুৰীৰে মৰিয়াই মৰিয়াই গৰ্ভৱতী পত্নী-বিধৱা খুৰীয়েকক হত্যা, তাৰ পিছত নিজে ল’লে চৰমপন্থা

পোহৰলৈ আহিছে ডাবল মাৰ্ডাৰৰ ভয়ংকৰ ঘটনা।  জয়পুৰৰ বৈনাদ ৰে’লৱে ষ্টেচনৰ সমীপৰ শিৱ শক্তি বিহাৰ কলনীত এজন ব্যক্তিয়ে দুমহীয়া গৰ্ভৱতী পত্নী সুনীতা আৰু মধু খুৰীয়েকৰ মূৰত হাতুৰীৰে আঘাত কৰি নৃশংসভাৱে হত্যা কৰে। ইয়াৰ পিছত অভিযুক্ত পংকজ কুমাৱতে নিজেই চৰম পন্থা গ্ৰহণ কৰে। ঘটনা সন্দৰ্ভত তথ্য লাভ কৰাৰ লগে লগে আৰক্ষী বিষয়াই ঘটনাস্থলীত উপস্থিত হৈ তিনিটাও মৃতদেহ উদ্ধাৰ কৰি মৰোণোত্তৰ পৰীক্ষাৰ বাবে প্ৰেৰণ কৰে। ৰাজস্থানৰ জয়পুৰৰ কাৰ্ধনী থানা এলেকাত সংঘটিত হৈছে এই  ঘটনা।

ঘটনা সন্দৰ্ভত জয়পুৰ পশ্চিমৰ ডিচিপি  অমিত কুমাৰে কয় যে, ঘৰুৱা বিবাদ আৰু আৰ্থিক সংকটৰ বাবে অটো চালক পংকজ কুমাৱতে পত্নী সুনীতা আৰু মধু খুৰীয়েকৰ মূৰত হাতুৰীৰে আঘাত কৰি হত্যা কৰে। এই সময়ত তেওঁ পুত্ৰকো আক্ৰমণ কৰিছিল যদিও পুত্ৰই পলাই গৈ নিজৰ প্ৰাণ ৰক্ষা কৰিছিল। শিশুটিৰ পৰা তথ্য লাভ কৰাৰ লগে লগে স্থানীয় ৰাইজে সেই স্থানত উপস্থিত হয় যদিও তেতিয়ালৈকে অভিযুক্ত পংকজে ফাঁচী দি আত্মহত্যা কৰে। তেওঁ কয় যে, প্ৰাথমিক তদন্তত আৰ্থিক বাধাৰ বাবে হোৱা ঘৰুৱা বিবাদৰ পৰিণতিত এই ঘটনা সংঘটিত হোৱাৰ তথ্য পোহৰলৈ আহিছে।

আৰক্ষীয়ে জনোৱা মতে, পংকজ কুমাৱাটে আগতে এখন অটো চলাইছিল। সোমবাৰে নিশা ২ বজাৰ ওচৰত ঘৰলৈ আহি প্ৰথমে পত্নী সুনীতা কুমাৱত হাতুৰীৰে আক্ৰমণ কৰে। সুনীতাৰ চিঞৰ শুনি কাষৰ কোঠাটোত টিভি চাই থকা তেওঁৰ ৯ বছৰীয়া ল’ৰাটোৱে দৌৰি আহি মজিয়াত পৰি থকা দেখিলে। লগতে অভিযুক্তই শিশুটিক হাতুৰীৰে আক্ৰমণ কৰে। কোলাহল শুনি পংকজৰ বিধৱা খুৰীয়েক মধু কুমাৱত কোঠাটোৰ পৰা ওলাই আহে।

মধুৱে পুত্ৰক ধৰি পিছলৈ ঠেলি দিওঁতে পংকজে তেওঁকো হাতুৰীৰে আক্ৰমণ কৰে। সুযোগ বুজি শিশুটি আৰু খুৰীয়েকে ঘৰৰ পৰা দৌৰি ওলাই আহি জোৰেৰে চিঞৰিবলৈ ধৰিলে। তেওঁলোকৰ চিঞৰ-বাখৰ দেখি কলনীৰ মানুহবোৰ দৌৰি ঘৰৰ ফালে আহিল। ইফালে পংকজে কোঠাটোত প্ৰৱেশ কৰি ফাঁচী দি আত্মহত্যা কৰে। ওচৰ চুবুৰীয়াই ঘৰৰ ভিতৰলৈ চাওঁতে মজিয়াত তেজ পৰি আছে আৰু দুটা তেজ ওলোৱা মৃতদেহ পৰি আছিল, আনহাতে পংকজৰ মৃতদেহটো ওলমি আছিল।

কলনীৰ ৰাইজে ঘটনা সন্দৰ্ভত আৰক্ষীৰ কণ্ট্ৰল ৰুমক অৱগত কৰে। তথ্য লাভ কৰাৰ লগে লগে আৰক্ষীয়ে উপস্থিত হৈ ঘটনাস্থলী পৰিদৰ্শন কৰে। আৰক্ষীয়ে এফএছএলৰ দলক সেই স্থানলৈ মাতি আনে। কলনীৰ ৰাইজে আৰক্ষীক জনোৱা মতে, মৃত সুনীতা কুমাৱতৰ ২ মাহৰ গৰ্ভৱতী আছিল। এই কথা তেওঁ কেইদিনমান আগতে কলনীৰ মহিলাসকলক কৈছিল। কিছুদিন ধৰি চিন্তাত আছিল অভিযুক্ত পংকজ। ইতিমধ্যে আৰক্ষী আৰু এফএছএলৰ দলে সংগ্ৰহ কৰিছে প্ৰমাণ। তালাচীৰ সময়ত আৰক্ষীৰ দলটোৱে কোনো ধৰণৰ ছুইচাইড নোট বিচাৰি নাপালে।

ঘটনাস্থলীৰ পৰাই অভিযুক্ত পংকজ কুমাৱত, তেওঁৰ পত্নী আৰু খুৰীয়েকৰ মোবাইল ফোন জব্দ কৰিছে আৰক্ষীয়ে। মোবাইল পৰীক্ষা কৰাৰ পিছত অধিক তথ্য । বিগত বছৰত জয়পুৰত একেধৰণৰ এটা গোচৰ পোহৰলৈ আহিছিল। য’ত সম্পত্তিৰ বিবাদৰ পৰিণতিত খুৰাকে নিজৰ ভতিজা-ভতিজীক ছুৰীৰে হত্যা কৰিছিল। লগতে বৌয়েকক ছুৰীৰে আক্ৰমণ কৰি ৰে’লৰ সন্মুখত জপিয়াই আত্মহত্যা কৰে।