শেহতীয়া খবৰঅসমভাৰতমনোৰঞ্জনব্যৱসায়শিক্ষাখেলজীৱনশৈলীবিশ্বপ্ৰযুক্তিৱেব ষ্ট'ৰীফটোVideos

শোকাৱহ ঘটনাঃ কুঁৱাৰ ভিতৰত মৃত্যুৰ কিৰিলি, চাফা কৰাৰ চেষ্টাত প্ৰাণ হেৰুৱালে ৮ জন লোকে

তথ্য অনুসৰি এক ধৰ্মীয় কাৰ্যৰ বাবে কুঁৱাটো চাফা কৰিবলৈ লৈছিল গাঁওবাসীয়ে। প্ৰথমে কুঁৱাটোৰ ভিতৰত প্ৰৱেশ কৰি তিনিজন মানুহ আবদ্ধ হৈ পৰে। কুঁৱাৰ ভিতৰত আৱদ্ধ লোককেইজনক উদ্ধাৰ কৰাৰ উদ্দেশ্যে আন পাঁচজন লোকো কুঁৱাৰ ভিতৰলৈ সোমায় যদিও তেওঁলোকো ভিতৰত আবদ্ধ হৈ পৰে। ইয়াৰ পিছতে উশাহত কষ্টৰ সন্মুখীন হৈ প্ৰাণ হেৰুৱায় লোককেইজনে।

শোকাৱহ ঘটনাঃ কুঁৱাৰ ভিতৰত মৃত্যুৰ কিৰিলি, চাফা কৰাৰ চেষ্টাত প্ৰাণ হেৰুৱালে ৮ জন লোকে
অব্যাহত উদ্ধাৰ অভিযান
monjit-dutta
Monjit Dutta | Published: 03 Apr 2025 23:20 PM

মধ্যপ্ৰদেশৰ খাণ্ডৱা জিলাত আজি সংঘটিত হৈছে এক শোকাৱহ দুৰ্ঘটনা। জিলাখনৰ কুণ্ডাৱট নামৰ এখন গাঁৱৰ এটা কুঁৱাত আবদ্ধ হৈ শোকাৱহভাৱে প্ৰাণ হেৰুৱাইছে ৮ জন লোকে। এই পৰ্যন্ত কুঁৱাৰ ভিতৰৰ পৰা ৬টা মৃতদেহ উলিয়াই অনা হৈছে। খাণ্ডৱা জিলাৰ আৰক্ষী অধীক্ষককে ধৰি জিলা আয়ুক্তসহ সকলো প্ৰশাসনিক বিষয়া ঘটনাৰ খবৰ লাভ কৰাৰ পিছতে লগে লগে ঘটনাস্থলীত উপস্থিত হয়। ঘটনাস্থলীত এতিয়াও দুটা মৃতদেহ উদ্ধাৰৰ বাবে উদ্ধাৰ অভিযান অব্যাহত আছে বুলি জানিব পৰা গৈছে।

তথ্য অনুসৰি এক ধৰ্মীয় কাৰ্যৰ বাবে কুঁৱাটো চাফা কৰিবলৈ লৈছিল গাঁওবাসীয়ে। প্ৰথমে কুঁৱাটোৰ ভিতৰত প্ৰৱেশ কৰি তিনিজন মানুহ আবদ্ধ হৈ পৰে। কুঁৱাৰ ভিতৰত আৱদ্ধ লোককেইজনক উদ্ধাৰ কৰাৰ উদ্দেশ্যে আন পাঁচজন লোকো কুঁৱাৰ ভিতৰলৈ সোমায় যদিও তেওঁলোকো ভিতৰত আবদ্ধ হৈ পৰে। ইয়াৰ পিছতে উশাহত কষ্টৰ সন্মুখীন হৈ প্ৰাণ হেৰুৱায় লোককেইজনে। এই ঘটনাই সমগ্ৰ অঞ্চলটোত সৃষ্টি কৰিছে শোকাৱহ পৰিস্থিতিৰ।

জানিব পৰা মতে, নৱৰাত্ৰিৰ সময়ত স্থানীয় গাঁওবাসীয়ে গণগৌৰ মাতাৰ মূৰ্তি গাঁওখনত প্ৰতিষ্ঠা কৰিছিল। নৱৰাত্ৰিৰ পিছত এই উপাস্য দেৱীৰ মূৰ্তি বিসৰ্জন দিব লাগে বাবে গাঁৱৰ লোকসকলে পুৰণি কুঁৱাটোতে মূৰ্তি বিসৰ্জনৰ পৰিকল্পনা কৰে আৰু সেই উদ্দেশ্যে আজি কুঁৱাটো চাফা কৰাৰ বাবে সমবেত হয়। প্ৰথমে তিনিজন মানুহ কুঁৱাটোৰ ভিতৰলৈ নামি যায় যদিও কিছুসময়ৰ ভিতৰতে তেওঁলোকৰ মাত নুশুনা হৈ পৰে।

এনে পৰিস্থিতিত কোনো বিপদ ঘটাৰ শংকাত আন পাঁচজন মানুহ কুঁৱাটোৰ ভিতৰলৈ নামি যায়। কিন্তু কিছু সময়ৰ পাছত তেওঁলোকৰ মাতো ওপৰত থকা লোকসকলে নুশুনা হৈ পৰে। এনে চিন্তনীয় ঘটনা দেখি গাঁওবাসীয়ে লগে লগে স্থানীয় ছয়গাঁও মাখান থানাক এই বিষয়ে অৱগত কৰে। দুৰ্ঘটনাৰ খবৰ পোৱাৰ লগে লগে ছয়গাঁও মাখান থানাৰ লগতে পান্ধনা আৰক্ষী থানা্ৰ আৰক্ষী আৰু এম্বুলেঞ্চ সেই স্থানত উপস্থিত হয়।

ইয়াৰ পিছতে জিলাখনৰ আৰক্ষী অধীক্ষক আৰু আয়ুক্তকে ধৰি আন কেইবাজনো প্ৰশাসনিক বিষয়া ঘটনাস্থলীত উপস্থিত হয়। ঘটনা সন্দৰ্ভত আৰক্ষী অধীক্ষক মনোজ কুমাৰ ৰায়ে উল্লেখ কৰা মতে আৰক্ষী-প্ৰশাসনৰ দলে ঘটনাস্থলীত উপস্থিত হৈ লগে লগে উদ্ধাৰ অভিযান আৰম্ভ কৰে। কুঁৱাটোত জাবৰৰ লগতে বোকাপানী থকাৰ ফলত সৃষ্টি হোৱা বিষাক্ত গেছৰ বাবেই ৮ জন লোকে শোকাৱহভাৱে প্ৰাণ হেৰুওৱা বুলি কোৱা হৈছে।

আৰক্ষী অধীক্ষক মনোজ কুমাৰ ৰায়ে লগতে আৰক্ষী, অগ্নিনিৰ্বাপক বাহিনী আৰু এছডিআৰএফৰ সহায়ত মৃতদেহকেইটা উলিয়াই অনা হয় বুলি সংবাদ মাধ্যমৰ আগত সদৰী কৰে। মৃতলোকসকলৰ পৰিয়াললৈ ৪ লাখ টকাকৈ আৰ্থিক সাহায্য প্ৰদানৰ কথা আৰক্ষী অধীক্ষকগৰাকীয়ে লগতে জানিবলৈ দিয়ে। ঘটনাত নিহত লোককেইজনক ইতিমধ্যে চিনাক্ত কৰা হৈছে বুলি জিলা আয়ুক্তগৰাকীয়ে সদৰী কৰিছে।