সঘন যোগাযোগ ৰাখিছে দূতাবাসে, জাৰ্মানীৰ বৰদিনৰ বজাৰত সংঘটিত আক্ৰমণত আহত ৭ জন ভাৰতীয়
এখন বৰদিনৰ বজাৰত হোৱা ভয়াবহ গাড়ী আক্ৰমণত ৭ জন ভাৰতীয় আহত হোৱাৰ খবৰ লাভ কৰা গৈছে । চৰকাৰী সূত্ৰই প্ৰকাশ কৰিছে যে, বাৰ্লিনত থকা ভাৰতীয় দূতাবাসে তেওঁলোকক সকলো ধৰণৰ সহায় আগবঢ়াইছে ।
পূব জাৰ্মানীৰ মেগডেবাৰ্গ চহৰৰ এখন বৰদিনৰ বজাৰত হোৱা ভয়াবহ গাড়ী আক্ৰমণত ৭ জন ভাৰতীয় আহত হোৱাৰ খবৰ লাভ কৰা গৈছে । চৰকাৰী সূত্ৰই প্ৰকাশ কৰিছে যে, বাৰ্লিনত থকা ভাৰতীয় দূতাবাসে তেওঁলোকক সকলো ধৰণৰ সহায় আগবঢ়াইছে । জাৰ্মান কৰ্তৃপক্ষই জনোৱা মতে, শুকুৰবাৰে সন্ধিয়া চেক্সন-আনহাল্ট ৰাজ্যৰ মেগডেবাৰ্গত বৰদিনৰ বজাৰত ভিৰ কৰা গ্ৰাহকক এফালৰ পৰা গাড়ীৰে মহতিয়াই নিবলৈ আৰম্ভ কৰে এজন ৫০ বছৰীয়া লোকে । এই ঘটনাত ৭ শিশুকে ধৰি পাঁচজন লোকৰ মৃত্যু হোৱাৰ লগতে প্ৰায় ২০০ জন লোক আহত হয় ।
ভাৰত চৰকাৰৰ সূত্ৰই কৰিছে যে আহত ভাৰতীয় সাতজনৰ ভিতৰত তিনিজনক চিকিৎসালয়ৰ পৰা যাবলৈ দিয়া হৈছে। এই আক্ৰমণক গৰিহণা দি বৈদেশিক পৰিক্ৰমা মন্ত্ৰালয়ে কয় যে, জাৰ্মানীত থকা ভাৰতীয় দূতাবাসে আহত ভাৰতীয়সকলৰ সঘন যোগাযোগ ৰাখিছে। অৱশ্যে আঘাতপ্ৰাপ্ত ভাৰতীয়ৰ সংখ্যা নিৰ্দিষ্ট কৰা হোৱা নাই।
@eoiberlin is maintaining close contact with Indians who have been injured in unfortunate attack at Christmas market in Magdeburg. @eoiberlin bleibt in engem Kontakt mit Indern, die bei dem unglücklichen Anschlag auf den Weihnachtsmarkt in Magdeburg verletzt wurden. https://t.co/HOkauXYC2a
— India in Germany (@eoiberlin) December 21, 2024
এক্স হেণ্ডেলৰ এটা পোষ্টত বাৰ্লিনত থকা ভাৰতীয় দূতাবাসে এই আক্ৰমণত আহত ভাৰতীয়সকলৰ সৈতে সঘনাই যোগাযোগ বজাই ৰাখিছে বুলি জানিবলৈ দিয়ে। এক বিবৃতিত বৈদেশিক পৰিক্ৰমা মন্ত্ৰালয়ে কয় যে, ভাৰতীয় দূতাবাসে এই কাণ্ডত আহত ভাৰতীয়সকলক সকলো ধৰণৰ সাহায্য আগবঢ়াইছে।
স্থানীয় আইন প্ৰয়োগকাৰী কৰ্তৃপক্ষই জনোৱা মতে, নিজৰ বিলাসী বাহেনেৰ বজাৰত ভিৰ কৰা গ্ৰাহকৰ ওপৰত আক্ৰমণ সংঘটিত কৰাৰ ৫০ বছৰীয়া লোকজনক ইতিমধ্যে গ্ৰাপ্তাৰ কৰা হৈছে । খবৰ অনুসৰি, লোকজনৰ ঘৰ ছৌদি আৰৱত আৰু তেওঁ ২০০৬ চনৰ পৰা জাৰ্মানীত বাস কৰি আহিছে।
লগতে পঢ়ক : বৰদিনৰ বজাৰত ভিৰ কৰা গ্ৰাহকক মহতিয়াই নিলে এখন বিলাসী বাহনে
