হাত-ভৰি বন্ধা, শৰীৰত নাই বস্ত্ৰ… ৰঙা ছুটকেছত উদ্ধাৰ মহিলাৰ মূৰ কটা মৃতদেহ
জংঘলৰ সমীপত উদ্ধাৰ কৰা হৈছে এটা সন্দেহজনক ৰঙা ছুটকেছ। ভিতৰত এগৰাকী মহিলাৰ কটা মূৰৰ সৈতে উদ্ধাৰ হোৱা মৃতদেহক সৃষ্টি হৈছিল চাঞ্চল্যৰ। মহিলাগৰাকীৰ বয়স প্ৰায় ২৫ বছৰ বুলি অনুমান কৰা হৈছে। আৰক্ষীয়ে অক্ষাত ব্যক্তিৰ বিৰুদ্ধে হত্যাৰ গোচৰ ৰুজু কৰি আৰম্ভ কৰিছে ঘটনা তদন্ত। ডিচিপিৰ মতে, প্ৰায় এসপ্তাহ পূৰ্বে মৃতদেহটো জংঘলত পেলাই দিয়া হৈছিল।
দেশত অপৰাধীৰ সংখ্যা ইমানেই বৃদ্ধি পাইছে যে ভয়ানক অপৰাধ সংঘটিত কৰিবলৈ নকৰে কোনো সংকোচ। শেহতীয়াকৈ এটা ছুটকেছত উদ্ধাৰ হৈছে এগৰাকী মহিলাৰ মূৰ কাটি পেলোৱা মৃতদেহ। মৃতদেহটোৰ দুয়োখন হাত-ভৰি বান্ধি থোৱা অৱস্থাত আছিল। মৃতদেহত কোনো কাপোৰ নাছিল। আৰক্ষীয়ে গোচৰ ৰুজু কৰি তদন্ত আৰম্ভ কৰিছে। ওচৰৰ চিচিটিভি কেমেৰাৰ ওপৰত চোকা দৃষ্টি ৰখা হৈছে। বৰ্তমানলৈ উদ্ধাৰ নাই মহিলাগৰাকীৰ পৰিচয়। ইয়াৰ বাবে আৰক্ষীয়েও তদন্ত অব্যাহত ৰাখিছে।
ঘটনাটো হাৰিয়ানাৰ ফৰিদাবাদৰ মাৱাই গাঁৱৰ। বুধবাৰে বিয়লি জোপোহাৰ মাজত ৰঙা ছুটকেছত এগৰাকী মহিলাৰ মূৰ কটা মৃতদেহ উদ্ধাৰ হোৱাত লৈ আলোড়নৰ সৃষ্টি হয়। মহিলাগৰাকীৰ মৃতদেহ চিমেণ্টৰ পাত্ৰত ৰাখি ছুটকেছটো বন্ধ কৰি দিয়া হৈছিল। আৰক্ষীৰ তথ্য অনুসৰি মহিলাগৰাকীৰ বয়স প্ৰায় ২৫ বছৰ বুলি অনুমান কৰা হৈছে। খেদিপুল থানাৰ আৰক্ষীয়ে অচিনাকি ব্যক্তিৰ বিৰুদ্ধে হত্যাৰ গোচৰ ৰুজু কৰি তদন্ত আৰম্ভ কৰিছে।
ডিচিপি চেণ্ট্ৰেল উষাই জানিবলৈ দিয়া মতে, মহিলাগৰাকীৰ চিনাক্তকৰণ হোৱা নাই। দুপৰীয়া প্ৰায় ১.৩০ বজাত ডায়েল-১১২ত তথ্য লাভ কৰা হয় যে, জোপোহাৰ আঁৰত ৰঙা ৰঙৰ ছুটকেছ এটা পৰি আছে আৰু তাৰ পৰা এটা দুৰ্গন্ধ ওলাইছে। তথ্য পোৱাৰ লগে লগে আৰক্ষী আৰু ফৰেনছিক দলটোৱে সেই স্থানত উপস্থিত হৈ ছুটকেছটো নিজৰ দখললৈ লৈ তদন্ত আৰম্ভ কৰে। ছুটকেছটো খোলাৰ পাছত প্লাষ্টিকৰ বেগত মেৰিয়াই থোৱা অৱস্থাত এগৰাকী মহিলাৰ মৃতদেহ উদ্ধাৰ হয়।
ইয়াৰ পূৰ্বেও একেধৰণৰ মৃতদেহ উদ্ধাৰ কৰা হৈছে
মৃতদেহটো অৰ্ধনগ্ন আৰু মূৰটো কাটি পেলোৱা হৈছিল। লগতে দুয়োখন হাত-ভৰি ৰছীৰে বান্ধি থোৱা আছিল। ডিচিপিৰ মতে, অভিযুক্তই প্ৰায় এসপ্তাহ পূৰ্বে মহিলাগৰাকীক হত্যা কৰি মৃতদেহটো জোপোহাত পেলাই দিয়াছিল। কিন্তু কোনেও ছুটকেছটো লক্ষ্য কৰা নাছিল, দুৰ্গন্ধ বিয়পি পৰাৰ পাছতহে আৰক্ষীক এই বিষয়ে অৱগত কৰা হয়। বৰ্তমান খেদিপুল থানাত হত্যাৰ ধাৰাত গোচৰ ৰুজু কৰি অভিযুক্তৰ সন্ধানত অভিযান চলাই আছে আৰক্ষীয়ে।
বিগত কেইবছৰমানৰ ভিতৰত স্মাৰ্ট চিটিত মূৰ কটা মৃতদেহ উদ্ধাৰ হোৱা তৃতীয়টো ঘটনা। ইয়াৰ পূৰ্বে ২০২২ আৰু ২০১১ চনৰ নৱেম্বৰ মাহত এনে মৃতদেহ উদ্ধাৰ হৈছিল।ইয়াৰ ফলত আৰক্ষীৰ প্ৰতি স্থানীয় ৰাইজৰ উদ্বেগ বৃদ্ধি পাইছে। স্থানীয় ৰাইজে কয় যে ফৰিদাবাদৰ মাজেৰে পাৰ হৈ যোৱা আৰাৱলী, আগ্ৰা খাল আৰু যমুনাৰ পাৰত অৱস্থিত নিৰ্জন স্থানসমূহ অপৰাধীৰ মৃতদেহ পেলোৱা ঠাইলৈ পৰিণত হৈছে। এই সন্দৰ্ভত সতৰ্কতা বৃদ্ধিৰ বাবে আৰক্ষীক দাবী জনাইছে ৰাইজে।
