‘এয়া OYO নহয়, এইখন কেব…’ গাড়ীচালকৰ যাত্ৰীলৈ আবেদন
ছচিয়েল মিডিয়াত ভাইৰেল হৈ পৰিছে হায়দৰাবাদৰ এখন কেবৰ ফটো। ইয়াত এজন কেব চালকে নিজৰ কেবৰ ভিতৰত এখন পোষ্টাৰ লগাইছে, য’ত তেওঁ কেবৰ ভিতৰত ৰোমাঞ্চ নকৰিবলৈ যুৱক-যুৱতীক বিশেষ আহ্বান জনাইছে।
তেলেংগানাৰ হায়দৰাবাদ চহৰৰ পৰা পোহৰলৈ আহিছে এক আচৰিত ঘটনা। ইয়াত এজন কেব চালকে নিজৰ কেবত বিশেষ অনুৰোধ থকা পোষ্টাৰ এখন শ্বেয়াৰ কৰিছে। কেব চালকজনে কেবখনৰ ভিতৰত ৰোমাঞ্চ নকৰিবলৈ পোষ্টাৰৰ জৰিয়তে প্ৰেমিক-প্ৰেমিকাক সকীয়াই দিছে। এই ফটোখন ছ’চিয়েল মিডিয়াত ভাইৰেল হৈ পৰিছে। কেব চালকে পোষ্টাৰত লিখিছে যে মনে মনে বহি দূৰত্ব বজাই ৰাখে। এইটো অয়’ নহয় কেবহে।
প্ৰতিদিনে ছ’চিয়েল মিডিয়াত কিবা নহয় কিবা এটা ভাইৰেল হৈ পৰে। ছ’চিয়েল মিডিয়াৰ সৌন্দৰ্য হ’ল ইয়াত যিকোনো বস্তুৱেই কেইমিনিটমানৰ ভিতৰতে ভাইৰেল হ’ব পাৰে। কিছুমান ভিডিঅ’ আৰু ফটো চাই আমি বহুত হাঁহো, আনহাতে কিছুমান কথা দেখি আমি আচৰিত আৰু বিচলিত হৈ পৰো। শেহতীয়াকৈ এজন কেব চালকে নিজৰ কেবৰ ভিতৰত পোষ্টাৰ লগাইছে, যিটো ছ’চিয়েল মিডিয়াত বহু চৰ্চাৰ বিষয় হৈ পৰিছে। কেবত থকা পোষ্টাৰখন ভাইৰেল হৈ পৰিছে কাৰণ ইয়াত চালকে কেবত বহি থকা যুৱক-যুৱতীক বিশেষ আবেদন জনাইছে।
কেবত লগালে পোষ্টাৰ
কেবত থকা পোষ্টাৰখনত চালকজনে ৰোমান্টিক যুৱক-যুৱতীৰ বিৰুদ্ধে সতৰ্কবাণী লিখিছে। পোষ্টাৰখনত লিখা আছে যে এইখন কেব, ব্যক্তিগত ঠাই বা অয়’ নহয়। একে সময়তে তলত পোষ্টাৰত লিখা আছে যে অনুগ্ৰহ কৰি দূৰত্ব বজাই ৰাখি মনে মনে বহিব। চালকজনে এই পোষ্টাৰখন এনে ঠাইত ৰাখিছে য’ৰ পৰা পিছফালে বহি থকা লোকসকলে সহজে দেখা পাব পাৰে আৰু কেবত মৰ্যাদাৰে যাত্ৰা কৰিব পাৰে।
ছচিয়েল মিডিয়াত ভাইৰেল হৈ পৰে ফটো
কেবত বহি থকা এজন যুৱকে ইয়াৰ ফটো তুলি ছ’চিয়েল মিডিয়াত পোষ্ট কৰে, যিটো অতি কম সময়ৰ ভিতৰতে ভাইৰেল হৈ পৰিছে। একে সময়তে এই ফটোখন ভাইৰেল হোৱাৰ পিছত ৰাইজৰ পৰা বিভিন্ন ধৰণৰ মন্তব্যও ওলাই আহিছে।