৫ বছৰত ৭৫ হাজাৰলৈ বৃদ্ধি কৰা হ’ব মেডিকেল কলেজৰ আসন: লালকিল্লাৰ পৰা প্ৰধানমন্ত্ৰী মোদীৰ ঘোষণা

আজি প্ৰধানমন্ত্ৰী নৰেন্দ্ৰ মোদীয়ে  ১১তম বাৰৰ বাবে লালকিল্লাৰ পৰা দেশবাসীক সম্বোধন কৰিছে। ভাষণৰ সময়ছোৱাত তেওঁ কয় যে ৫ বছৰত দেশত ৭৫,০০০ চিকিৎসা আসন বৃদ্ধি কৰা হ’ব। বৰ্তমান সমগ্ৰ দেশত ১ লাখতকৈও অধিক এমবিবিএছ আসন আছে। দেশৰ মুঠ চিকিৎসা মহাবিদ্যালয়ৰ সংখ্যা ৭০৪খন। ইয়াৰ ভিতৰত চৰকাৰী আৰু বেচৰকাৰী চিকিৎসা মহাবিদ্যালয় দুয়োটাই আছে।

প্ৰধানমন্ত্ৰী মোদীয়ে তেওঁৰ ভাষণত কয় যে শিক্ষাৰ্থীসকলে মেডিকেল পঢ়িবলৈ ক’ত ক’ত যে যাব লগা হয়? সেই কথা ভাবিলে আচৰিত লাগে। তেওঁ কয় যে প্ৰতি বছৰে ২৫,০০০ ভাৰতীয় শিক্ষাৰ্থীয়ে মেডিকেল পঢ়িবলৈ বিদেশলৈ যায়।
চিকিৎসাৰ আসন বৃদ্ধি হোৱাৰ পাছত শিক্ষাৰ্থীসকলে তেওঁলোকৰ নিজৰ দেশত ভালদৰে অধ্যয়ন কৰিবলৈ সক্ষম হ’ব। তেতিয়া শিক্ষাৰ্থীসকলে এমবিবিএছ অধ্যয়ন কৰিবলৈ বিদেশলৈ যাব নালাগিব।

বৰ্তমান চৰকাৰী চিকিৎসা মহাবিদ্যালয়সমূহত মুঠ ৫৫,৬৪৮খন এমবিবিএছ আসন আৰু ব্যক্তিগত মহাবিদ্যালয়ত ৫০,৬৮৫ খন এমবিবিএছ আসন আছে। যিবোৰত এইবাৰ নামভৰ্তি হ’ব। এনইইটি ইউজি ২০২৪ৰ কাউন্সিলিং ৰাউণ্ড ১ৰ বাবে পঞ্জীয়ন প্ৰক্ৰিয়া ১৪ আগষ্টৰ পৰা আৰম্ভ হৈছে। যি ২০ আগষ্টলৈকে অব্যাহত থাকিব। প্ৰথম ৰাউণ্ডৰ বাবে আসন আৱণ্টনৰ ফলাফল ২৩ আগষ্টত মুকলি কৰা হ’ব। এনইইটি ইউজি কাউন্সিলিং চাৰিটা পৰ্যায়ত অনুষ্ঠিত কৰা হ’ব।

এনইইটি ইউজি পৰীক্ষা কেতিয়া অনুষ্ঠিত হৈছিল?

এইবছৰ ৰাষ্ট্ৰীয় পৰীক্ষা সংস্থাই ৫ ৱমে’ত পেন-পেপাৰ মোডত এনইইটি ইউজি পৰীক্ষা অনুষ্ঠিত কৰিছিল। ইয়াৰ ফলাফল ৪ জুনত ঘোষণা কৰা হৈছিল। মুঠ ৬৭জন শিক্ষাৰ্থীয়ে শীৰ্ষস্থান দখল কৰিছিল। যাক লৈ বিতৰ্কৰ সৃষ্টি হৈছিল। শিক্ষাৰ্থীসকলে এনটিএক পৰীক্ষাত পেপাৰ লিক আৰু ৰিগিঙৰ অভিযোগ উত্থাপন কৰিছিল আৰু তাৰ পাছত বিষয়টো উচ্চতম ন্যায়ালয়লৈ গৈছিল। আদালতৰ নিৰ্দেশত এনটিএয়ে ২৬ জুলাইত এনইইটি ইউজিৰ সংশোধিত ফলাফল আৰু মেধা তালিকা প্ৰকাশ কৰিছিল। য’ত ১৭জন শিক্ষাৰ্থীয়ে শীৰ্ষস্থান দখল কৰিছিল।

সমগ্ৰ দেশৰ পৰা প্ৰায় ২৪ লাখ শিক্ষাৰ্থীয়ে পৰীক্ষাত অৱতীৰ্ণ হ’বলৈ পঞ্জীয়ন কৰিছিল। আনহাতে প্ৰায় ২৪ লাখ শিক্ষাৰ্থীয়ে পৰীক্ষাত অৱতীৰ্ণ হৈছিল। একে সময়তে প্ৰায় ১৩ লাখ শিক্ষাৰ্থী পৰীক্ষাত সফল হৈছে। এই শিক্ষাৰ্থীসকলক এনইইটি পৰীক্ষাত প্ৰাপ্ত নম্বৰৰ আধাৰত কাউন্সিলিঙৰ জৰিয়তে চিকিৎসা মহাবিদ্যালয়ত আসন দিয়া কৰা হ’ব।