শক্তি বৃদ্ধি হ’ব ভাৰতীয় নৌ সেনাৰ! আহি আছে ‘হিমগিৰি’ আৰু ‘এণ্ড্ৰথ’…
শক্তি বৃদ্ধি হোৱাৰ দিশে ভাৰতীয় নৌসেনা। অতি শীঘ্ৰেই ভাৰতীয় নৌ সেনাই লাভ কৰিব দুখনকৈ যুদ্ধ জাহাজ। ইতিমধ্যে সম্পন্ন হৈছে পৰীক্ষণ।
ভাৰতীয় নৌসেনা আৰু উপকূলৰক্ষী বাহিনীক উচ্চমানৰ যুদ্ধ জাহাজ যোগান ধৰিব গাৰ্ডেন ৰিচ শ্বিপবিল্ডাৰ্ছে । ইতিমধ্যে ট্ৰায়েল সম্পূৰ্ণ হৈছে। সম্পূৰ্ণ সাজু হৈছে যুদ্ধ জাহাজ দুখন ।গাৰ্ডেন ৰিচ শ্বিপ বিল্ডাৰ্চ এণ্ড ইঞ্জিনিয়াৰছে জনোৱা মতে ৩ মাৰ্চত সাগৰীয় পৰীক্ষা সফলতাৰে সম্পূৰ্ণ হয়।এই দুখন যুদ্ধজাহাজ নৌসেনাৰ বাবে নিৰ্মাণ কৰা হৈছে।
ইয়াৰে এখন যুদ্ধ জাহাজ ফ্ৰিগেট আই এন এছ ‘হিমগিৰি’ (Yard 3022) । নৌসেনাৰ প্ৰজেক্ট ১৭এৰ অধীনত নিৰ্মাণ কৰা তিনিখন যুদ্ধজাহাজৰ ভিতৰত এইখন প্ৰথম। ইয়াৰ লগতে দ্বিতীয়টোৰ নাম ‘এণ্ড্ৰথ’ (গজ ৩০৩৫)। জি আৰ এছ ইয়ে নিৰ্মাণ কৰি থকা আঠখন এণ্টি ছাবমেৰিন ৱাৰফেয়াৰ শ্বেল’ ৱাটাৰ ক্ৰাফ্টৰ ভিতৰত অন্যতম আই এন এছ এণ্ড্ৰথ। এই যুদ্ধজাহাজখন আকাৰত সৰু যদিও ইয়াৰ শক্তিশালী ক্ষমতা আছে, আধুনিক অস্ত্ৰৰে সজ্জিত। ইয়াক উপকূলীয় অঞ্চলত পানীৰ তলৰ ভাবুকি ধৰা পেলাবলৈ আৰু ধ্বংস কৰিবলৈ ডিজাইন কৰা হৈছে।
যুদ্ধজাহাজ নিৰ্মাণৰ শেষ পদক্ষেপটোৱেই হৈছে ছি ট্ৰাইল বা চি এছ টি। এই ক্ষেত্ৰত জাহাজখনে পানীত বা সাগৰত ডুব যোৱাটো চম্ভালিব পাৰে নে নাই সেয়া পৰীক্ষা কৰা হয়। এই সময়ছোৱাত জাহাজখনৰ উপাদানসমূহৰ গতি, কাৰ্য্যক্ষমতা আৰু ক্ষমতা সকলো পৰীক্ষা কৰা হয়। গাৰ্ডেনৰিচ শ্বিপবিল্ডাৰ্ছৰ বিষয়াসকলৰ লগতে নৌসেনাৰ উচ্চ পদস্থ বিষয়াসকলো এই অনুষ্ঠানত উপস্থিত আছিল। এই যুদ্ধ জাহাজ দুখন কেতিয়া নৌসেনাক গতাই দিয়া হয় সেয়া স্পষ্ট হোৱা নাই। অৱশ্যে শেহতীয়াকৈ আই এন এছ আৰ্নালাৰ (য়াৰ্ড ৩০২৯) পৰীক্ষাও সম্পূৰ্ণ হৈছে। গতিকে কিছুদিনৰ ভিতৰত নৌসেনাক গতাই দিয়া হ’ব।
