আৰৱ সাগৰত ভাৰতীয় নৌ সেনাৰ মিছাইল পৰীক্ষণ, যিকোনো পৰিস্থিতিৰ বাবে সাজু ভাৰত
ভাৰতীয় নৌসেনাই থলুৱাভাৱে নিৰ্মিত গাইডেড মিছাইল ধ্বংসকাৰী জাহাজ আই এন এছ ছুৰাটৰ দ্বাৰা বৃহস্পতিবাৰে আৰব সাগৰত সাগৰৰ পৃষ্ঠৰ পৰা শূন্যলৈ সফলতাৰে ক্ষেপণাস্ত্ৰ নিক্ষেপ কৰে ।
পহলগামৰ সন্ত্ৰাসবাদী আক্ৰমণৰ পাচতে পাকিস্তানৰ বিৰুদ্ধে কঠোৰ হৈছে ভাৰত । বুধবাৰে মোদী চৰকাৰে পাঁচটা ডাঙৰ সিদ্ধান্ত গ্ৰহণ কৰাৰ পাচত এতিয়া যেন যুদ্ধ সদৃশ পৰিস্থিতিৰ বাবেও সাজু হৈছে ভাৰতীয় সেনা বাহিনী । ভাৰতীয় নৌসেনাৰ থলুৱাভাৱে নিৰ্মিত গাইডেড মিছাইল ধ্বংসকাৰী জাহাজ আই এন এছ ছুৰাটে বৃহস্পতিবাৰে আৰব সাগৰত সাগৰৰ পৃষ্ঠৰ পৰা শূন্যলৈ সফলতাৰে ক্ষেপণাস্ত্ৰ নিক্ষেপ কৰে । এই নিখুঁত ষ্ট্ৰাইক অনুশীলন জম্মু-কাশ্মীৰৰ পহলগামত সংঘটিত হোৱা মাৰাত্মক আক্ৰমণৰ মাত্ৰ দুদিন পিছতে কৰা হৈছে । যি আক্ৰমণত ২৬ জন লোকৰ মৃত্যু হৈছিল, ইয়াৰে অধিকাংশই পৰ্যটক ।
“ভাৰতীয় নৌসেনাৰ শেহতীয়া থলুৱা গাইডেড মিছাইল ধ্বংসকাৰী #INSSurat এ সফলতাৰে সাগৰীয় স্কিমিং লক্ষ্যৰ নিখুঁত নিক্ষেপ সম্পন্ন কৰি আমাৰ প্ৰতিৰক্ষা ক্ষমতা শক্তিশালী কৰাৰ ক্ষেত্ৰত আন এক মাইলৰ খুঁটি চিহ্নিত কৰে । #আত্মনিৰ্ভৰভাৰতৰ বাবে গৌৰৱময় মুহূৰ্ত!” নৌসেনাৰ মুখপাত্ৰৰ হেণ্ডেলত কোৱা হৈছে ।
#IndianNavy‘s latest indigenous guided missile destroyer #INSSurat successfully carried out a precision cooperative engagement of a sea skimming target marking another milestone in strengthening our defence capabilities.
Proud moment for #AatmaNirbharBharat!@SpokespersonMoD… pic.twitter.com/hhgJbWMw98
— SpokespersonNavy (@indiannavy) April 24, 2025
প্ৰধানমন্ত্ৰী নৰেন্দ্ৰ মোদীয়ে ২০২৫ চনৰ জানুৱাৰী মাহত মুম্বাইৰ নৌ ডকয়াৰ্ডত ফ্ৰণ্টলাইন নৌসেনাৰ যুঁজাৰু আই এন এছ ছুৰাটক কমিচন দিছিল । পি ১৫ বি গাইডেড মিছাইল ডেষ্ট্ৰয়াৰ প্ৰজেক্টৰ চতুৰ্থ আৰু অন্তিম জাহাজ আই এন এছ চুৰাটে বিশ্বৰ আটাইতকৈ ডাঙৰ আৰু অত্যাধুনিক ডেষ্ট্ৰয়াৰৰ ভিতৰত স্থান লাভ কৰিছে । ইয়াত ৭৫ শতাংশ থলুৱা সামগ্ৰী ব্যৱহাৰ কৰা হৈছে আৰু ইয়াত অত্যাধুনিক অস্ত্ৰ-চেন্সৰ পেকেজ আৰু উন্নত নেটৱৰ্ককেন্দ্ৰিক ক্ষমতা আছে ।
নৌসেনাই লগতে কয় যে এই মাইলৰ খুঁটিটো ভাৰতীয় নৌসেনাৰ দেশৰ সামুদ্ৰিক স্বাৰ্থ ৰক্ষাৰ অদম্য দায়বদ্ধতা আৰু আত্মনিৰ্ভৰ ভাৰতৰ প্ৰতি থকা সমৰ্পণৰ প্ৰমাণ । ইজৰাইলৰ সৈতে যৌথভাৱে বিকশিত কৰা মিডিয়াম-ৰেঞ্জ ছাৰ্ফেচ-টু-এয়াৰ মিছাইলটোৰ ৭০ কিলোমিটাৰৰ ইন্টাৰচেপচন ৰেঞ্জ আছে ।
ইয়াৰ পূৰ্বে জম্মু-কাশ্মীৰৰ পহলগামত সংঘটিত সন্ত্ৰাসবাদী আক্ৰমণত ২৬ জন পৰ্যটকে প্ৰাণ হেৰুওৱাৰ পিছত ভাৰতৰ সৈতে উত্তেজনাৰ মাজতে পাকিস্তানে আৰব সাগৰত ন’ ফ্লাই জ’ন জাৰি কৰিছিল । খবৰ অনুসৰি ৪৮০ কিলোমিটাৰ দূৰত্বৰ এই ক্ষেপণাস্ত্ৰৰ পৰীক্ষা বৃহস্পতিবাৰ বা শুকুৰবাৰে হোৱাৰ সম্ভাৱনা আছিল । পহলগাম আক্ৰমণৰ পিছত পাকিস্তানৰ বায়ুসেনা হাই এলাৰ্টত আছিল বুলি সূত্ৰই প্ৰকাশ কৰিছে ।
