Pahalgam Terrorist Attack LIVE: সন্ত্ৰাসবাদীৰ আগত মূৰ নোদোৱাই ভাৰতে… পহলগামৰ ঘটনাক লৈ কেন্দ্ৰীয় গৃহমন্ত্ৰী অমিত শ্বহৰ মন্তব্য
ভূ-স্বৰ্গ কাশ্মীৰত শান্তি ঘূৰি অহা যেন লগাৰ সময়তে সংঘটিত হয় এক অপ্ৰীতিকৰ ঘটনা। এইবাৰ সন্ত্ৰাসবাদীয়ে পৰ্যটকক আক্ৰমণ কৰে। যোৱা কেইবছৰমানৰ পৰা এনে লাগিছিল যে কাশ্মীৰত পৰ্যটকৰ বাবে শান্তি আৰু নিশ্চয়তা আছে।
LIVE NEWS & UPDATES
-
কাশ্মীৰৰ বাতৰি কাকতত ক’লা ৰং!
পহলগামত সংঘটিত হোৱা সন্ত্ৰাসবাদী আক্ৰমণে জোকাৰি গৈছে সমগ্ৰ বিশ্ব। এই ঘটনাৰ প্ৰতিবাদ কাশ্মীৰৰ বাতৰি কাকতসমূহেও কৰে। এই কাণ্ডৰ প্ৰতিবাদত বাতৰি কাকতসমূহে প্ৰথম পৃষ্ঠাটো ক’লা ৰঙেৰে প্ৰকাশ কৰে।
-
পহলগামত সংঘটিত সন্ত্ৰাসবাদী আক্ৰমণকো তীব্ৰ গৰিহণা দিছে উচ্চতম ন্যায়ালয়ে
জম্মু-কাশ্মীৰৰ পহলগামত সংঘটিত সন্ত্ৰাসবাদী আক্ৰমণকো তীব্ৰ গৰিহণা দিছে উচ্চতম ন্যায়ালয়ে। আদালতে জাৰি কৰা এক বিবৃতিত এই ভয়ানক আক্রমণক এক আসুৰিক হিংসাত্মক কার্য বুলি অভিহিত কৰিছে যিয়ে সমগ্র সমাজৰ বিবেকক জোকাৰি গৈছে৷
-
অপৰাধীসকলক কাহানিও ৰেহাই দিয়া নহ’বঃ হিমন্ত বিশ্ব শৰ্মা
“অসমৰ ৰাইজৰ হৈ আমিও মৃতকৰ বিদেহ আত্মাৰ চিৰশান্তিৰ বাবে প্ৰাৰ্থনা আগবঢ়াইছোঁ। এই জঘন্য আক্ৰমণৰ নিশ্চিতভাৱে উচিত ব্যৱস্থা লোৱা হ’ব আৰু অপৰাধীসকলক কাহানিও ৰেহাই দিয়া নহ’ব।” সামাজিক মাধ্যমত এইদৰে পোষ্ট কৰে মুখ্যমন্ত্ৰী হিমন্ত বিশ্ব শৰ্মাৰ।
-
পহলগামৰ নিহতসকলৰ বাবে উচ্চতম ন্যায়ালয়ৰ মৌন প্ৰাৰ্থনা
পহলগামত নিহতসকলক শ্ৰদ্ধাঞ্জলি জনোৱাৰ বাবে উচ্চতম ন্যায়ালয়ৰ ২ মিনিট মৌনতা অৱলম্বন। ১.৫৯ বজাৰ পৰা ২ বজালৈ চলিছে মৌন প্ৰাৰ্থনা।
-
তিনিওটা সেনাৰ মুৰব্বীৰ সৈতে প্ৰতিৰক্ষা মন্ত্ৰীৰ বৈঠক শেষ
প্ৰতিৰক্ষা মন্ত্ৰী ৰাজনাথ সিঙে NSA অজিত ডোভাল আৰু তিনিওটা সেনাৰ মুৰব্বীৰ সৈতে বৈঠক সমাপ্ত। এই বৈঠক প্ৰায় ২.৩০ ঘন্টা ধৰি চলিছিল।
-
জম্মু-কাশ্মীৰ চৰকাৰে মৃতকৰ পৰিয়ালক ১০ লাখ টকাকৈ আগবঢ়াব
জম্মু-কাশ্মীৰ চৰকাৰে পহলগাম আক্ৰমণত নিহত প্ৰতিজনৰ পৰিয়াললৈ আগবঢ়াব ১০ লাখ টকাকৈ। গুৰুতৰভাৱে আহতসকলক ২ লাখ টকাকৈ আৰু আহতসকলক ১ লাখ টকাকৈ ঘোষণা কৰিছে।
-
সন্ত্ৰাসবাদীৰ আক্ৰমণৰ স্থানত উপস্থিত NIAৰ দল
পহলগাম সন্ত্ৰাসবাদী আক্ৰমণৰ স্থানত উপস্থিত ৰাষ্ট্ৰীয় অনুসন্ধান সংস্থাৰ এটা দল। এই দলটোৱে জম্মু-কাশ্মীৰ আৰক্ষীক তদন্তত সহায় কৰিব।
-
সন্ত্ৰাসবাদীয়ে সেনা পোছাক পিন্ধি পহলগামত আক্ৰমণ সংঘটিত কৰা বুলি দাবী
পহলগামৰ সন্ত্ৰাসবাদী আক্ৰমণৰ সৈতে জড়িত ৩ জন সন্ত্ৰাসবাদীৰ স্কেচ প্ৰকাশ কৰিছে ৰাষ্ট্ৰীয় তদন্তকাৰী সংস্থাই । এই আক্ৰমণকাৰীৰ দুজন স্থানীয় সন্ত্ৰাসবাদী বুলি কোৱা হৈছে । এই সন্ত্ৰাসবাদীয়ে সেনা পোছাক পিন্ধি পহলগামত আক্ৰমণ সংঘটিত কৰা বুলি দাবী কৰা হৈছে । প্ৰত্যক্ষদৰ্শীৰ সৈতে হোৱা কথা-বতৰাৰ ভিত্তিত তদন্তকাৰী সংস্থাসমূহে এই স্কেচ প্ৰস্তুত কৰিছে । এই সন্ত্ৰাসবাদীৰ নাম আছিফ ফৌজী, চুলেমান শ্বাহ আৰু আবু তালহা । শেহতীয়াকৈ প্ৰকাশ কৰা হৈছে সন্ত্ৰাসবাদীৰ এখন ফটোও ।
-
সন্ত্ৰাসবাদীৰ আগত মূৰ নোদোৱাই ভাৰতেঃ অমিত শ্বাহ
পহলগাম সন্ত্ৰাসবাদী আক্ৰমণত নিহতসকলক শ্ৰদ্ধাঞ্জলি জনাই অমিত শ্বাহে দিয়ে পোষ্ট। তেওঁ কয় “গধুৰ হৃদয়েৰে পহলগাম সন্ত্ৰাসবাদী আক্ৰমণত নিহতসকলক শ্ৰদ্ধাঞ্জলি জনাইছোঁ। ভাৰতে সন্ত্ৰাসবাদৰ আগত মূৰ নোদোৱাই। এই কাপুৰুষ সন্ত্ৰাসবাদী আক্ৰমণৰ দোষীক ৰেহাই দিয়া নহ’ব।”
With a heavy heart, paid last respects to the deceased of the Pahalgam terror attack. Bharat will not bend to terror. The culprits of this dastardly terror attack will not be spared. pic.twitter.com/bFxb2nDT4H
— Amit Shah (@AmitShah) April 23, 2025
-
মোদীৰ বৈঠক
পহলগাম ঘটনা সন্দৰ্ভত বিমানবন্দৰতে বৈঠকত মিলিত হয় প্ৰধানমন্ত্ৰী নৰেন্দ্ৰ মোদী। মোদীয়ে ৰাষ্ট্ৰীয় নিৰাপত্তা উপদেষ্টা অজিত ডোভাল, বৈদেশিক পৰিক্ৰমা মন্ত্ৰী এছ জয়শংকৰ, আৰু বৈদেশিক সচিব বিক্ৰম মিশ্ৰীক সাক্ষাৎ কৰে।
-
মছজিদৰ পৰা ঘোষণা
পহলগাম আক্ৰমণৰ পাছতে কাশ্মীৰৰ মছজিদৰ পৰা বিশেষ ঘোষণা কৰা হয়। বিভিন্ন মছজিদৰ ইমামে এই ঘটনাক তীব্ৰ গৰিহনা দিয়ে। লগতে দোষীৰ শাস্তিৰ দাবী জনায়।
-
DGCA য়ে দিছে নিৰ্দেশ
পহলগাম সন্ত্ৰাসবাদী আক্ৰমণৰ পিছতে অসামৰিক বিমান পৰিবহণ সঞ্চালকালয়ে টিকটৰ মূল্য বৃদ্ধি আৰু বাতিলৰ মাচুল ৰেহাই সন্দৰ্ভত বিমান সংস্থাসমূহক পৰামৰ্শ জাৰি কৰিছে।
-
৩ জন সন্ত্ৰাসবাদীৰ ছবি অংকন
পহলগাম সন্ত্ৰাসবাদী আক্ৰমণৰ তদন্ত অব্যাহত আছে। প্ৰত্যক্ষদৰ্শীক সোধা-পোছা কৰি ৩ জন সন্ত্ৰাসবাদীৰ ছবি প্ৰকাশ কৰিছে নিৰাপত্তা সংস্থাই।
-
পহলগাম আক্ৰমণঃ সন্ধিয়া ৬ বজাত CCS ৰ বৈঠক
পহলগাম আক্ৰমণৰ পিছত আজি সন্ধিয়া ৬ বজাত দিল্লীত চিচিএছৰ বৈঠক আহ্বান কৰা হৈছে। গৃহমন্ত্ৰী অমিত শ্বাহ উভতি অহাৰ পিছত সন্ধিয়া ৬ বজাত নিৰাপত্তা পৰিক্ৰমা সমিতিৰ বৈঠক। এই বৈঠকত গৃহ মন্ত্ৰীৰ উপৰিও প্ৰতিৰক্ষা মন্ত্ৰী ৰাজনাথ সিং, বৈদেশিক পৰিক্ৰমা মন্ত্ৰী জয়শংকৰ, এন এছ এ অজিত ডোভাল আৰু পিএমঅ’ৰ প্ৰধান সচিব উপস্থিত থাকিব। অৱশ্যে চিচিএছৰ সদস্য বিত্তমন্ত্ৰী নিৰ্মলা সীতাৰমণে নিশা ১০ বজাৰ ওচৰত দিল্লীত উপস্থিত হ’ব, গতিকে তেওঁ উপস্থিত থকাৰ সম্ভাৱনা নাই।
-
পহলগামৰ ঘটনাক গৰিহণা জনায় কেন্দ্ৰীয় মন্ত্ৰী সৰ্বানন্দ সোণোৱালে
পহলগামৰ ঘটনাক গৰিহণা জনায় কেন্দ্ৰীয় মন্ত্ৰী সৰ্বানন্দ সোণোৱালে
Anguished to learn about the terror attack on tourists in Pahalgam, Jammu & Kashmir. I stand in solidarity with those who have lost their loved ones and offer my deepest condolences to the victims.
I strongly condemn this dastardly act and reiterate that the Modi Govt will not…
— Sarbananda Sonowal (@sarbanandsonwal) April 22, 2025
-
ভাৰতবৰ্ষই আজিৰ এই আক্ৰমণৰ ঘটনাৰ বাবে দায়ী কাপুৰুষসকলক চিনাক্ত কৰি উচিতঃ মুখ্যমন্ত্ৰী হিমন্ত বিশ্ব শৰ্মা
পহলগামৰ ঘটনাক গৰিহণা দিয়ে অসমৰ মুখ্যমন্ত্ৰী হিমন্ত বিশ্ব শৰ্মাই।
I have full faith that Bharat will hunt down each and every one of those cowards responsible for the dastardly attack in #Pahalgam today.
The entire nation stands firmly with the bereaved families in this hour of grief.
— Himanta Biswa Sarma (@himantabiswa) April 22, 2025
-
মোদীলৈ ট্ৰাম্পৰ ফোন
পহলগামত পৰ্যটকৰ ওপৰত কৰা সন্ত্ৰাসবাদী আক্ৰমণক তীব্ৰ গৰিহণা দিয়ে আমেৰিকাৰ ৰাষ্ট্ৰপতি ড’নাল্ড ট্ৰাম্পে। ইয়াৰ বাবে তেওঁ প্ৰধানমন্ত্ৰী নৰেন্দ্ৰ মোদীক ফোন কৰে। সন্ত্ৰাসবাদৰ বিৰুদ্ধে যুঁজ দিয়াত ভাৰতৰ কাষত থিয় দিয়াৰ বাৰ্তা প্ৰদান কৰে ট্ৰাম্পে।
-
দিল্লী বিমানবন্দৰত অৱতৰণ কৰিয়েই প্ৰধানমন্ত্ৰীৰ বৈঠক
পহলগামত পৰ্যটকৰ ওপৰত সংঘটিত সন্ত্ৰাসবাদী আক্ৰমণৰ পিছত প্ৰধানমন্ত্ৰী নৰেন্দ্ৰ মোদীয়ে চৌদি আৰৱ ভ্ৰমণ কৰ্তন কৰি উভতি আহিছে। বুধবাৰে পুৱা দিল্লী বিমানবন্দৰত উপস্থিত হৈ ৰাষ্ট্ৰীয় নিৰাপত্তা উপদেষ্টা অজিত ডোভাল, বৈদেশিক পৰিক্ৰমা মন্ত্ৰী এছ জয়শংকৰ আৰু বৈদেশিক সচিব বিক্ৰম মিশ্ৰীক লগ কৰে। তিনিওগৰাকীয়ে প্ৰধানমন্ত্ৰীৰ সৈতে আক্ৰমণ সন্দৰ্ভত বৈঠকত মিলিত হয়।
-
অমিত শ্বাহে শ্ৰদ্ধাঞ্জলি জ্ঞাপন কৰে
কেন্দ্ৰীয় গৃহমন্ত্ৰী অমিত শ্বাহে পহলগাম আক্ৰমণত নিহতসকলক শ্ৰদ্ধাঞ্জলি জনায়, শ্ৰীনগৰৰ আৰক্ষী নিয়ন্ত্ৰণ কক্ষত।
-
পহলগাম আক্ৰমণ সন্ত্ৰাসবাদীৰ প্ৰথম ফটো
পহলগাম সন্ত্ৰাসবাদী আক্ৰমণৰ প্ৰথম সন্দেহযুক্ত ব্যক্তিৰ ফটো।
-
ভাৰতত উপস্থিত প্ৰধানমন্ত্ৰী নৰেন্দ্ৰ মোদী
পহলগাম সন্ত্ৰাসবাদী আক্ৰমণৰ বাবে প্ৰধানমন্ত্ৰী নৰেন্দ্ৰ মোদীয়ে চৌদি আৰৱৰ ভ্ৰমণ আধাতে সমাপ্ত কৰি ভাৰতলৈ উভতি আহিছে। আজি পুৱা তেওঁ দিল্লী পায়।
Prime Minister Narendra Modi lands in Delhi after cutting short his Saudi Arabia visit in view of the #PahalgamTerroristAttack in Kashmir pic.twitter.com/PzrUvr7ib5
— ANI (@ANI) April 23, 2025
-
পহলগাম টেক্সি এছ’চিয়েচনে গৰিহণা দিলে সন্ত্রাসবাদীৰ আক্রমণ
পহলগাম টেক্সি এছ’চিয়েশ্যনৰ সভাপতি গুলজাৰ আহমদ ৱানীয়ে এই সন্ত্ৰাসবাদী আক্ৰমণক গৰিহণা দি কয় যে ‘এয়া কেৱল পৰ্যটকৰ কথা নহয় বৰঞ্চ আমাৰ জীৱিকা, আমাৰ পৰিয়ালৰ কথা। আমি তেওঁলোকক পৰ্যটক বুলি গণ্য নকৰোঁ। এনে লাগিছে যেন আমাৰ পৰিয়ালৰ লোকক হত্যা কৰিছে। চৰকাৰক অনুৰোধ জনাইছো যে এই বিষয়টোৰ গভীৰতালৈ যাওক। পহলগাম সদায় শান্তিপূৰ্ণ, আৰু ই পৰ্যটনৰ ওপৰত চলি থাকে।
কাশ্মীৰত সন্ত্ৰাসবাদীয়ে পৰ্যটকৰ ওপৰত চলোৱা বৰ্বৰ আক্ৰমণত প্ৰায় ৩০ জন পৰ্যটকৰ মৃত্যুৰ আশংকা। দেশ কঁপাই যোৱা এই আক্ৰমণত বহু লোক আহত হৈছে। সন্ত্ৰাসবাদীয়ে তেওঁলোকৰ ধৰ্ম সোধে আৰু গুলীচালনা কৰে। এই আক্ৰমণ আমেৰিকাৰ উপ-ৰাষ্ট্ৰপতিৰ ভাৰত ভ্ৰমণৰ সময়ত সংঘটিত হয়। আনকি এই আক্ৰমণৰ সময়ত প্ৰধানমন্ত্ৰী মোদীয় আছিল চৌদি আৰৱত। প্ৰধানমন্ত্ৰীকে ধৰি আন বহু নেতাই এই আক্ৰমণক কাপুৰুষৰ ঘটনা বুলি গৰিহণা দিছে।
Published On - Apr 23,2025 10:43 AM
