Jharkhand Assembly Election Results: ‘ইণ্ডিয়া’ নে বিজেপি? কাৰ হাতলৈ যাব ঝাৰখণ্ড?

চলি আছে ঝাৰখণ্ড বিধানসভা নিৰ্বাচনৰ ভোটগণনা। য’ত মহাৰাষ্ট্ৰত কংগ্ৰেছ আৰু ইয়াৰ মিত্ৰশক্তিয়ে এক বৃহৎ বিফলতা লাভ কৰিছে। কিন্তু ইয়াৰ মাজতে ঝাৰখণ্ড নিৰ্বাচনৰ ফলাফলে কিছু সকাহ প্ৰদান কৰিছে।ৰাজ্যখনৰ ৮১খন আসনৰ বাবে চলি থকা ভোটগণনাৰ ফলাফলত JMM-কংগ্ৰেছ মিত্ৰজোঁটে সহজে সংখ্যাগৰিষ্ঠতা লাভ কৰা দেখা গৈছে।ফলাফলৰ ক্ষেত্ৰত, ঝাৰখণ্ডৰ ৮১খন আসনৰ ভিতৰত ৫৪খন আসনত JMM-কংগ্ৰেছ মিত্ৰজোঁট আগবাঢ়ি আছে। আনহাতে বিজেপি মিত্ৰজোঁটৰ ২৬খন আসনত আগবাঢ়ি আছে।

মহাৰাষ্ট্ৰৰ দৰে ঝাৰখণ্ডটো বিজেপি আৰু কংগ্ৰেছৰ মাজত নিৰ্বাচনী ৰণ অব্যাবত আছিল। য’ত বিজেপিয়ে AJSU, JDU আৰু লোক জনশক্তি পাৰ্টি ৰাম বিলাসৰ সৈতে মিত্ৰতা কৰি নিৰ্বাচনত প্ৰতিদ্বন্দিতা কৰিছিল। আনহাতে কংগ্ৰেছে হেমন্ত ছোৰেনৰ দল JMM, RJD, আৰু CPIৰ সৈতে হাত মিলাইছিল।

কোনটো দলে কিমানখন আসনত আগবাঢ়ি আছে?

ঝাৰখণ্ড বিধানসভা নিৰ্বাচনৰ ফলাফলৰ ক্ষেত্ৰত, নিৰ্বাচন আয়োগৰ দুপৰীয়া 2 বজাৰ তথ্য অনুসৰি, জেএমএম ৩২ খনত, বিজেপি ২৩ খনত আৰু কংগ্ৰেছ ১৬খন আসনত আগবাঢ়ি আছে। ইফালে, জেএমএম মিত্ৰজোঁটৰ অন্যান্য দলৰ সন্দৰ্ভত আৰজেডি ৫ খনত আৰু চিপিএম ১খন আসনত আগবাঢ়ি আছে। আনহাতে, বিজেপি মিত্ৰজোঁটৰ অংশীদাৰ JDU-AJSU আৰু LJPRV ১খনকৈ আসনত আগবাঢ়ি আছে।

কিমানখন আসনত প্ৰতিদ্বন্দিতা কৰিছে কংগ্ৰেছ-বিজেপি-জেএমএমে?

ঝাৰখণ্ডৰ ৮ খন আসনৰ ভিতৰত বিজেপিয়ে ৬৮খন আসনত প্ৰতিদ্বন্দিতা কৰিছে, আনহাতে ইয়াৰ সহযোগী এজেএছইউক ১০ খনত, জেডিইউক ২খন আসনত আৰু LJPRVক এখন আসনত প্ৰাৰ্থী প্ৰদান কৰাৰ সুযোগ দিয়া হৈছে। কংগ্ৰেছ-জেএমএম মিত্ৰতাৰ ক্ষেত্ৰত, কংগ্ৰেছে ৩০খন আৰু জেএমএমে ৪৩খন আসনত প্ৰতিদ্বন্দিতা কৰিছে। ইয়াৰ উপৰিও, মিত্ৰজোঁটৰ মিত্ৰদল আৰজেডিয়ে ৬খন আসনত আৰু চিপিআই (এমএল)য়ে ৪খন আসনত প্ৰাৰ্থী প্ৰদান কৰিছে। ‘ইণ্ডিয়া’ মিত্ৰজোঁটৰ দলসমূহেও ঝাৰখণ্ডৰ ৩খন আসনত ‘বন্ধুত্বপূৰ্ণ যুঁজ’ত প্ৰতিদ্বন্দিতা কৰিছে।