Sanjeev Khanna: ন্যায়াধীশ সঞ্জীৱ খান্না হ’ব দেশৰ পৰৱৰ্তী CJI, ১১ নৱেম্বৰত ল’ব দায়িত্ব

ন্যায়াধীশ সঞ্জীৱ খান্না হ’ব দেশৰ ৫১ সংখ্যক মুখ্য ন্যায়াধীশ। বৃহস্পতিবাৰে তেওঁক মুখ্য ন্যায়াধীশ হিচাপে নিযুক্তি দিয়া হয়। ১১ নৱেম্বৰত শপত গ্ৰহণ কৰিব ন্যায়াধীশ খান্নাই। ইয়াৰ এদিন আগতে বৰ্তমানৰ ডি ৱাই চন্দ্ৰচূড়ৰ পদ খালী হ’ব। ডি ৱাই চন্দ্ৰচূড়ৰ ২০২২ চনৰ ৮ নৱেম্বৰত চি জে আই হিচাপে দায়িত্ব লয়। ন্যায়াধীশ সঞ্জীৱ খান্নাৰ মুখ্য ন্যায়াধীশ হিচাপে কাৰ্যকাল ছমাহতকৈ অলপ বেছি হ’ব। অহা বছৰৰ ১৩ মে’ত তেওঁ কাৰ্যভাৰৰ পৰা অৱসৰ ল’ব।

ছ’চিয়েল মিডিয়া প্লেটফৰ্ম এক্সত এটা পোষ্ট কৰিছে আইন মন্ত্ৰী অৰ্জুন ৰাম মেঘৱালে। তেওঁ কয় যে, ভাৰতৰ সংবিধানে দিয়া ক্ষমতা ব্যৱহাৰ কৰি দেশৰ ৰাষ্ট্ৰপতিয়ে খ্য ন্যায়াধীশৰ সৈতে আলোচনা কৰি ২০২৪ চনৰ ১১ নৱেম্বৰৰ পৰা কাৰ্যকৰী হোৱাকৈ উচ্চতম ন্যায়ালয়ৰ ন্যায়াধীশ সঞ্জীৱ খান্নাক দেশৰ মুখ্য ন্যায়াধীশ হিচাপে নিযুক্তি দিয়ে।

In exercise of the power conferred by the Constitution of India, Hon’ble President, after consultation with Hon’ble Chief Justice of India, is pleased to appoint Shri Justice Sanjiv Khanna, Judge of the Supreme Court of India as Chief Justice of India with effect from 11th…

— Arjun Ram Meghwal (@arjunrammeghwal) October 24, 2024

ডি ৱাই চন্দ্ৰচূড়ে উত্তৰাধিকাৰীক পৰামৰ্শ দিছিল

শেহতীয়াকৈ মুখ্য ন্যায়াধীশ ডি ৱাই চন্দ্ৰচূড়ে তেওঁৰ উত্তৰাধিকাৰীক পৰামৰ্শ দিছিল। তেওঁ কেন্দ্ৰীয় চৰকাৰলৈ এখন চিঠি লিখিছিল। ইয়াত চি জে আইৰ উত্তৰাধিকাৰী হিচাপে ন্যায়াধীশ খান্নাৰ নাম প্ৰস্তাৱ কৰা হৈছিল। পৰামৰ্শত তেওঁ কৈছিল যে সঞ্জীৱ খান্না পৰৱৰ্তী মুখ্য ন্যায়াধীশ হ’ব। তেওঁৰ পৰামৰ্শ চৰকাৰে মানি লৈছে। ২০১৯ চনৰ জানুৱাৰী মাহত ন্যায়াধীশ খান্নাক দিল্লী উচ্চ ন্যায়ালয়ৰ পৰা উচ্চতম ন্যায়ালয়লৈ উন্নীত কৰা হৈছিল।

Chief Justice of India DY Chandrachud has formally proposed Justice Sanjiv Khanna as his successor. In a communication to the Union government, Chief Justice Chandrachud stated that since he is demitting office on November 11, Justice Khanna would be his successor.

Upon approval… pic.twitter.com/LgH8PqvDyr

— ANI (@ANI) October 17, 2024

ন্যায়াধীশ সঞ্জীৱ খান্না কোন?

১৯৬০ চনৰ ১৪ মে’ত জন্মগ্ৰহণ কৰা খান্নাই দিল্লী বিশ্ববিদ্যালয়ৰ কেম্পাছ ল চেণ্টাৰৰ পৰা আইন অধ্যয়ন কৰিছিল। ১৯৮৩ চনত তেওঁ নিজকে দিল্লী বাৰ কাউন্সিলত উকীল হিচাপে পঞ্জীয়ন কৰে। প্ৰথম দিনত তেওঁ তিছ হাজাৰী ক’ৰ্টত প্ৰেকটিছ কৰিছিল। ইয়াৰ পিছত তেওঁ উচ্চ ন্যায়ালয়ত প্ৰেকটিছ কৰিবলৈ আৰম্ভ কৰে। ন্যায়াধীশ খান্না ১৪ বছৰ ধৰি দিল্লী উচ্চ ন্যায়ালয়ৰ ন্যায়াধীশ আছিল। ২০২৩ চনৰ ১৭ জুনৰ পৰা ২০২৩ চনৰ ২৫ ডিচেম্বৰলৈ তেওঁ উচ্চতম ন্যায়ালয়ৰ আইনী সেৱা সমিতিৰ অধ্যক্ষ আছিল।