এগৰাকী যুৱতীৰ স্তনত স্পৰ্শ কৰিলে সেয়া ধৰ্ষণ নহয়! কোন উচ্চ ন্য়ায়ালয়ৰ ন্যায়াধীশৰ এই মন্তব্য?
যদি কোনো ব্যক্তিয়ে এগৰাকী যুৱতীৰ স্তনত জোৰকৈ ধৰি তেওঁৰ পাইজামাৰ ৰচী খুলি পেলায়, তেন্তে ইয়াক ধৰ্ষণ বুলি গণ্য কৰা নহ’ব । অৰ্থাৎ ধৰ্ষণ ধাৰাত তেওঁক দোষী বুলি গণ্য কৰা নহ’ব । ৩৭৬ ধাৰাৰ পৰিবৱৰ্তে গুৰুতৰ যৌন অপৰাধৰ শ্ৰেণীত অন্তৰ্ভুক্ত ৩৫৪-বি ধাৰাত শাস্তি প্ৰদান কৰা হ’ব তেনে লোকক । উচ্চন্যায়ালয়ৰ এগৰাকী ন্যায়াধীশৰ মন্তব্য এয়া ।
ন্যায়ালয়ৰ এগৰাকী বিচাৰকৰ এক বক্তব্যই সৃষ্টি কৰিছে ব্যাপক চাঞ্চল্যৰ । এটা গুৰুত্বপূৰ্ণ গোচৰত এলাহাবাদ উচ্চ ন্যায়ালয়ৰ ন্যায়াধীশ ৰাম মনোহৰ নাৰায়ণ মিশ্ৰই মন্তব্য কৰে যে যদি কোনো ব্যক্তিয়ে এগৰাকী যুৱতীৰ স্তনত জোৰকৈ ধৰি তেওঁৰ পাইজামাৰ ৰচী খুলি পেলায়, তেন্তে ইয়াক ধৰ্ষণ বুলি গণ্য কৰা নহ’ব । অৰ্থাৎ ধৰ্ষণ ধাৰাত তেওঁক দোষী বুলি গণ্য কৰা নহ’ব ।
৩৭৬ ধাৰাৰ পৰিবৱৰ্তে গুৰুতৰ যৌন অপৰাধৰ শ্ৰেণীত অন্তৰ্ভুক্ত ৩৫৪-বি ধাৰাত শাস্তি প্ৰদান কৰা হ’ব তেনে লোকক । আদালতে লগতে কয় যে ধৰ্ষণৰ চেষ্টা আৰু অপৰাধৰ বাবে কৰা প্ৰস্তুতিৰ মাজত পাৰ্থক্য বুজি পোৱাটো গুৰুত্বপূৰ্ণ । কাছগঞ্জৰ এক গোচৰৰ সন্দৰ্ভত মন্তব্য কৰা উচ্চ ন্যায়ালয়ৰ ন্যায়াধীশ ৰাম মনোহৰ মিশ্ৰ কোন জানেনে ?
১৯৬৪ চনৰ ৬ নৱেম্বৰত জন্মগ্ৰহণ কৰা ন্যায়াধীশ ৰাম মনোহৰ মিশ্ৰই ১৯৮৫ চনত আইন বিষয়ত স্নাতক ডিগ্ৰী লাভ কৰে । তাৰ পিছত ১৯৮৭ চনত আইন বিষয়ত স্নাতক ডিগ্ৰী লাভ কৰে । ১৯৯০ চনত উত্তৰ প্ৰদেশ ন্যায়িক সেৱাত মুনছিফ হিচাপে যোগদান কৰে ।
২০০৫ চনত তেওঁ উচ্চ ন্যায়িক সেৱালৈ পদোন্নতি লাভ কৰে । ২০১৯ চনত জিলা আৰু সত্ৰ ন্যায়াধীশ হিচাপে নিযুক্তি । ইয়াত পদোন্নতিৰ পূৰ্বে তেওঁ বাঘপট আৰু আলিগড় জিলাত সেৱা আগবঢ়াইছিল । লক্ষ্ণৌত জেটিআৰআইৰ সঞ্চালক আৰু জিলা আৰু সত্ৰ ন্যায়াধীশ হিচাপেও তেওঁ কাৰ্যনিৰ্বাহ কৰিছিল ।
এতিয়া তেওঁৰ লগত জড়িত কিছুমান গুৰুত্বপূৰ্ণ গোচৰৰ বিষয়ে জানি লওক । যোগী আদিত্যনাথক লৈ নিম্ন আদালতৰ নিৰ্দেশ প্ৰত্যাহাৰৰ ৰায় দিছিল তেওঁ । ইয়াৰ উপৰিও তেওঁৰ বিচাৰপীঠত নাৰী সম্পৰ্কীয় কিছুমান গুৰুত্বপূৰ্ণ সিদ্ধান্তৰ ওপৰতো গুৰুত্বপূৰ্ণ মন্তব্য কৰিছিল ।
যোগী আদিত্যনাথৰ সৈতে জড়িত নিম্ন আদালতৰ নিৰ্দেশ প্ৰত্যাহাৰ
২০২৪ চনৰ মাৰ্চ মাহত এলাহাবাদ উচ্চ ন্যায়ালয়ে নিম্ন আদালতৰ ন্যায়াধীশে দিয়া নিৰ্দেশ প্ৰত্যাহাৰ কৰে, য’ত তেওঁ কৈছিল যে মুখ্যমন্ত্ৰী যোগী আদিত্যনাথ গ্ৰীক দাৰ্শনিক প্লেটোৱে দিয়া ধাৰণাটোৰ উপযুক্ত উদাহৰণ । কোনো ধৰ্মীয় ব্যক্তি ক্ষমতাৰ পদত থাকিলে ভাল ফল পোৱা যায় কাৰণ ধৰ্মীয় ব্যক্তিৰ জীৱনটো আনন্দ আৰু বিলাসিতাৰে ভৰা নহয়, বৰঞ্চ ত্যাগ আৰু ভক্তিৰে ভৰি থাকে । ন্যায়াধীশ ৰাম মনোহৰ নাৰায়ণ মিশ্ৰৰ একক বিচাৰপীঠে এই নিৰ্দেশ প্ৰত্যাহাৰ কৰে ।
মহিলাৰ লগত জড়িত কিছুমান সিদ্ধান্ত
২০২৩ চনত ধৰ্ষণৰ গোচৰৰ শুনানিৰ সময়ত কোৱা হৈছিল যে ধৰ্ষণৰ বলি হোৱা মহিলা বা ছোৱালীজনী সহ-অপৰাধী নহয় । এনেবোৰ কথা আৰু ভুক্তভোগীৰ সাক্ষ্যৰ সমৰ্থনত জোৰ দিয়াটো সঁচাকৈয়ে এগৰাকী নাৰীৰ অপমান ।
২০২৪ চনত এলাহাবাদ উচ্চ ন্যায়ালয়ৰ বিচাৰপীঠে এটা গোচৰৰ শুনানি গ্ৰহণ কৰা সময়ত কয় যে মধ্যবিত্তীয় পৰিয়ালৰ এগৰাকী মহিলাই সামান্য পৰিমাণৰ ধন (২৫০০ টকাত) এসাঁজৰ ব্যৱস্থাও কৰাটো প্ৰায় অসম্ভৱ । এনে পৰিস্থিতিত তেওঁৰ জীৱিকাৰ ভাট্টাটোৰ পৰিমাণ প্ৰতিমাহে ৫ হাজাৰ টকালৈ বৃদ্ধি কৰিব লাগে । চণ্ডাউলীৰ এগৰাকী মহিলাৰ আৱেদন সন্দৰ্ভত আদালতে এই মন্তব্য কৰিছিল ।
মথুৰাত চলি থকা কৃষ্ণ জন্মভূমি-শ্বাহী ইদগাহ মছজিদৰ বিবাদৰ শুনানি ন্যায়াধীশ ৰাম মনোহৰ মিশ্ৰৰ বিচাৰপীঠত চলি আছে । এই গোচৰৰ পৰৱৰ্তী শুনানি ৩ এপ্ৰিলত নিৰ্ধাৰণ কৰা হৈছে ।
