খাদ্যত দিয়া হৈছে ৰুটি আৰু ছাগলীৰ মাংস..! কাৰাগাৰত কেনে আছে কলকাতা কাণ্ডৰ অভিযুক্ত সঞ্জয় ৰয়?

কাৰাগাৰত কেনেদৰে আছে কলকাতা কাণ্ডৰ অভিযুক্ত সঞ্জয় ৰয়?

কলকাতাৰ চিকিৎসক ধৰ্ষণ গোচৰৰ অভিযুক্ত সঞ্জয় ৰয়ক কলকাতাৰ প্ৰেচিডেন্সি কাৰাগাৰত বন্দী কৰি ৰখা হৈছে। তেওঁক কাৰাগাৰৰ ২১ নম্বৰ চেলত ৰখা হৈছে। কলকাতাৰ প্ৰেচিডেন্সি কাৰাগাৰ অতি গুৰুত্বপূৰ্ণ। ইয়াৰ নিজা ঐতিহাসিক গুৰুত্বও আছে। বহুতো স্বাধীনতা সংগ্ৰামীক এই কাৰাগাৰত বন্দী কৰি ৰখা হৈছিল। বিগত দিনবোৰত কুনাল ঘোষকো কাৰাগাৰৰ ২১ নম্বৰ চেলত ৰখা হৈছিল। ইয়াৰ কাষতে পাৰ্থো চেটাৰ্জীকো বন্দী কৰি ৰখা হৈছে।

শুকুৰবাৰে  নিশা সঞ্জয় ৰয়ক খাদ্যত ৰুটি আৰু ছাগলীৰ মাংস দিয়া হৈছিল। কাৰাগাৰৰ মেনুৱেল অনুসৰি, শুক্ৰবাৰে নিশাৰ আহাৰত ছাগলীৰ মাংস পৰিৱেশন কৰা হয়। শুকুৰবাৰে শিয়ালদাহ আদালতে কলকাতা গোচৰৰ অভিযুক্ত সঞ্জয় ৰয়ক ১৪ দিনৰ ন্যায়িক জিম্মালৈ প্ৰেৰণ কৰিছিল। আজি চিবিআইয়ে সঞ্জয় ৰয়ৰ এদিনীয়া ৰিমাণ্ড লাভ কৰিছে। চিবিআইয়ে পলিগ্ৰাফ পৰীক্ষাৰ বাবে এদিনৰ ৰিমাণ্ড বিচাৰিছিল।

শিয়ালদাহ আদালতে  মঞ্জুৰ কৰিছে ৰিমাণ্ড ।  পলিগ্ৰাফ টেষ্ট কৰিবলৈ সন্মত হৈছে সঞ্জয় ৰয়। তেওঁক আজি পলিগ্ৰাফ টেষ্ট কৰোৱা হৈছে। ৰয়ৰ সৈতে আৰ জি কৰ চিকিৎসালয়ৰ প্ৰাক্তন অধ্যক্ষসহ ৭ জন লোকৰ পলিগ্ৰাফ টেষ্ট কৰোৱা হৈছে। ইয়াৰ উপৰিও, চাৰিজন চিকিৎসক আৰু এজন স্বেচ্ছাসেৱকৰো পলিগ্ৰাফ টেষ্ট কৰা হৈছে। তেওঁলোক সকলোকে আজি পলিগ্ৰাফ পৰীক্ষা কৰা হৈছে।

৯ আগষ্টৰ ঘটনাৰ দিনা সৌৰভক সঞ্জয় ৰয়ৰ সৈতে দেখা গৈছিল। সৌৰভো এজন স্বেচ্ছাসেৱক আৰু সঞ্জয় ৰয়ৰ বন্ধু। ঘটনাটোৰ পিছদিনা সৌৰভ সঞ্জয় ৰয়ৰ সৈতে আছিল। ঘটনাটোৰ দিনা সৌৰভ সঞ্জয় ৰয়ৰ সৈতে চেতলা (বেশ্যালয়) লৈ গৈছিল। চিবিআইৰ দলটোও তদন্তৰ বাবে চেতলালৈ গৈছিল। চিবিআইয়ে বিষয়টো তদন্ত কৰি আছে। তদন্তকাৰী সংস্থাটোৱে যোৱা ৮ দিন ধৰি সঞ্জয় ৰয় আৰু সন্দীপ ঘোষক নিৰন্তৰ জেৰা কৰি আহিছে।

কলকাতাৰ আৰ জি কৰ চিকিৎসা মহাবিদ্যালয়ত প্ৰশিক্ষাৰ্থী চিকিৎসকক ধৰ্ষণ আৰু হত্যাৰ পাছত কলকাতাৰ লগতে সমগ্ৰ দেশতে ক্ষোভৰ সৃষ্টি হৈছে। ঘটনাটোৱে সমগ্ৰ দেশতে ব্যাপক প্ৰতিবাদৰ সৃষ্টি কৰিছিল।
এতিয়াও পশ্চিমবংগৰ লগতে দেশ অন্য প্ৰান্তত অব্যাহত আছে প্ৰতিবাদ। ৯ আগষ্টত মহিলা চিকিৎসকগৰাকীৰ মৃতদেহ আৰ জি কৰ চিকিৎসা মহাবিদ্যালয়ত পোৱা গৈছিল।